Bihainim ol Komanmen na Lavim Ol Narapela

Taim yumi tingting long lav, planti taim ol nambawan samting we i save kam long tingting bilong yumi em ol naispela muvi, sokolat, na ol naispela plaua. Tasol lav—trupela lav—em i bikpela moa yet na gutpela pasin moa yet long dispela. Jisas Krais i bin stap laip bilong yumi na i bin dai bilong yumi bikos long lav bilong Em long yumi. Na em i tru tumas olsem, dispela tupela komanmen we i bikpela moa em long lavim God na lavim olgeta narapela manmeri. (lukim Matthew 22:36–40). Tasol hau bai yumi i ken soim ol narapela lain olsem yumi lavim ol?

Presiden Uchtdorf i sherim stori bilong Krais long ol tupela pikinini man, we wanpela husat i wok long papa bilong em na narapela husat i no wok long papa bilong em. Sevia i mekim wanpela poin olsem dispela pikinini man tasol husat i harim tok bilong papa bilong em, em tasol i lavim tru papa bilong em. Wankain tu, taim yumi harim na bihainim ol komanmen bilong God, yumi soim olsem yumi lavim Em na laik long go bek long Em.

Tasol hau bai yumi soim olsem yumi lavim olgeta narapela lain? Presiden Uchtdorf i tok klia long dispela tu: Sapos yumi lavim tru ol narapela poroman na poromeri bilong yumi, yumi givim i go yumi yet long halivim “ol lain i nogat samting na ol lain i nidim samting, ol sik lain na ol lain i kisim mekim save.’ Long ol dispela lain husat i mekim ol dispela gutpela pasin bilong sori pasin na sevis, ol dispela lain em ol disaipol bilong Jisas Krais.”

Olsem na long narapela taim yu lukim papa na mama bilong yu, wanpela brata o susa bilong yu, o wanpela pren bilong yu, tingim long sevim ol long soim laikim bilong yu long ol. Dispela bai i no mekim ol and yu tasol hamamas, tasol bai i mekim Papa bilong yu long Heven bai i hamamas tu.