Etop eke First Presidency, eke Ofiong Duop ke Isua 2013
Ubiongutom Nnyin ke Ndinyanga
Eke nnyin nte Latter-day Saints, ubiong ndinyanga mme ndito eka nnyin iren ye iban emi,okotode ke ntak kiet mme eken, efiak edem ke edinam Ufok Abasi edi nsinsi utom. Nte nnyin imediongo mme mbio owo emi ema ekebem iso ebo iko Abasi emi? Sia edide ntre, nso idi ibiong utom nnyin ke ndinyanga mmo?
Kere banga mme andisop ke otu mme nkani owo, mme ebekpa ye nnwan akpa, ye mbio udongo. Kpukpru mmo ke ofuri ini edu ke nsat ye mbiara nsannsan ebiet emi ekotde ndobo. Kini ini uyen okurede, kini nsongidem miduhe aba, kini odudu okurede, kini unwana idorenyin enuenede oyom ndinime, ubok eke anwamde ye esit eke enyenede mbom ekeme ndino unwana ye nsongonda.
Odu, mbio efen emi eyomde edinyanga. Ediwak enwana ye idioknkpo ndien mbio eken eduyo ke ndik ye unana esit mbom ye unana ifiok. Ke ntak se ekpededi, mmo ema esio idem efeb ke mbubehe eke ufok Abasi. Ndien ke akpaniko mmo ekeme ndisop ibohoke edidemede edisin nnyin — mme osong idem members ufok Abasi — udong ndinwam nnyung nnyanga.
Owo kiet Ndiwut Usung
Esesit ini ko Ami mma bo leta eke erenowo kiet emi ama eke oduyo oworo okpong ufok Abasi ekewetde. Leta oro ama emen owut ata idaha ediwak mbio ufok Abasi nnyin. Kini enye ama eketing owut danga nte imo ikekabare idi afiak edem; enye ekewet ete:
“Ami mma nnyene ata ediwak ndien idahaemi ndinyene ata ekpri. Ami nnemke esit nnyung nkere nte ke Ami mmedue ke kpukpru nkpo. Akananam iko Abasi ikoworoke ikpong esit mi, okpusuk edi nte oworode okpong uwem mi. Ami mmebenge nyom akam mbufo.
“Mbok ekufre nnyin emi idude ke anwa esien mi — mbio Latter-day Saints emi esopde. Ami mmodiongo ebiet emi Ufok Abasi odude, edi ubak ini Ami nkere ke Ami mmoyom owo kiet efen ndiwut mi usung, ndisongo mi idem, ndibo ndik mi mfeb, nnyung nting iko ntiense nno mi.”
Kini Ami nkokotde leta emi, ekikere mi amafiak aka isang eke Ami nkenamde nka akwa ebiet emi esinamde mme ndise nkpouto ke ererimbot — oworo-etop Museum eke Victoria ye Albert ke London, England. Ke ebiet oro, odu ata ediye ndise emi ekenamde ofon eke Joseph Mallord William Turner ekedebide ke isua 1831. Edidebi ndise emi emen owut akamba ndiwen obubit enyong ye ifiopesit eke mbumere akpa inyang emi owutde afanikong ye mkpa. Unwana emi otode nsungikang emi ekesipde enuene ko ke anyan ebiet. Ke mben inyang, odu akamba lifeboat kiet, emi mbufut ofim eketode mmong esitopde odok ke ata enyong. Irenowo eduri udeng ke okposong odudu kini lifeboat emi oyomde ndibogho usopusop nduk ofim oyobio mmong. Nnwan kiet ye nditowong iba, emi edim edepde obong ye ofim akamiade, eda do ke mben inyang. Mmo etim ewuk enyin ese mmong akpa inyang. Ke ekikere mi Ami mma nno edidebi ndise emi ibio-ibio enyin. Ke idem mi oro amakabare Eno esok mme Andiyom Edinyanga.
Ke ufok oyobio eke uwem, afanikong esidibe ebet. Irenowo ye iban, mme mkparawa ye nkaiferi ekut idem mmo nte eduyode enyung ekade nsobo. Mme anie edikpeme iyom mmo emi, ke ndiworo mkpong inemesit eke ufok idung mmo nnyung nka nkenyanga?
