Putim Fiul Igo Insait Long Tos Bilong Yu: Traim long Tripela Ten Dei

Long ol dispela yut insait long Sios we laip bilong yupela isave bisi, em iken isi tru long yupela long pas insait long ol samting yu save wokim long wanwan dei, olsem stret tu long ol spiritul samting. Yumi iken ridim ol skripsa bilong yumi, yumi iken prei, na yumi iken lotu wankain tasol olgeta dei na bihain bai yumi tingting gen wai na iluk olsem yumi istap insait long wanpela spiritul hol na hat long kamaut.

Wanpela gutpela wei long mekim dispela spiritul tos long lait moa yet em long yumi imas olgeta taim igat ol spiritul ekspriens we igat minin bilong em. Tasol dispela emi isi long tok tasol long wokim bai emi hat, olsem na mi givim yu wanpela samting long halivim yu long spiritul sait bilong yu olsem bai i gro:Tingting long wanpela ektiviti we igat ol gospel toktok insait we yu ino bin wokim bipo na comitim yu yet long wokim dispela long olgeta dei long wanpela mun. Yu iken statim liklik ektiviti bikos olsem bai yu painim isi long tanim ol liklik senis igo long senis we ibai stap longpela taim. Taim yumi wokim ol spiritul samting we yumi ino save wokim bipo bai nidim moa feit na wok hat long yumi yet, tasol taim yumi wokim ol, yumi wok long invaitim Holi Gos long ikam stap wantaim yumi, na long dispela wei yumi soim bikpela feit moa long Papa God na soim olsem yumi ilaik long stap klostu moa wantaim Em. Mi givim yu sampela aidia long halivim yu long bai yu iken stat: