Si Jehova ug ang Maanindot nga Plano sa Atong Langitnong Amahan

Kaniadto adunay adlaw, bulan, o gani yuta nga kalingkuran, kitang tanan nagpuyo sa langit uban sa atong langitnong mga ginikanan. Kita ilang espiritu nga mga anak, ug kita wala pay pisikal nga mga lawas.

Kita nahigugma sa Langitnong Amahan. Ug Siya nahigugma kanato sa hilabihan nga Siya gusto nga kita molambo aron mahimong sama Kaniya ug magpuyo uban Kaniya sa kahangturan. Siya gusto nga kita mahibalo sa tanang butang nga Iyang nahibaloan. Apan sa unsang paagi kita makakat-on nianang tanan?

Ang Langitnong Amahan adunay maanindot nga plano. Siya mipundok kanatong tanan ug misulti kanato sa Iyang plano. Siya molalang og maanindot nga kalibutan nga adunay mga suba, mga bukid, mga bulak, ug mga mananap. Dayon Siya mohatag sa matag usa kanato og higayon sa pag-anhi sa yuta ug makabaton og pisikal nga lawas. Kita makagunit sa init nga balas diha sa atong mga kamot ug mobati sa humok nga sagbot ubos sa atong mga tiil.

Sa yuta kita makabaton og mga pamilya. Sila makapakaon, makapanalipud, ug makahigugma kanato.

Sa yuta kita dili makahinumdom sa Langitnong Amahan, mao nga kita nagkinahanglan nga makat-on mahitungod Kaniya. Ang mga kasulatan, ang mga propeta, ug ang atong mga ginikanan makatudlo kanato mahitungod Kaniya. Kita pagatintalon aron makasupak, ug usahay kita makahimo og mga sayop. Usahay kita masakit, ug sa katapusan kitang tanan mamatay.

Si Jehova mao ang unang natawo sa mga anak sa Langitnong Amahan. Siya kanunay nga mosunod sa Iyang Amahan. Siya sama sa Langitnong Amahan. Siya midawat sa plano sa Langitnong Amahan. Usa sa laing espiritu nga anak sa atong Langitnong Amahan, si Lucifer, misupak sa plano. Siya miingon nga kita dili makahimo sa pagpili tali sa husto ug sayop.

Ang Langitnong Amahan miingon nga aron ang Iyang plano matuman, usa ka tawo ang gikinahanglan nga moadto sa yuta aron sa pagtabang kanato nga makat-on kon unsaon sa pagbalik sa langit.

Usa ka tawo ang kinahanglan nga mopakita kanato kon unsaon sa pagsunod sa Langitnong Amahan. Kinsa man ang may igong pagkamasulundon sa pagbuhat niini?

Usa ka tawo ang gikinahanglan nga moula sa atong mga sala aron kita makahinulsol kon kita makahimo og mga sayop. Kinsa man ang may igong kaayo aron sa pagbuhat niini?

Usa ka tawo nga gikinahangan nga mamatay ug mabanhaw aron kitang tanan mabanhaw ug mobalik sa langit. Kinsa man ang may igong kaisug ug may igong paghigugma sa pagbuhat niini?

Aduna bay bisan kinsa nga andam sa pagbuhat niining tanan alang kanato?

Ang usa ka tawo mao. Ang atong kinamagulangan nga igsoon, si Jehova, miingon, “Ania Ako, ipadala ako” (Abraham 3:27).

Unsa ka dako sa atong gugma Kaniya tungod niana.

Sa dihang si Jehova mianhi sa yuta, Siya ang atong Manluluwas. Siya gitawag og Jesukristo.