Vahevahe Ngāue Fo‘ou Ki he Kau Takimu‘a Faka‘ēliá

Kuo fanongonongo ʻe he Kau Palesitenisī ʻUluakí ha ngaahi liliu ʻi he vahevahe ngāue ʻa e kau taki fakaʻēliá, ʻo kamata ʻi he ʻaho 1 ʻo ʻAokosi, 2008. ʻOku kau kotoa ʻa e kau mēmipa ʻi he Kau Palesitenisī Fakaʻēliá ʻi he Kōlomu ʻUluaki pe Ua ʻo e Kau Fitungofulú tuku kehe kapau ʻoku fakamahino atu.

Ne uiuiʻi ʻa ʻEletā L. Uitinī Keleitoni pea mo ʻEletā Siei E. Sieniseni ki he Kau Palesitenisī ʻo e Kau Fitungofulú hili ʻa hono uiuiʻi ʻo ʻEletā D. Toti Kulisitofāsoni ki he Kōlomu ʻo e Kau ʻAposetolo ʻe Toko Hongofulu Mā Uá pea mo hono tukuange fakalāngilangi ʻo ʻEletā ʻEli C. Tingei.

Kuo fanongonongo foki ʻe he Kau Palesitenisī ʻUluakí hono fakatahaʻi ʻo e ʻĒlia ʻIulope Lotolotó mo e ʻĒlia ʻIulope Uesité pea pehē ki he ʻĒlia ʻAositelēliá mo e ʻĒlia Nuʻu Sila/ʻOtu Motu Pasifikí. Kuo vaeua ʻa e ʻĒlia Hahake ʻo ʻAmelika Noaté ki he ongo ʻēlia ko e Tonga Hahake ʻo ʻAmelika Tongá mo e Tokelau Hahake ʻo ʻAmelika Tongá. ʻE ui ʻa e ongo ʻēlia foʻoú ko e ʻĒlia ʻIulopé pea mo e ʻĒlia Pasifikí.