Naan in Katak an Kōrā, Pāpode 2016
M̧are Ej Ekkapit jān Anij
Kanooj jar im ekkatak kōn katak in im pukōt n̄an jeļā ta eo n̄an kwaļo̧k. Ad meļeļe “Baam̧le Eo: Juon Naan in Kean̄ n̄an Laļ in” ekōjkan an ļapļo̧k tōmak eo am̧ ilo Anij im ekōj an kōjeraam̧m̧an ro kwoj mije jān am̧ loļo̧k im katakin er? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Rikanaan ro, rijilōk ro, im ritōl ro rej wōnm̧aanļo̧k wōt im “pen ilo kwaļo̧k bwe m̧are ikōtaan juōn em̧m̧aan im juōn kōrā ej kapit jān Anij im bwe baam̧le eo ej dilepen karōk eo an Rikōm̧anm̧an eo n̄an jibadbad eo n̄an mour indeeo an ajri ro Nejin.”1
Elder D. Todd Christofferson jān Doulul eo an Jon̄oulruo rijilōk ro ekar ba: “Juon baam̧le eo ej ekkal ioon m̧are an juon em̧m̧aan im kōrā ej kabwe n̄an karōk eo an Anij bwe en wōnm̧aanļo̧k. …
“… Ejjab kōj ak jabdewōt armej remaron̄ ukōt laajrak in ekwojarjar an m̧are.”2
Bonnie L. Oscarson, būreejtōn eo eļap an Doulul eo an Kōrā ro ekar ba: “Kajjojo, jekdo̧o̧n ta jekjek ko aer ak jete ajri, remaron̄ in rijojomar ro n̄an karōk eo an Irooj me emōj kōmeļeļeiki ilo kean̄ eo an baam̧le. Eļan̄n̄e ej karōk eo an Irooj, ej aikuj barainwōt karōk eo ad!”3
Elder Christofferson ekar wōnm̧aanļo̧k wōt: “Jet iaami rej kowaan kōjeram̧m̧an eo an m̧are kōn un ko ekoba, likjab jān ļōmņak ko rem̧m̧an, kōņak armej eo ejja nememein wōt kwe, jorrāān ko ilo ānbwin ak ļōmņak, ak juon mijak kōn likjab. … ak kom̧ maron̄ kar m̧are, bōtaab m̧are eo ejem̧ļo̧k. … Jet iaami raar m̧are jab maron̄ neji. …
“Jekdo̧o̧n, … aolep remaron̄ jipan̄ n̄an kajeded karōk eo ekwojarjar ilo kajjojo epepen.”4
Bar jet eoon ko
Jenesis 2:18–24; 1 Korint 11:11; Katak im Bujen ko 49:15–17
Bwebwenato ko rem̧ool raan kein emōj Jeiki
Brother Larry M. Gibson, kar rikakpilōklōk eo ilo būreejtōnji eo an Doulul eo an Likao ro, ekar keememej ke Shirley, kiiō ej kōrā eo pālee, eo ekar ba:
“‘Ij iakwe eok kōnke ijeļā bwe kwoj iakwe Irooj eļapļo̧k jān am̧ iakwe eō.’ …
“Uwaak in ekar un̄ur būruwō. …
“… [Im] ikōņaan bwe en aolep iien en̄jake bwe ij iakwe Irooj eļapļo̧k jān men otemjej.”5
Elder David A. Bednar jen Doulul eo an Jon̄oulruo Rijilōk ro ekar katakain: “Irooj Jisōs Kraist ej m̧ōttan eo eaorōktata ilo kōtaan juon bujen m̧are. … [ļōmņak kōn menin] Rilo̧mo̧o̧r eo ej pād ilo dam̧ eo im̧aan [juon] tūrainkōļ, im juon kōrā ej pād itulaļ in dam̧ eo juon im juon em̧m̧aan ej pād ilo itulaļ in dam̧ eo juon. Kiiō ļōmņak kōn ta eo enaaj waļo̧k ilo kōtaan eo ikōtaan em̧m̧aan eo im kōrā eo āinwōt er kajjojo im rej dim im kajjieon̄ in ‘weeppān ilo E’ (Moronai 10:32). Kōnke im jān Ripinmuur eo, m̧aan im kōrā rej epaakeļo̧k doon.”6
© 2016 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/15. Kōmālim an ukook: 6/15. Ukook eo an Visiting Teaching Message, February 2016. Marshallese. 12862 874
Ļōmņak kōn Menin
Ewi wāween Aō maron̄ kajjieon̄ in “itok n̄an Kraist”?