Visiting Teaching Amandzɛɛbɔ, Kwakwar 2016
Awar yɛ Nyankopɔn Ne nhyehyɛɛ
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse “Ebusua no: Dawurbɔ ma Wiadze ” no ase no besi dɛn ato wo gyedzi mu wɔ Nyankopɔn mu na oehyira hɔn a enam visiting teaching do ehwɛ hɔn do no? Ho nsɛm mbordo no, kɔreliefsociety.lds.org.
Gyedzi, Ebusua, Mboa
Nkɔnhyɛfo, asomafo, na baanodzifo kɔ do “bɔ no dawur enyiberdo dɛ banyin na ɔbaa ntamu awar yɛ Nyankopɔn Ne nhyehyɛɛ, na Bɔadze Ne nhyehyɛɛ ne fapem.”1
Elder D. Todd Christofferson a ɔkã Asomafo Duebien no hɔn Quorum ho no kãa dɛ: “Ebusua a wɔatow no wɔ ɔbarima na ɔbaa ntamu awar do nye gyinabea pa a ogya Nyame Ne nhyehyɛɛ ma ɔyɛ prɔmprɔm. …
“… Hɛn anaa ɔdasanyi biara nnkotum asesã awar nhyehyɛɛ a ofi sor no.”2
Akyerɛbaa Bonnie L. Oscarson, Wiadze Mfɛndzanan Young Women President no kãa dɛ. “Obiara, mbrɛ w’awɔr tse, anaa wo mba hɔn dodoow biara no, ibotum abɛyɛ bambɔfo wɔ Ewuradze Ne nhyehɛɛ a wɔakã ho asɛm wɔ ebusua dawurbɔ ho no. Sɛ ɔyɛ Ewuradze ne nhyehyɛɛ a, ɔwɔ dɛ ɔyɛ hɛn so hɛn nhyehyɛɛ!”3
Elder Christofferson sɔɔw do dɛ: Hom mu binom wɔdze awar mu nhyira akam hom ɔnam dɛ wonnya ɔhokãfo a ɔfata, wonya hɔnara-hɔnho akɔndɔ, wɔwɔ honandua anaa adwen mu esintɔ anaa nkõgu ho suro ntsi. … Anaa bia hom waree, naaso awar no gui. … Hom mu binom awar na eso abawoo mmba. …
Ɔno mpo no, … obiara botum ayɛ biribi aboa nhyehyɛɛ krɔnkrɔn no esiansian wɔ ebusuasantsen biara mu no.4
Kyerɛwsɛm a Ɔkã ho
Genesis 2:18–24; 1 Corinthfo 11:11; Nkyerɛkyerɛ na Ahyɛmudzi 49:15–17
Atseasefo ho Nsɛm
Onuabanyin Larry M. Gibson, nkaano ɔpamfo a odzi kan wɔ wiadze mfɛndzanan Young Men presidency mu no kaa mber a Shirley, siesie ɔyɛ ne yer no, kãa dɛ:
“‘Modɔ wo osiandɛ minyim dɛ edɔ Ewuradze kyɛn mbrɛ edze dɔ me.’ …
“Dɛm nyiano no kãa m’akoma ara yie. …
“… [Na] nna mepɛ dɛ daadaa ɔtse nkã dɛ modɔ Ewuradze kyɛn adze nyina.”5
Elder David A. Bednar a ɔkã Asomafo Duebien no hɔn Quorum ho kyerɛkyerɛɛ dɛ: “Ewuradze Jesus Christ nye ahyɛmudzi awar nkitahodzi ne fapem. … [Susu dɛ] Agyenkwa No wɔ triangle [bi] no sorɔnsorɔm do, a ɔbaa wɔ n’ase n’afã kor na ɔbarimba wɔ n’ase n’afã kor no so. Afei hwɛ dza osi wɔ ɔbarimba no na ɔbaa no ntamu nkitahodzi ho ber a ‘wɔba Christ hɔ’ na wɔper dɛ ‘[wo]dzi mu wɔ No mu’ nkakrankakra dɛ wɔyɛ ankorankor (Moroni 10:32). Osian Pomfo no na Ɔnam No do ntsi, ɔbarimba na ɔbaa no twe bɛn bɔ mu yie”.6
© 2016 Intellectual Reserve, Inc. Wɔakora ho tumdzi nyina. USA na wotsintsimii. English approval: 6/15. Translation approval: 6/15. Visiting Teaching Message, February 2016 ne Nkyerɛasee. Fante 12862 502
Susu Iyi Ho
Merisi dɛn reper “aba Christ hɔ” nkakrankakra dɛ meyɛ ankorankor?