“Lainim ol samting long Mi”

Jisas i bin tisim wanpela isipela tasol strongpela trut we nau i stap insait long Mathew. Bihain long Em wantaim ol disaipol bilong Em i kam daun long Maunten we Jisas i bin soim olgeta glori bilong em, ol i bin stop liklik taim long Galili na bihain ol i go long Capenam. Long hap ol disaipol bilong em i kam long Jisas na askim em;

“Husat i bikpela moa yet long kingdom bilong heven?

“Na Jisas i singautim wanpela liklik pikinini i kam long em, na sindaunim em namel long ol,

“Na em i tok, Tru tumas mi tokim yupela, Taim tasol we yupela i kam insait, na kamap olsem ol liklik pikinini, yupela i no i nap long kam insait long kingdom bilong heven.”

Insait long Sios, as bilong tisim gospel em i no long kapsaitim ol toktok i go insait long het bilong ol pikinini bilong God, sapos ol i stap long haus bilong ol, long skul bilong ol, o long taim ol i stap long misin. Em i no long soim hamas tru ol papamama, tisa, o misinari i save. Na i no long putim tasol save bilong ol long Sevia na Sios bilong Em i go antap.

As samting bilong tisim ol em long halivim ol pikinini man na pikinini meri bilong Papa long Heven long go bek long ai bilong em na hamamas long laip oltaim oltaim wantaim Em. Long wokim dispela, tising bilong gospel i mas strongim bel bilong ol long rot bilong stap olsem disaipol bilong em long wanwan dei na rot bilong ol sekret kovenan. Poin bilong dispela em long litipapim tingting bilong ol wanwan long tingim samting na pilim samting, na wokim samting long stap insait long ol gospel prinsipol. As bilong dispela em long mekim kamap feit long Lod Jisas Krais na long tanim bel na kam insait long gospel bilong Em.

Ol skul we ol man bai kisim blessing na ol man bai tanim bel na kam insait na seivim ol narapela lain em skul we bai bihainim eksampol bilong Sevia. Ol tisa husat bai bihainim eksampol bilong Sevia na sevim ol lain ol i tisim. Ol dispela lain bai liptimapim tingting, bilong ol lain husat wok long harim ol, long ol skul bilong trut bilong God. Ol laip bilong ol dispela lain bai kamap nambawan tru we ol man i ken bihainim.

Olgeta ministri bilong Sevia i eksampol bilong lav bilong neiba. Tru tumas, lav na sevis bilong Em i bin givim planti taim olsem skul long ol lain. Na olsem tu, ol tisa mi i no save lus tinting long ol, em ol dispela tisa husat i save, husat i lavim, na husat i wari long ol sumatin bilong ol. Ol i save painim ol sipsip i lus. Ol i save givim ol skul bilong laip we bai mi tingim olgeta taim.

Wanpela tisa olsem em, nem bilong em Lucy Gertsch. Em i bin save long wanwan sumatin bilong em. Olgeta taim em i bin save go lukim ol dispela sumatin bilong em husat i save misim wanpela Sande na ol dispela sumatin husat i no save kam. Mipela bin save olsem em i save wari long mipela. Nogat wanpela bilong mipela i lus tingting long em na long skul em i tisim mipela.

Planti yia bihain, taim Lucy i bin wok long kamap klostu long pinis bilong laip bilong em, mi bin visitim em. Mitupela tingting bek long ol dispela taim long taim bipo tru nau long taim em i bin tisa bilong mipela. Mitupela toktok long wanwan memba bilong klas bilong mipela na diskasim wanem samting wanwan manmeri i wok long mekim nau. Lav bilong em and wari bilong em long mipelai i bin i kam arere wantaim laip bilong em.

Mi lavim stret komanmen bilong Lod i stap insait long buk Doktrin na Kavanen we i tok:

“Mi givim igo long yupela wanpela komanmen olsem yupela bai tisim wanpela narapela dispela doktrin bilong dispela Kingdom bilong God.

“Yupela mas tingting gut taim yupela i givim skul na bai marimari bilong mi i bai stap wantaim yupela.”

Lucy Gertsch i bin save tingting gut taim em i givim skul bikos em i save laikim tru ol lain we em i tisim ol.

Aposol Peter i bin givim dispela kaunsel, “Yu mas redi olgeta taim long givim ansa long olgeta man husat is askim yu long as bilong hop yu gat insait long yu.”

Ating bikpela hop tru em wanpela tisa i ken givim em hop we i stap insait long ol trut bilong gospel bilong Jisas Krais.

“Na yu wok long hop long wanem samting?” Momon i askim. “Lukim mi tokim yu olsem bai yu i ken gat hop i kam long atonmen bilong Krais na pawa bilong resureksen bilong em, long bai yu kirap gen long laip oltaim oltaim, na dispela em bai bikos long feit bilong yu long em.”

Ol tisa, liptimapim ol nek bilong yupela na testipai long trupela lukluk bilong God olgeta. Tokaut long witnes bilong yu long Buk Momon. Givim ol dispela naispela and gutpela trut i stap insait long plen bilong salvesen. Usim ol buk samting we Sios i tok olrait long ol, pastaim tru ol skripsa, long tisim ol trut bilong dispela gospel bilong Jisas Krais we i kam bek pinis na i klia tru na isi tru long kisim. Tingim komanmen bilong Sevia long “lukluk gut insait long ol skripsa; bikos insait long ol yu ting bai yu i gat laip oltaim oltaim: na ol dispela skripsa ol i bai testipai long mi.”

Halivim ol pikinini bilong God long kisim gut wanem i trupela samting na impoten insait long dispela laip. Halivim ol long mekim kamap dispela strong long laikim wanem rot long bihainim we i bai holim ol i stap sef long rot i go long laip oltaim oltaim.

Tisim trut, na Holi Gos bai givim halivim long hat wok bilong yu.

Bikos Jisas Krais i bin harim tok tru na kam ananit long Papa bilong Em, wisdom na save bilong em i go antap, na God Papa na ol man tu i wanbel long em.” Yumi askim yumi yet, yumi gat dispela strongpela tingting long wokim wankain samting? Olsem tasol Jisas “kisim marimari bilong marimari,” yumi mas wet isi na lukluk strong long painim lait na save i kam long God insait long ol taim yumi trai hat long lainim gospel.

Pasin bilong harim em i samting we yumi mas i gat taim yumi i laik skul. Taim yumi wok long redi long lainim samting, yumi mas prei long liptimapim tingting long wokim samting na long strongim tok i kam long Holi Gos. Yumi tingting long bel, yumi prei, yumi usim ol tising bilong gospel, na yumi painim tu laik bilong God Papa long yumi.

Taim Jisas i bin “tisim ol lain…… planti samting em i usim ol parabol o tok piksa,” we ol lain i bin ken usim yau bilong ol long harim, ai bilong ol long lukim na lewa bilong ol long save gut. Taim yumi stap stret, yumi ken harim moa beta ol isi toktok bilong Holi Gos, we em i ken “tisim [yumi] olgeta samting, na bringim olgeta samting i kam bek long tingting bilong [yumi].”

Taim yumi bekim invitesen bilong Lod we em i givim wantaim isipasin, “Lainim ol samting long me,” yumi kamap olsem ol lain bilong kisim tu santu pawa bilong em. Olsem na, larim yumi i go pas insait long spirit bilong harim tok, bihainim olgeta taim Eksemplar bilong yumi na tisim ol lain olsem Em bai laikim yumi long tisim ol na skulim ol olsem tasol Em i laik long yumi bai lainim.