Faiga o se Talafaasolopito

E nonofo ia Soma, Eseta, ma Kata B. i Budapest, Hanikeri, o se aai o i ai se talafaasolopito o maota tau tupu, mamalu, ma faatufugaga ma fale matagofie. E ui e aoao e le fanau le talafaasolopito o lo latou aai i le a’oga, ae ua latou naunau foi e aoaoina se isi ituaiga o talafaasolopito—talafaasolopito o le Ekalesia.

“Ou te fiafia e aoao e uiga i le taimi na tatalo ai Iosefa Samita ma faaali mai ai le Tama Faalelagi ma Iesu ia te ia,” sa fai mai ai ia Eseta, e 7 tausaga.

E fiafia ia Soma, e 10 tausaga, e faitau e uiga ia Alema le Itiiti. “Sa leaga muamua o ia, ae ou te fiafia i le auala na ia filifili ai ina ia toe lelei.”

E le toatele tagata i Budapest e iloa Iosefa Samita po o Alema le Itiiti, ae ua faamoemoe ia Soma, Eseta, ma Kata, e 5 tausaga, a o latou faaali atu ni faataitaiga lelei ma filifili le mea tonu, o le a aoao ai le toatele o tagata Hanikeri e uiga i le Ekalesia.