យុវវ័យ
នៅសាលាដែលខ្ញុំទៅរៀនសព្វថ្ងៃនេះ មានសមាជិកតិចតួចណាស់ ។ ដូច្នេះវាមានសារៈសំខាន់ដើម្បីរស់នៅតាមបទដ្ឋានរបស់ខ្ញុំ ដោយសារវាគឺជារបៀបតែមួយគត់សម្រាប់ឲ្យពន្លឺនៃដំណឹងល្អបានបញ្ចាំងចេញទៅតាមរយៈខ្ញុំ ដើម្បីឲ្យអ្នកមិនមែនជាសមាជិកអាចរកឃើញផ្លូវរបស់ពួកគេទៅកាន់សាសនាចក្រនៅទីបំផុត ។ ប្រហែលវាពុំមែនជាពេលឥឡូវនេះទេ ប៉ុន្តែថ្ងៃណាមួយ ពួកគេនឹងចងចាំថា មានក្មេងប្រុសចម្លែកម្នាក់នេះដែលមិនផឹកតែទឹកកក និងកាហ្វេ មិនជេរ នោះគឺជាសមាជិកនៃព្រះវិហារមួយ ។ ប្រហែលជាថ្ងៃណាមួយគំរូរបស់ខ្ញុំនឹងដឹកនាំពួកគេទៅកាន់កន្លែងដែលពួកគេត្រូវទៅ ។
វាអាចជាការពិបាកដើម្បីធ្វើខ្លួនខុសពីគេ ដើម្បីឈរយ៉ាងរឹងប៉ឹង ។ វាងាយស្រួលដើម្បីទម្លាក់បទដ្ឋានចោល ។ គំរូ និងការអធិស្ឋានរបស់គ្រួសារខ្ញុំពិតជារក្សាខ្ញុំឲ្យបន្តធ្វើកិច្ចការពេញមួយថ្ងៃ ។ ការអធិស្ឋានរំឭកខ្ញុំឲ្យរក្សាបទដ្ឋានរបស់ខ្ញុំ ។
គ្មានមន្ទិលសង្ស័យណាសូម្បីតែបន្តិចអំពីអ្វីដែលអ្នកកំពុងធ្វើនោះថា មិនត្រឹមត្រូវឡើយ ។ មនុស្សតែងតែព្យាយាមចំអកឡកឡឺយដល់អ្នកនូវរឿងដែលពួកគេពុំដែលធ្វើ ។ ប្រហែលជាអ្នកមិនមែនជាមនុស្សអស្ចារ្យទេ ។ រឿងនោះមិនជាអ្វីទេ ។ ព្រះវរបិតាសួគ៌របស់អ្នក និងព្រះយេស៊ូវគ្រីស្ទទតឃើញថា អ្នកជាមនុស្សអស្ចារ្យក្នុងការគោរពតាមបទដ្ឋាន ។ ទីបំផុតអ្នកនឹងដឹងថា អ្វីដែលអ្នកកំពុងធ្វើឥឡូវនេះធ្វើឲ្យអ្នករីករាយ ។ វាគឺពិតជាមាននូវសេចក្តីអំណរដ៏យូរអង្វែងដែលកើតមកពីការរក្សាបទដ្ឋានរបស់អ្នក ។ ដូច្នេះ សូមបន្តទៅមុខទៀត សូមរក្សាបទដ្ឋាននៃការរស់នៅរបស់អ្នក !
ណាថាន អូ ទីក្រុងម៉ានីល ប្រទេសហ្វីលីពីន