2013
Maiu n toronibwai
Tebetembwa 2013

Te Rongorongo ibukin te Reirei ni Kaakawari, Tebetembwa 2013

Maiu n toronibwai

Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki. Ibukin rongorongona riki tabeua, nakon reliefsociety.lds.org

Kamatoaan te Botaki n Aine

Onimaki, Utu, Buoka

Te toronibwai bon te konabwai, kakaonimaki, ao te kekeiaki ni kareke buoka ibukin marurungira ao marurungiia ara utu n tamnei ao n aonteaba.

N te tai are ti reirei ao ni karaoi nanon reirein te toronibwai ni mwengara ao n ara botanaomata, a reke ara tai n tararuaiia raarikin ao kainnano ao ni buokiia tabemwang n riki n toronibwai bwa a aonga ni kona ni ngiraaeakin tai ni kaaitara.

E reke ara tai ma katabeara ni kamanenaan inaomatara n rinerine n riki n toronibwai n tamnei ao n aonteaba. N taekinan te toronibwai n tamnei ao katinera iroun Tamara are i Karawa, Unimwaane Robert D. Hales man te Koram n te Tengaun ma Uoman n Abotoro e reirei: “Ti riki n rairannano ao n toronibwai n tamnei n te tai are ti maiuakin ara berita—rinanon itiakin karaoan te toa, n itiaki ni karekean te beebwa ni kariaia nakon te tembora, ao n anganano ni buokiia tabemwang.”

E reireinira Unimwaane Hales n riki n toronibwai n aonteaba, “karekean rakan te reirei i mwin te kauarinan n reirei ke karekean te kataneiai ibukin te mwakuri, reirei ni mwakuri, ao te maiu nakon are reke iroura. Ni katokan te taarau ma ai te karinimwane ngkai, ti a tauraoi ibukin ana mwakuri n ibuobuoki te Ekaretia ae tabwanin taina n te tai ae na roko. Aia kantaninga toronibwai aika uoua bwa te toronibwai n aonteaba ao te toronibwai n tamnei boni katukara n te waki are ti mano iai bwa ti aonga ni kona ni buokiia tabemwang ake a kainnano.”

Man Koroboki aika Tabu

Mataio 25:1–13; 1 Timoteo 5:8; Aramwa 34:27–28; Doctrine and Covenants 44:6; 58:26–29; 88:118

Man Ara Rongorongo ni Kawai

I mwin ikotakiia Aomata Aika Itiaki Ni Bong Aika Kaitira ni Mwanonon Salt Lake, are te rereua ae raroanako, e tangiriia Beretitenti Brigham Young bwa a na rikirake aroia ao ni kateimaeka iai. E nanonaki n aei bwa Aomata Aika Itiaki a kainnanoa reiakinan rabakau ake a na riki iai n toronibwai. N te kekeiaki aio, e korakora ana onimaki Beretitenti Young n aia konabwai, aia tarena, aia kakaonimaki, ao n aia tatauraoi aine, ao e kaungaiia ni mwakurin aonteaba ake a onoti. N tabeia aika onoti titita n te Botaki n Aine aika n angiin te tai a kakaokoro n te bong aei, a teimatoa n aki bitaki ana koaua:

  1. Reirei n tangira te beku ao katoka te taningaroti.

  2. Karekea tamnein te toronibwai.

  3. Butimwaea te onimakinaki ibukin korakoran te tamnei, te marurung, te reirei, te mwakuri, taiani mwane, te amwarake, ao tabeua riki ake a kanakoraoa te maiu.

  4. Tataro ibukin te onimaki ao te ninikoria ni kaaitarai kaangaanga.

  5. Kamarurungia tabemwang ake a kainnanoa te ibuobuoki.

© 2013 iroun Intellectual Reserve, Inc. All rights reserved. Boretiaki i USA Kariaiakaki n te Ingiriti: 6/13. Kariaiakaki rairana: 6/13. Rairan te Visiting Teaching Message, September 2013. Kiribati. 10669 859

Bwai aika a na taraaki

  1. Tara Aeniboki 2: Babairean aron Kairan te Ekaretia (2010), 6.1.1.

  2. Robert D. Hales, “Coming to Ourselves: The Sacrament, the Temple, and Sacrifice in Service,” Riaona ao Ensign, Meei 2012, 34.

  3. Robert D. Hales, “Coming to Ourselves,” 36.

  4. Tara Daughters in My Kingdom: The History and Work of Relief Society (2011), 51.

Tera ae I Kona ni Karaoia?

  1. I kanga ni buobuokiia titita I tarai kakaaean angaia nakon kainnanoia n aonteaba ao n tamnei?

  2. I karirikirakea toronibwaiu n tamnei rinanon au katauraoi ibukin te toa ma au angaanganano n ibuobuoki?