Manaman en Prihsduhd sang ni Kapwaiahda Inou kan

Elder Neil L. Anderson en Pwihn en Wahnparon Ehk-riemeno mahsani “Ahi tungaol padahk ong … koaros iei kitail kak momour awa koaros ni atail ‘kapaikidahr roson sang ni manaman en prihsduhd,’ sohte lipilipil soangen mour da atail.”

“… Ni amwail warehng oh ieiang tiahk sarawi kan en prihsduhd, Kauno pahn kalaudehla amwail roson, popohl oh meleilei poatoapoat. Sohte lipilipil soangen mour da amwail, amwail peneinei pahn ‘kapaikihda roson en manaman en prihsduhd.’”¹

Ia mwoamwen atail kin lukedo manaman en prihsduhd nan atail mour kan? Elder M. Russell Ballard en Pwihn en Wahnparon Ehk-riemeno kataman kin kitail me “irail kan me pepdaisehr oh alehier arail kapai kan (de endaument) nan tehnpas en Kauno kak ale kapai lap oh kaselel kan. Endaument iei kisakis mehlel en manaman ehu … [oh] Samatail Nanleng kin sapaniki Sapwellime manaman.” E katamankin kitail me ohl oh lih “kin ale kisakis en kapai en manaman ehute’ nan tehnpas sarawi, “me ni mehlel iei manaman en prihsduhd.”²

Linda K. Burton, Presiden Lap en Pwihn en Sawas en Lih, patohwen: “Pwehki manaman en prihsduhd wia mehkoat me kitail koaros anahne en mie nan atail peneinei oh imwatail kan, dahme kitail anahne wia pwehn lukehdo manamano nan atail mour? Kitail anahne momourki mour pwung pwehn kak ale manaman en prihsduhd.”³

Presiden Russell M. Nelson, Presiden en Pwihn en Wahnparon Ehk-riemeno mahsani: “Ma kitail pahn karakarahkdi mwohn sihlahngin Kauno oh peki Ih en kasukuhli kitail, E pahn ketin kasalehiong kitail ia mwoamwen atail kak kalaudehla atail kak ale Sapwellime manaman.”⁴