Ara Tabo
Bukamaruakiia taian Baeoniia
Ni katoa Tuurai angiia kain te Ekaretia ni kabutaa te aonaaba a toki ni karineia taian bwaeonii ake a roko n te Marua i Salt Lake Valley n Tuurai 24, 1847. Aio te bwai are e tibwauaia nakoira temanna te kairake n ataeinnaine n aron te bwai are e a tia n rinanona:
“N tabetai ao ara uoote iai ana waaki ni kakukurei ibukiia bwaeoniia,” e taetae Analee B. of Burke, Virginia, USA. “Aomata a kunikaiia n oneaia bwaeoniia, ao n taai tabetai ao ti karaoi aekaki ‘ni mwananga aika abwabwaki’—bon te nakonako raoi Ti taekiniia naba bwaeoniia, ao ti karaoi takakaro ake a kan takakaro naba iai bwaeoniia. I Virginia e bon rangin kabuebue ao n aomwaimwai n tain te kabuebue, ao n taai nako tiaki toki ni karaoi bukamaru aikai itinaniku, ngaiare n tain te kabuebue ao ti namakinaa ae kanga tia riki bwa ai aroia bwaeoniia.
“Ao ibukiu n ti ngai I a kuri n katoatai n wareka te boki ae Rongorongon te Ekaretia Ngkoa. Warekakin booki akanne e karika au karabwarabwa ae e bati ibukiia bwaeoniia ao ni buokai raoi n mataata n te bwai are a tia n rinanona.”
E kanga, inanon am aono, ko bukamarui boong aika a nako ke aika ngkai ibukiia bwaeonia inanon te Ekaretia? Uringnga, bwaeoniia a kona ni karinia tabeman ake ana katauraoa te kawai ibukiia te korakina ake ana iria.
Mamaten Nanou N Te Koroboki ae Tabu
2 Nibwaai 32:5 e riki bwa mamaten nanou ni koroboki aika a tabu man ngke I ira te Moanrinan ibukina bwa e tuangko bwaai aika ko riai ni karaoi ngkana koa anganaki te bwaintituaraoi ae te Tamnei ae Raoiroi. Kona riai ni karekea ao n tau iai, ao ngkanne te Tamnei ae Raoiroi e na kairiko nakon te kawai ae eeti.
Peaches C., age 16, Trinidad, West Indies
E na kanga ni Karekeaki te Kakoaua
Te kakoaua bon te bwai ae rangin kakawaki inanon maiura ngkai ngaira kaain te Ekaretia. Ni karekean te kakoaua, karaoa te bwai are e kaoira iai Moroni bwa tina karaoia: iangoia raoi inanom te rongorongo ke moan tua ae ko tangiria ni kan ataia bwa e koaua; ao butiia te Atua n aran Iesu Kristo ngkana a koaua bwaai aikai. Te koraki ake a karekea te kawai ao ni bubuti ma te onimaki ana karekea aia kakoaua ibukin te koaua mani mwaakan te Tamnei ae Raoiroi (taraa Moronai 10:3–5). I kan kakoaua nakoimi bwa ngkana kam tataro ma te onimaki ma nanomi raoi, te Tama ae I Karawa e na bon kaekai ami tataro.
Ngke I riki ngai bwa te tia kakae, I baireia bwa N na tataro ao ni bubutia Tamara are I Karawa ngkana a bon koaua bwai aika I reiakini. Akea inanon maiu ae N na kona ni kunei taeka ni kabwarabwaraa te namakin are I a tia ni karekea, ma I ataia bwa bon ana kaeka Tama u are I Karawa ibukina bwa I a tia ni karekei kakabwaia aika a mwaiti mai iai.
Jordi R., ana ririki 20, Santo Domingo, Dominican Republic
Bwaai ni kabane aika a roko mai aonteaba n taina ae riai a karaoaki ibukin ao kabonganakina iroun te aomata, n uaia ni katika te mata ao ni kakukureia te nano (taraa D&C 59:18).
Atai: tamneia bwaeoniia ma bouaia ae kaaraki iroun Welden C. Andersen; aron rikina photographs iroun Deanna Van Kampen