Pagpanalipod sa Kagawasan sa Relihiyon

Ang mga Santos sa Ulahing mga Adlaw kinahanglang moapil “sa usa ka mapuslanon nga paagi sa mahinungdanong sangka sa kagawasan sa relihiyon,” miingon si Elder Dallin H. Oaks sa Korum sa Napulog Duha ka mga Apostoles sa usa ka komperensya sa kagawasan sa relihiyon didto sa Texas, USA, niadtong Septyembre 2016. “Sa tanan gayud, gikan sa mga bata sa kindergarten hangtud sa mga propesyunal ug mga inahan ug mga amahan ug mga higala ug mga silingan makahimo ug kinahanglang makasabut unsa ang kagawasan sa relihiyon ug nganong importante kini.”

Elder D. Todd Christofferson sa Korum sa Napulog Duha ka mga Apostoles namulong usab bahin sa pagpanalipod sa kagawasan sa relihiyon sa usa ka nasudnong nga pagserbisyo sa Utah, USA, niadtong Hunyo. “Bag-ohay lang,” siya miingon, “nahimong popular ang pagpakiglalis nga ang kagawasan sa relihiyon mao lang ang katungod sa pagsimba kay katungod sa gawasnong paggamit sa inyong hugot nga pagtuo sa inyong inadlaw nga kinabuhi.” Iyang giawhag ang mga tawo sa pagtuo sa pagbarug alang sa kagawasan sa relihiyon pinaagi sa pagkahibalo, sa pagsulti, ug pag-apil sa kultural, sibiko ug politikal nga mga organisasyon ug mga kalihokan.

Ang mga lider sa Simbahan kanunay namulong kabahin sa kagawasan sa relihiyon, naghatag og pakigpulong ug nag-apil og mga komperensya sa Australia, Brazil, Mexico, ug sa United Kingdom ug sa nagkalain-lain nga dapit sa USA. Pangitaa ang ilang mga pakigpulong ug pagkat-on sa kagawasan sa relihiyon ug unsay inyong mahimo sa pagpanalipod niini pinaagi sa pagbisita sa religiousfreedom.lds.org. Ang ubang sulod didto alang lang sa Estados Unidos, apan ang mga baruganan mahimong mohaum sa ubang mga nasud.