Visitin Tising Meseig, FEBRUERI 2016
Marit Em God Yet i Makim
Wantaim preiya stadim dispela ol samting na lukluk long save wanem samting bai yu sherim. Hao na save long “Femili: Tokaut I Go Long Dispela Graun” strongim feit bilong yu long God na blesim ol lain yu was long insait long visitin tising? Long moa infomesen, go long reliefsociety.lds.orgreliefsociety.lds.org.
Feit, Famili, Rilif
Ol prophet, aposol, na ol lida toktok yet long “tok strong olsem marit namel long man na meri em God yet i makim na femili em i stap namel long plen bilong God husat i mekim yumi.”1
Elda D. Todd Christofferson bilong Kwarem bilong ol Twelpela Aposol i tok: “Wanpela femili i sanap antap long marit namel long wanpela man na wanpela meri na i givim gutpela ples stret long plen bilong God long kamap gut. …
“… Yumi na nogat narapela man bilong dispela graun i ken senisim dispela holi oda bilong marit.”2
Bonnie L Oscarson, generol presiden bilong ol Yangpela Meri, i tok: “Olgeta man meri, no meta wanem marit ol i stap insait nau o sampela pikinini ol i gat, i ken kamap olsem ol wasman bilong plen bilong Bikpela we i stap insait long femili tokaut. Sapos em plen bilong Bikpela, em i mas kamap olsem plen bilong yumi tu!”3
Elda Christofferson i sukurim dispela: “Sampela bilong yupela i no kisim blesing bilong marit bikos long planti samting olsem i nogat lain i stap we yu laikim ol, yu meri i gat laik long meri yet yu man i gat laik long man yet, sampela i gat samting i no stret long bodi bilong ol o sampela ol i het longlong, o sampela taim yu poret tasol long olsem bai marit bilong yu i no nap kamap gut. … Sampela yu marit pinis, tasol marit i bruk. … Sampela bilong yupela i marit tasol yupela meri i no i nap karim pikinini. …
“Tasol olsem tu, … olgeta i nap long givim yet sampela samting long mekim kamap dispela holi plen insait long wanwan generesin.”4
Sampela narapela skripsa
Genesis 2:18–24; 1 Corinthians 11:11; Doctrine and Covenants 49:15–17
Ol stori stap laip
Brada Larry M. Gibson, bipo nambawan kaunsela insait long generol presidensi bilong ol Yangpela Man, wok long tingim taim Shirley, nau meri bilong em, i tok:
“Mi lavim yu bikos mi save olsem yu lavim Bikpela moa long yu lavim mi.’ …
“Dispela ansa i paitim lewa bilong mi. …
“… [Na] Mi laikim em long olgeta taim mas pilim olsem mi lavim Bikpela antap moa long olgeta narapela samting.”5
Elda David A. Bednar long Kwaram bilong Twelpela Aposol i tisim olsem: “Bikpela Jisas Krais em impoten hap insait long promis bilong marit. …[Tingim olsem] Sevia em i stap antap olsem long het kona, na meri i stap long hat kais kona na man i stap long hat sut kona. Nau tingim gen wanem samting bai kamap sapos insait long dispela marit namel long man na meri bilong em taim tupela wanwan yet na tupela strong tru i’ kam long Krais’na wok hat long kamap ‘stret long ai bilong Em’ (Moroni 10:32). Bikos long Ridima, dispela man na dispela meri i ken kam klostu moa yet long tupela yet.”6
2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/15. Tok orait long tanim tokples: 6/15. Tanim tok bilong Visiting Teaching Message, February 2016. Tok Pisin. 12862 878
Tingim Dispela
Hao na mi yet wok long isi isi wokim wok long “kam long Krais”?