Wok Long Painim Krais long Krismas

Yumi no save tumas long ol dispela lain bilong was long sipsip, olsem tasol ol bin wok long ‘stap long hap gras bilong ol sipsip na lukautim ol sipsip bilong ol long nait.”¹ Ol lain bilong was long sipsip bin ating moa olsem ol man nating tasol, olsem planti gutpela lain husat save stap tasol long olgeta de na wokim wok long lukautim ol yet.

Ol i ken makim ol lain husat, long wanpela taim, ating no bin wok long wok hat long painim Krais, tasol bel bilong ol bin senis taim ol heven bin op na ol mausman bilong heven bin tokim ol long Krais.

Ol em ol dispela lain husat, bihain tasol long ol i harim nek bilong ol mausman bilong heven, wantu tasol ol bin go long Bethlehem long laik long lukim.²

Ol Wais Man bin ol skul man husat bin wok long stadim dispela kamap bilong Mesaia, dispela Pikinini Man bilong God. Thru long skul bilong ol, ol bin luksave na makim ol dispela sain em bin poin i go long bon bilong Em. Taim ol i bin luksave na makim ol dispela sain, ol bin lusim ol ples bilong ol na wokabaut i go long Jerusalem, na wok long askim, “Em we dispela em husat i bon King bilong ol Ju?”³

Save bilong ol long Krais i no bin stap tasol olsem samting bilong skul. Nambawan taim ol bin lukim ol dispela sain bilong bon bilong Em, ol bin kirap na wokabaut. Ol bin wokabaut long painim Krais.

Ol Wais Man i ken makim ol dispela lain husat i painim Krais thru long skul na stadi bilong ol. Ol strongpela piling long trut bai bihain lidim ol long painim Krais na lotuim Em olsem King bilong olgeta king, Sevia bilong olgeta manmeri bilong dispela graun.⁴

Simeon na Anna i ken makim ol dispela lain husat wok long painim Krais thru long Spirit. Ol dispela naispela sol bin strong tru long lotu na, thru long pasin bilong lusim kaikai na preiya na long stap insait long laip bilong strongpela piling na pasin bilong harim tok, ol bin wet hamamas tru stap long lukim dispela de bilong kam bilong Pikinini Man bilong God.

Thru long promis, daun pasin, na feit, ol wantaim strongpela bel bin was long kam bilong Sevia.

Bihain, feit bilong ol bin win taim Mary na Joseph givim long ol dispela bebi husat bai wanpela de kisim antap long Em Yet ol sin bilong ol manmeri bilong dispela graun.⁵

Dispela stori bilong sutim bel long hau ol bilip lain insait long dispela Niupela Wol bin was long sain bilong bon bilong Sevia yu ken painim insait long Buk bilong Momon.

Yu tingim bek olsem planti lain bin save tromoim lap na bagarapim ol dispela lain husat bin gat feit long Krais. Ol bikpela manmeri bilong dispela dei bin save sutim tok long ol bilip lain na tok ol hangamap long ol longlong bilip. I tru, ol dispela lain nogat bilip bin bikmaus tru wantaim dispela tokpilai olsem ol mekim “wanpela bikpela nois” long dispela hap. (3 Nephi1:7). Ol i tok pilai long ol dispela lain husat i bin bilip olsem Sevia bai bon.

Ol kros na belhat bilong ol bin gro go bikpela olsem bin holim pas ol wantaim laik long pasim maus long nau na i go olgeta ol dispela lain husat bin bilip long Sevia. Buk bilong Momon i gat stori bilong dispela samting wantaim planti toktok.⁶

Ol bilip lain husat bin stap long dispela taim ating i ken makim ol dispela lain husat i painim Krais maski taim ol narapela lain wok long lap, tok pilai, na tok nogut. Ol painim Krais maski taim ol narapela lain traim long mekim ol luk olsem kanaka, nogat save, o nogat strong.

Tasol dispela bel nogut bilong ol narapela bai no inap long daunim tingting bilong ol trupela bilip lain long wok long painim Krais.

Insait long dispela yia, na ating moa yet long dispela Krismas taim, em bai mekim gut long yumi long wanpela taim gen long askim dispela kwesten “Hau na mi wok long painim Krais?”

Long wanpela hatpela taim long laip bilong em, bikpela King David bin rait olsem, “O God, yu em God bilong mi; pastaim tru bai mi painim yu: sol bilong mi em i nek i drai long yu, bodi bilong mi dai long yu.”⁷

Ating dispela strongpela pasin long wok long painim God bin wanpela long as samting David bin givim piksa long em yet olsem wanpela man i laik olsem lewa na bel bilong God.⁸

Long dispela Krismas taim na insait long olgeta de long dispela yia, i olrait long yumi painim wantaim ol lewa na ol sol bilong yumi bilaved Sevia bilong yumi, Prins bilong Pis, Holi Wan bilong Isrel. Long dispela laik, long bikpela hap bilong en, i no soim tasol yumi husat olsem ol memba bilong Dispela Sios bilong Jisas Krais bilong ol Lata-dei Seint, tasol tu moa yet husat tru yumi olsem ol disaipol bilong Krais.