Kukola mu Nshindamenu wa Buakabuluibua

Bipepela bia mu mubidi ne bia mu nyuma bidi bienza bitupa bia moyo pa buloba, ke tshidi disama dia COVID-19 dituvuluija. Pavuaye wakula bua tshikondo tshialua kumpala kua Kulua Kuibidi kuenda, Mupandishi wakadianjila kuakula bua matuku a Makenga. Wakamba se, “Nekuikala nzala, bipupu, ne dizakala dia buloba, mu miaba yabungi” (Joseph Smith—Matayo 1:29).

Nsangilu wa ntatu eyi udi uvudija muidima ne Mashimi bidi bikala bitunyungulukila. Bu muvua Yezu muambila balongi Benda, “malu mabi neavule” kumpala kua Dilua Diende (Joseph Smith—Matayo 1:30).

Satana musangisha biluilu bienda ne lonji lukola bua kunyanga mudimu wa Mukalenga ne wa aba ba kutudi badi badibuejamu. Bua ditungunuka dia njiwu itudi bikala nayi, dijinga dietu bua bulombodi bua ku diûlu ndipita bungi, ne kudienzeja kuetu bua kuteleja dîyi dia Yezu Kilisto—Yeye Mutuangaji, Mupandishi, ne Musungidi wetu—Nekuikala kulombibua lukasa.

Bu mumvua muleja tshitupa tshikesa panyima pa mema mubikidibua bu Muimanyinyi wa Ekelezia, Mukalenga udi pabuipi bua kutubuluila meji Enda. Etshi ntshimua tshia kumabenesha adiye mutupe.²

Mu matuku etu, mmulaya se “Panualomba, nenupeta dibululuila pa dibululuila, dimanya pa dimanya” (Dilongesha ne Bipungidi 42:61).

Ndi mumanye se Neandamuna ku milombu yetu.

Kumanya mushindu udi Nyuma wakula kudi ne mushinga lelu. Bua kupeta dibululuila dia muntu nkaya, kupeta mandamuna, ne kupeta bukubi ne buludiki, tudi tuvuluka kipatshila kadi muambi Joseph Smith mutupesha.

Tshiakumpala, tudi tudibuinka mu mifundu. Patudi tuenza nanku, tudi tunzulula meji etu ne mioyo yetu ku malongesha ne malu malelela a Mupandishi. Mêyi a Kilisto “adi atuambila bionso bitudi ne bua kuenza” (2 Nefi 32:3), nangananga mu matuku â adipanga ne dipandisha mioyo.

Pashisha tudi tusambila. Disambila didi dilomba ntuadijilu, nanku tudi tudipuekesha kumpala kua Nzambi, tupeta muaba mutalala utudi mua kuikala tuya misangu yonso, ne tumupesha moyo wetu.

Mukalenga udi wamba se, Semena pabuipi nanyi ne mema nensemena pabuipi nebe; nkeba ne tshisumi ne ummona; lomba ne upete, kokola ne bakunzuluile (Dilongesha ne Bipungidi 88:63).

Kusemena pabuipi ne Mukalenga kudi kutuala dikolakana ne dikankamika, ditekemena ne londapu. Nunku, tudi tusambila mu dina Dienda bua madiabakena ne mateketa etu, bua majinga etu ne bua bananga betu, bua mabikila ne makonka etu.

Pashisha tudi tuteleja.

Tuetu bashala ku binu katantshi panyima pa disambila dietu, ngenyi, tshiumvuilu, ne buludiki nebilua mu meji etu. Patudi tuteleja ngumvuilu eyi idi ituambuluisha bua kumanya tshidi Mukalenga musue bua tuenza.

Patudi tuambulula ngenzelu ewu, netuikala ne bua kukola mu nshindamenu wa buakabuluibua uvua muambi Joseph Smith muakula mu mêyi enda.³

Kulongolola mushindu wetu wa kumanya minungenu ya Nyuma Muimpa ne kutantshisha dikumbana dietu bua kupeta dibululuila kudi kulomba dikumbana. Dikumbana kadiena dilomba bujalami to, kadi didi dilomba bua se tudienzeja bua tuikala bakezuka.

Mukalenga muindila didienzeja dia ku dituku ne dituku, didiakaja, ne dikudimuna dia mutshima. Dikumbana didi dituala bukezuka, ne bukezuka budi butulongolola bua kupeta Nyuma Muimpe. Patudi tuteka Nyuma Muimpe bu mutuludiki wetu (Dilongesha ne Bipungidi 45:57), tudi tudianyishila bua kupeta dibuluila dia nkaya.

Pikalaku tshintu tshidi tshitupangisha bua kukangula tshibi ku buludiki bua ku diûlu, tudi ne bua kukudimuna mutshima. Dikudimuna mutshima didi dituanyishila bua kukangula tshibi bua tuteleja bimpa dîyi dia Mukalenga misangu mivule patoka.

Mukulu David A. Bednar wa mu Tshisumbu tshia Bapostolu Dikumi ne Babidi wakalongesha se “Tshipimu tshidi patoka.” “Pikalaku tshintu tshitudi tuelela meji, tumona, tuteleja anyi tutshienza ne tshikala tshitushiya ntanta mula ne Nyuma Muimpa, nanku tuimanyika kuelela meji, kumona, kuteleja anyi kuenza tshiotshi tshintu etshi. Pikalatshi tshifila disankisha, tshilejelo, tshitukosolola ne Nyuma Muimpa, nanku bushuwa adi disankisha ki ndietu to. Bualu Nyuma kena unanga bukoya anyi busenji, nanku bushuwa bintu ebi ki mbietu to.”⁴

Patudi tusangisha bukezuka ne ditumikila mu kujila kua biakudia, kukeba ne dinanukila, kulonga kua mifundu ne mêyi a bambi badi ne moyo, ne tempelo ne ku malu a kala a dîku, diûlu didi dikanguka. Pananku Mukalenga neakumbaja penda mulayi Wenda udiye wamba se: Nenkumpesha Nyuma wanyi, bua akutokeshela meji eba” (Dilongesha ne Bipungidi 11:13).

Tudi ne bua kuikala ne lutulu, bualu Nzambi neakula kutudi mu Wenda mushindu ne mu Dienda diba.

Yobo wakamba se “Kudi nyuma mu muntu: ne lungenyi lua wa Bukitu Bonso ludi lubapesha lumvu” (Yobo 32:8). Mu tshidimu tshipiatshipia etshi, ndi nukankamika bua nuenze malubuluka a mushinga bua kuteleja Mukalenga bimpa ne misangu mivule bua nupeta bukenka budiye musue kunupesha.

Kumpala kua lufu lua Mukulu Hales mu dituku adi dia ngondo wa Dikumi 2017, uvua mulongolola muyuki mukese uvuaye ne bua kuenza mu mpungilu munena kadi kakakumbana bua kuwenza to. Mu muyuki awu, uvua mufunde ne, “Ditabuija dietu didi ditulongolola bua kuikala kumpala kua Mukalenga.”⁵

Diba ditudi tupeta dibululuibua, tudi bikala kumpala kua Nzambi bumudiye utubuluila lungenyi Luende, disua Dienda, ne dîyi Dienda kutudi (tangila Dilongesha ne Bipungidi 68:4). Tutekayi Ditabuija dietu mu tshienzedi, mu dimubikila, mu didikumbaja bua kupeta lungenyi Luende lulaya, ne kutumika bilondeshela buludiki butudi tupeta.