Ubiong nnyin idige okposong nkpo emi owo mikpekemeke ndinam man ofon ama. Nnyin idi nkpoutom Jehovah; nnyin imoyom unwam Esie.
Kini utom ukworo iko eke Andikpeb ke isong, Enye ama okot mme oko iyak ke Galilee ete eworo ekpong iyire mmo enyung etiene Imo, odoho ete, “Ami nyenam mbufo edi mme oko owo.” Yak nnyin iduk udim eke mme oko irenowo ye iban, man nnyin ikpesin{ikpeno} unwam ekededi emi nnyin ikemede.
Ubiong utom nnyin edi dinyan ubok nnyanga mbio emi ema ekeworo ekpong uboho eke edinam ufok Abasi, man ifiak ida oruk owo oro idi okpokoro Jehoval man edidtabi iko Esie, man adara inem nsanga eke Spirit Esie, ndien okudi aba “isen ye odudung, edi edi mbio-obio kiet ye ikot Abasi, enyung edi mbon ufok Abasi.”
Eti Ukpebnkpo eke Ima
Ami mmedikut ata isong ntak iba emi edinwamde owo ndifiak ndi edinam ufok Abasi ye edikpuho ido, edu ye edinam mkpo. Akpa mme owo efiak edi koro owo kiet ama owut mmo nsinsi ndaha mmo ndien ama anwam mmo ndibiere ndisim ndaha oro. Mmo emi ekefiakde edem idikemeke ndibiat ini mbet aba didiedidie kini mmo ekutde ete edibe nkan edisim mmo.
Oyoho iba, mbio eken efiak edi koro mbio emi emade mmo mme “mbio-obio ye ikot Abasi: ema etiene item eke Andinyanga, enyung ema mboho-idung mmo nte idem mmo, enyung ema enwam mbio eken ndinam ndap mmo oworo osu ye udong mmo ndiworo nda.
Nkpo ekenamde utom emi ofon ekedi — ndien eyeka iso ndidi — eti ukpebnkpo eke ima.
Ke ata ofuri akpaniko, mbio owo emi eke eduyode ke oyobio mbufut akpa inyang eke edidebi ndise eke Turner ebiet ediwak mbio nnyin emi ema ekefiak edem eke ebetde unwam emi otode mme andikpeme nyom. Esit mmo eyiri oyom unwam. Mme eka ye ete ebong akam eno ndito mmo iren ye iban. Mme iban ndo ebenge ye heaven ete yak akam otuk mme ebe mmo. Ubak ini ndito esibong akam ebanga mme ete ye eka mmo.
Ami mbong akam nte nnyin ikpenyene udong ndinyanga mbio mfiak edem ndien ifiak ida mmo isin ke idara gospel eke Jesus Christ, man otodo mmo edibuana ye nnyin ke kpukpru se oyoho iko Abasi enyenede ndino.
Yak nnyin inyan ubok man inyanga mme andisop emi ekande nnyin ekuk: mme nkani owo, mme ebekpa ye nnwan akpa, mbio udongo, mbio emi enyenede unomo ke obukidem, mbio mfiak edem, ye mbio emi minimke mme mbet Abasi. Yak nnyin itara ubok ikpere mmo man inwam mmo ke esit mbom. Ke ndinam ntre, nnyin iyeda idara isin ke esit mmo, nko nnyin iyekop akamba uyuho kini nnyin inwamde owo efen ke mkpafaha usung emi akade nsinsi uwem.
© 2013 eketode Intellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13. Ndikabare Etop eke First Presidency Message, October 2013. Efik 10670 553
Ukpeb nkpo eketode Etop Emi
Kere abanga ndibup mbio emi mbufo edikisede mme mmo ediongo owo efen emi enyenede mmemidem ke ndika ufok Abasi. Mbufo emekeme ndimek owo kiet ndien eneme abanga usung ke ndiwut ima, oruk usung nte ndikoot enye ete edibuana ke family home evening mme edidia udia.