Kamap Ol Trupela Disaipol

Long olgeta sakramen miting, yumi gat privilis long promisim Papa long Heven olsem yumi bai olgeta taim holim Sevia long tingting na holim pas ol komanmen bilong Em olsem bai yumi inap gat Spirit bilong Em long stap wantaim yumi (lukim Moroni 4:3; 5:2; D&C 20:77, 79). Holim Em long tingting bai olgeta taim kam long yumi isi tasol taim yumi kisim nem bilong Em antap long yumi. Yumi wokim olsem long planti wei tasol moa yet taim yumi sevim ol narapela long nem bilong Em, ridim ol holi tok bilong Em na prei long save wanem Em i bai laikim yumi long wokim.

Em i kamap long mi taim mi bin wokim baptisim bilong wanpela yangpela man. Mi bin save olsem ol wokman bilong Sevia bin singautim mi olsem wanpela misinari long tisim gospel bilong Em na testifai long Em and long trupela Sios bilong Em. Mi na misinari poroman bilong mi bin promisim dispela yangpela man olsem em bai kamap klin long dispela pawa bilong Atonmen bilong Jisas Krais taim em i tanim bel wantaim feit long Sevia na kisim baptisim long han bilong wanpela long ol wokman bilong Em husat i gat atoriti.

Taim mi litimapim dispela yangpela man i kamaut long wara bilong baptisim font, em i tok isi long yau bilong mi olsem, “Mi kamap klin, mi kamap klin.” Long dispela liklik taim, mi tingim bek baptisim bilong Sevia John Baptis i bin wokim long Wara Jorden. Moa yet, mi tingim bek olsem mi wok long mekim dispela wok bilong Sevia—husat i kirap gen na stap laip long seivim ol man na Holi Gos i witnisim na olsem tasol John i bin witnisim.

Long mi na long yumi wanwan, holim Sevia long tingting i bai moa yet long trastim memori long save na eksperiens bilong yumi wantaim Em. Yumi ken mekim ol sois olgeta dei olsem bai bringim yumi klostu moa long Em long dispela taim nau.

Dispela sois em inap isi moa yet em long ridim ol skripsa. Taim yumi wokim olsem, yumi inap kisim ol filing long stap klostu long Em. Long mi yet, stap klostu i save kam planti taim, taim mi save ridim Buk bilong Momon. Long ol nambawan minit taim mi ridim ol sapta bilong 2 Nifai, mi save harim long tingting bilong mi ol nek bilong Nifai na Lihai givim piksa long Sevia olsem tasol ol i save long Em klostu tru. Wanpela filing bilong stap klostu i save kam.

Long yu, ol narapela hap long skripsa inap moa yet bringim yu kam klostu long Em. Tasol long wanem hap na long wantaim taim yu ridim tok bilong God, wantaim daun pasin na laik stret long tingim gen Sevia, yu bai antapim laik bilong yu long kisim nem bilong Em antap long yu long olgeta dei long laip bilong yu.

Dispela laik bai senisim wei yu sev insait long Sios bilong Bikpela. Bai yu prei long Papa long Heven long halivim yu long sanap strong long wok maski dispela i lukluk olsem liklik wok long yu. Dispela halivim yu bai askim long en em dispela save long lus tingting long yu yet and lukluk moa long wanem Sevia laikim bilong ol lain em i singautim yu long sevim.

Mi bin pilim han bilong Em na stap klostu bilong Em long sevis bilong mi wantaim ol pikinini bilong mipela taim mi prei long save hau long halivim ol long painim pis dispela gospel tasol i save bringim. Long ol dispela kain liklik taim, mi no save wari tumas long luk olsem wanpela win papa, tasol mi save wari moa long win na stap-gut bilong ol pikinini bilong mi.

Dispela laik long givim long lain yumi sevim wanem em Sevia bai laik long givim ol, bai lidim yumi long ol preya olsem wanpelakrai long Papa long Heven, tru tru long nem bilong Jisas Krais. Taim yumi prei long dispela wei—long nem bilong Sevia, wantaim feit long Em—Papa bai bekim. Em bai salim Holi Gos long soim yumi long rot, kamfotim yumi, na strongim bel bilong yumi. Long wanem Spirit bai olgeta taim soim witnes long Sevia (lukim 3 Nephi 11:32, 36; 28:11; Ether 12:41), save yumi gat long lavim Bikpela wantaim olgeta bel, tingting, na strong bilong yumi bai go bikpela (lukim Mark 12:30; Luke 10:27; D&C 59:5).

Ol blesing bilong wanwan de na holim dispela taim long tingting bai kam isi isi na kam strong isi isi taim yumi sevim Em, kaikai long tok bilong Em, na prei wantaim feit long nem bilong Em. Na dispela pasin bilong holim long tingting bai stretim yumi long kamap ol trupela disaipol bilong Bikpela Jisas Krais long kingdom bilong Em long dispela graun—na bihain wantaim Papa bilong Em long wol wantaim glori bihain taim.