Etop eke First Presidency, Ofiong Ita eke isua 2013
Dobo, na sung
Usen kiet ke mme esesit isua ekebede ke nte mma nkokure mme mbubehe ke office, Ami mma nnyene ntuk eke spirit nte nkese akani ebekpa kiet emi ekedide owo udongo ke ebiet ubo usobo ke Obio Salt Lake. Ami mma nwat moto nka do nnen-nnen.
Kini Ami nkedukde ubet esie, Ami ndikut nte owo iduhe. Ami mma mbup andikpeme mbanga ebiet emi nnwan oro odude ndien ema ewut mi ubet efen. Do ke Ami nkokut ediye ebekpa emi nte etiede ye eyen eka esie nnwan ye ufan efen. Nnyin ima inyene inem nneme otokiet.
Nte nnyin inemede nneme, eren owo kiet oduk edi man edibo iko soda kiet emi oworode ke vending machine. Enye ekese mi onyung odohe ete, “Iya, afo edi Tom Monson.”
Ami nnyime, “Ihn.” “Ndien ndoho nte ebiet afo edi eke Hemingway.”
Enye ekenyime eke ke imo idi Stephen Hemingway, eyen eren Alfred Eugene Hemingway, emi ekedide ono-item mi kini nkedide bishop ke ediwak isua ekebede eke Ami nkesikotde Gene. Stephen asian mi ke Ete imo odu mi ke ebiet use enyen emi ndien ke ekpere ndikpa. Gene esifiori okot enyin mi, ndien mbio ufok esie enyom ndisim mi idem edi ikemeke ndinyene numba telefon mi.
Ami usop-usop mbenge mbio emi ikodude otokiet ndien ntiene Stephen ndok nka ke ebiet ufok eke akani ono-item mi, eke ndito esie eken ekebohode, nnwan esie ama akpa ke mme esesit isua ekebede. Mbio ufok idung esie ema enyime ete ke ami ndisobo Stephen ke ubet oro edi iboro akam eke Ete nnyin ke Heaven onode kabanga akwa udong emi mmo ekenyenede ete eke Ami nyedikut Ete mmo mbemiso enye akpa. Ami nko nkere nte ke ekedi ntre, koro edieke Stephen imikpikedukke ubet ufok oro eke Ami nkodude do ke ini oro, Ami mkpekefiokke nte ke Gene okodu ke ebiet use enyen oro.
Nnyin ima ibong akam idiong enye. Spirit emem ama oyoho ebiet oro. Nnyin ima ikop inem ndisobo otokiet, ndien ke oro ebede Ami mma nnyong.
Edem usenubok oro ikoot telefon okowut ete Gene Heminggway ama ebe efeb ke mkpa — ke minit edip ebede ke ama okobo amam edidiong oto eyen eren esie ye ami.
Ami mma mbong sung-sung akam ekom nno Abasi ke ndausung ukpeme Esie, emi ekenyikde ami ndika ebiet use enyen oro onyung ada mi usung ekesim edima ufan mi Alfred Eugene Hemingway.
Ami mma ndikere nte ke mme ekikere Gene Hemingway ke mbubreyo oro — nte nnyin iketiede unyama spirit, ke akam nsuhoreidem, inyung ibong akam edidiong —eketing mme iko ekedude ke ikwo emi “Andikpeb, Mbufit Inyang Obumere.
Tie bighi, O edisana Andifak!
Kuyak mi ikpong aba,
Ndien ye idara Ami nyesim ebiet uboho
Nnyung nduok odudu ke ata inemesit ke mben obot inyang.
Ami nsuk mmama ikwo oro nnyung ntiense mbanga idongesit eke enye onode.
Mme ke ifiobesit eketode mbumere-mbuot akpainyang ibom
Mme ekpeto mme demon mme owo mme se ekpededi.
Mmong ndomo kiet idifukke ubom ekenade ke esuk
Kini Andikara akpa inyang ibom ye una isong ye mme ikpa enyong odude.
Kpukpru mmo eyenem esit enam uduak Fo:
Dobo, Na Sung1
Ke ufot ntua eyet ye idomo, ke ufot ndik ye ntuanga, ke ufot afanikong ye ndobo nte mme ndima owo ekpade, nsongoidem odu ke enyenyene nsinsi uwem. Abasi ye Andiyanga nnyin edi odu uwem ntiense ete ke oro edi ntre.2 Mme iko Esie eke ewetde ke edisana nwed ono uyuho: “Mbufo edobo, enyung efiok ete Ami ndi Abasi” (Psalm 46:10 ). Ami nting iko ntiense mbanga akpaniko emi.
© 2013 eketode Intellectual Reserve, Inc. Ekpeme kpukpru mme unen. Ekeming ke USA. Enyimme eming ke Iko Mbakara: 6/12. Enyimme Ndikabare: 6/12. Ndikabare Etop eke First Presidency Message, March 2013. Efik 10663 553
Ukpeb nkpo eketode Etop Emi
Etop emi ekeme ndidiong mbio ei enamde mme edima owo ke mkpa esit ye mbio emi enwamde ndiboho idomo Ndidian ke etop eke President Monson, kere banga ndibuana kiet ke otu mme nwed Abasi emi, nte unana mbio emi mbufo ekpebde edide: Job 19:25–26; 1 Corinthians 15:19–22; Mosiah 24:13–15; Doctrine and Covenants 122:7–9. Nte spirit etemede, mbufo emekeme nditing kabanga emem eke Andinyanga okonode mbufo kini mme idomo esimde mbufo.