Visitin Tising Mesis, Oktoba 2015
Ol Holi na Gutpela Pasin bilong Jisas Kraist: Pulap long Siariti na Lav
Prei na ritim gud dispela samting na tingim wei bai yu tokim ol narapela Hao bai save bilong yu long ol gudpela pasin bilong Sevia mekim feit bilong yu igo bigpela insait long Em na blesim olgeta lain husait yu save lukim long taim bilong visiting tising? Long moa infomesen, go long reliefsociety.lds.org.
Toktok long Skripsa i kolim siariti olsem “lav we emi antap, igat ona, na strongpela moa yet” (“Siariti”). Em i piua lav bilong Jisas Kraist. Taim yumi wok long lainim ol samting long Jisas Kraist na wok har long kamap olsem Em, yumi bai stat long pilim dispela piua lav bilong Em insait long laip bilong yumi na bai yumi kisim laik long lavim na sevim ol narapela olsem Em. “Siariti em long igat bel isi wantaim narapela husat ino wanbel wantaim yumi,” Presiden Thomas S. Monson ibin tok. “Em long holim bek kros bilong yu taim yu ino hamamas. Em long save olsem yumi iken igat sait bilong ino igat strong. Em long save olsem yumi iken laikim ol narapela lain olsem tasol. Em long lukluk igo insait long ol narapela na lukim ol gutpela samting we istap insait we sampela taim yumi aipas long lukim. Em long holim bek tingting long bungim bungim ol narapela.”
Long Buk bilong Momon, yumi lainim wanpela bikpela trut olsem yumi “prei long Papa God wantaim olgeta strong bilong lewa bilong yumi, olsem yumi iken pulap wantaim dispela lav, we emi bin givim yumi ol husat bihainum Pikinini Man bilong Em, Jisas Kraist; olsem na yumi iken kamap olsem ol pikinini man na meri bilong God; olsem na taim emi bai soim em yet gen yumi iken kamap olsem em, bikos yumi bai lukim em olsem emi stap; olsem na yumi iken igat dispela hoep; olsem na yumi iken kamap puia olsem em i puia” (Moroni 7:48).
Ol narapela Skripsa
John 13:34–35;1 Corinthians 13:1–13; 1 Nephi 11:21–23; Ether 12:33–34
Long Histori bilong Yumi
Wanpela sista husat man bilong em ibin dai ino long taim igo pinis, ibin hamamas tru long ol visitin tisas husat ibin krai wantaim em na sapotim em long dispela taim. Emi bin raitim olsem: ‘Mi bin wari stret na nidim stret wanpela long kam we mi iken kisim halivim long em; wanpela husat iken harim toktok bilong mi …Na ol i harim mi.Ol i kamfotim mi. Ol i karai wantaim mi. Na ol i holim pasim mi … [na] halivim mi kamaut long dispela bikpela sori long ol dispela nambawan mun taim mi istap mi yet.’
Narapela meri ibin tok olsem em yet tu em ibin kisim dispela kain halivim o siariti long wanpela visitin tisa: “Mi bin save olsem mi ino namba nating insait long ol rekot buk bilong em taim em i visitim mi. Mi bin save olsem em i konsen stret long mi.’
Olsem ol dispela sista, planti Lata Dei Seint long olgeta hap long graun iken soim olsem dispela em i trupela toktok we Presiden Boyd K. Packer (1924-2015), Presiden bilong Kwaram bilong ol Twelpla Aposol ibin mekim: “Hao ol lain bai pilim gut long save olsem[we ol femili] igo, wanpela narapela famili insait long Sios i wet tasol long halivim ol. Long taim ol i kamap, Papa bilong femili ibai go long Kwaram bilong ol prishud na Mama bilong femili ibai go long Rilif Sosaiti.”
© 2015 by Intellectual Reserve, Inc. All rights reserved. Printim long USA. Tok orait long Inglis: 6/15. Tok orait long tanim tokples: 6/15. Tainim tok Visiting Teaching Message, October 2015. Tok Pisin. 12586 878
Tingim Dispela Samting
Hao na Kraist i stretpela eksampol bilong lav na siariti?