Tataro ibukiia Aine n Tatabemaniia n Araia

Onimaki, Utu, Buoka

Ni koroboki aika a tabu ao a mwaiti katooto irouia mwaane ao aine ake a tataro ibukiia tabeman n araia. Ibuakoia aika a bon rang kamimi bon ana karo Aramwa te tei. Te anera e taetae nakon Aramwa te Teei, n tuangnga bwa tamana “e a[tia] n tataro ma te onimaki ae korakora ibukim … ; mangaia ae, aio bukin ae I a roko iai bwa N na kaota nakoim mwaakan ao korakoran te Atua, bwa aonga ni kaekaki aia tataro ana toro n aron aia onimaki” (Motiaea 27:14).

Te tataro ibukira n tatabemaniira e kauki nanora ni karekei kakabwaia ake e tangiria te Uea n anganiira. “Oin te tataro tiaki nanona bwa ko na bita ana kantaninga te Atua, ma bon ibukin kawakinara ao ibukin kakabwaiakiia tabeman ake e tauraoi n anganiia te Atua, ma ti riai ni butiia bwa a na karekea.”¹

Temanna te aine e taekinna bwa inanon ana kangaanga inanon maiuna, e roko te tareboon ke te rongorongo ae bebete e aki toki n roroko mai irouia ana taan reirei ni kakawari n tain “ana bong ni mena inanon te kangaanga.” Titebo ma a ata te tai are e kainnanoa raoi iai te ibuobuoki. E ataia bwa a tataro ibukina, ngke a kawaria ao ngkana a tataro ibon irouia.

“Iangoa korakorara ae ikotaki ngkana ti tataro ma nanora ibukiia tarira nako ni katoa ingabong ao n tairiki, ma ae tamaroa riki, n aki toki n tataro n aron are e a tia n tua te Uea,” e taku Julie B. Beck, te Beretitenti Ni Kawai n te Bootaki n Aine.² Tataro ibukiia naake ti kawariia e kakorakoraira bon iroura ngkai ngaira Aine aika Itiaki ni Boong Aika Kaitira.

Beretitenti Henry B. Eyring, Moan Kauntira n te Moan Beretitentii, e taku: “Tataro ibukin kawai n atai nanoia. … Kona riai n ata te bwai ae tangiriko te Atua bwa kona karaoia ni buokiia ao ni karaoi ni kabane, ni kaniia are ko kona, n namakina ana tangira te Atua ibukiia.”³