Mubo nga Sulat sa mga Tinubdan

Kini nga volume mao ang buhat sa sugilanon nga tinuod gibase sa kapin sa lima ka gatos ka makasaysayanong mga tinubdan. Gihimo ang labing maayong pag-amping sa pagsiguro sa katukma niini. Ang nahaunang mga Santos sa Ulahing mga Adlaw misulat og daghang mga sulat, mga journal, mga artikulo sa pamantalaan, ug mga kasaysayan sa kaugalingong kinabuhi. Isip resulta, kadaghanan sa kasaysayan sa Simbahan tali sa 1815 ug sa 1846 mao ang talagsaong maayong pagkadokumento. Ang mga magbabasa kinahanglan dili maghunahuna, hinoon, nga ang pagsaysay nga gipresentar dinhi hingpit o kompleto. Ang mga rekord sa nangagi, ug ang atong abilidad sa paghubad niini sa kasamtangan, mga limitado.

Ang tanang mga tinubdan sa makasaysayanong kahibalo adunay mga kal-ang, dili tataw, ug mga pagkahilig. Sa kasagaran naghatag lamang kini sa panan-aw sa tigmugna. Sa ingon niana, ang mga saksi sa samang panghitabo nagsinati, naghinumdom, ug nagrekord niini sa managlahi nga paagi, ug ang ilang nagkalainlaing mga panglantaw nakapahimo og lainlaing mga paagi sa paghubad sa kasaysayan. Ang hagit sa tigsaysay mao ang pagtipon sa naila nga mga panghunahuna ug sa pagtingub og usa ka tukma nga pagsabut sa nangagi pinaagi sa mainampingon nga pagtuki ug paghubad.

Ang Mga Santos usa ka tinuod nga asoy sa kasaysayan sa Ang Simbahan ni Jesukristo sa mga Santos sa Ulahing mga Adlaw, base sa unsay atong nahibaloan ug nasabtan sa karon nga panahon gikan sa anaa nga makasaysayanong mga rekord. Dili lamang kini mao ang posibling pagsaysay sa sagradong kasaysayan sa Simbahan, apan ang mga eskolar kinsa misiksik, misulat, ug mi-edit niini nga volume nahibalo kaayo sa tinubdan sa kasaysayan, mahunahunaon kini nga gigamit, ug gidokumento kini diha sa mga endnote ug lista sa mga tinubdan nga gikutlo. Ang mga mambabasa gidapit sa pagtimbang-timbang sa mga tinubdan sa ilang kaugalingon mismo, kadaghanan niini gi-digitize ug gi-link ngadto sa mga endnote. Kini adunay posibilidad nga ang pagdiskubre og dugang pa nga mga tinubdan, o bag-ong mga basahunon nga anaa sa mga tinubdan, sa tukmang panahon mohatag og ubang mga kahulugan, mga paghubad, ug posible nga mga panghunahuna.

Ang saysay diha sa Mga Santos migamit sa una ug ikaduha nga mga tinubdan. Ang nag-unang tinubdan naglangkob sa impormasyon mahitungod sa mga panghitabo gikan niadtong kinsa unang nakasaksi mismo niini. Ang pipila sa mga nag-unang mga tinubdan, sama sa mga sulat ug mga journal, nasulat sa panahon sa mga panghitabo nga gihulagway. Kining mga tinubdan nga nahitabo sa samang panahon naghulagway kon unsa ang gihunahuna, gibati, ug gibuhat sa mga tawo nianang higayuna, nagpadayag kon sa unsang paagi ang nangagi gihubad kon kini sa karon pa nga panahon. Ang ubang nag-unang mga tinubdan, sama sa mga kasaysayan sa kaugalingong kinabuhi [autobiographies], gisulat nga inabagan. Kining makapahinumdom nga mga tinubdan nagpadayag kon unsa ang kahulugan sa nangagi ngadto sa tigsulat sa paglabay sa panahon, kasagaran naghimo niini nga mas maayo kay sa nahitabo sa samang panahon nga mga tinubdan sa pag-ila sa kahulugan sa nangagi nga mga panghitabo. Gumikan kay nagsalig kini sa panumdoman, busa, ang makapahinumdom nga mga tinubdan mahimong maglakip sa mga dili tukma ug mahimong naimpluwensiyahan sa kaulahiang mga panabot ug mga gituohan sa tagsulat.

Ang segunda nga makasaysayanong mga tinubdan naglakip og impormasyon gikan sa mga tawo nga wala mismo makasaksi sa mga panghitabo nga gihulagway. Ang maong mga tinubdan naglakip sa naulahing bahin sa mga kasaysayan sa mga pamilya ug sa akademikanhong mga buhat. Kining volume nakautang ngadto sa daghang ingon nga mga tinubdan, nga napamatud-ang bililhon alang sa mas lapad nga kontekstuwal ug buhat sa paghubad nga ilang gihatag.

Ang matag tinubdan sa Mga Santos gitimbang-timbang alang sa kredibilidad, ug ang kada kapahayag [sentence] gibalik-balik sa pagsusi alang sa pagkamakanunayon ngadto sa mga tinubdan. Ang mga dialogo ug uban nga mga kinutlo direktang nagagikan sa makasaysayanong tinubdan, matag pulong. Ang panitik, capitalization ug panulbok sa direkta nga kinutlo hilum nga gimoderno aron maklaro. Sa panagsa nga mga higayon, daghang makahuluganong mga kausaban, sama sa pagbalhin gikan sa past tense ngadto sa present tense o gi-standard ang gramatika, ang gihimo sa mga kinutlo aron sa pagpalambo sa pagbasa. Niini nga mga sitwasyon, ang mga endnote naghulagway sa kausaban nga gihimo. Ang mga pagpili mahitungod kon hain sa mga tinubdan ang gamiton ug unsaon sa paggamit niini gihimo sa usa ka kuponan sa mga tigsaysay, mga manunulat, ug mga editor kinsa mibase sa mga desisyon diha sa makasaysayanong integridad ug kalidad sa pagkasulat.

Ang saysay sa kinabuhi ni Lucy Mack Smith, sama pananglit, usa ka importanting tinubdan sa nag-unang mga kapitulo niini nga volume. Gisulat kini ni Lucy taliwala sa 1844 ug 1845 sa edad nga saysentay-nuebe, sa tabang ni Martha Jane Knowlton Coray ug sa bana ni Martha, nga si Howard. Isip mahinungdanon nga tinubdan, ang kasaysayan ni Lucy adunay mga sayop, apan nasuta kini nga sa kinatibuk-an masaligan. Gigamit kini nga inampingan kaayo dinhi niining volume ug kasagarang gikutlo sa mga panghitabo nga nasaksihan ni Lucy. Alang sa dugang kabahin niining kasaysayan, tan-awa sa “Lucy Mack Smith” sa saints.lds.org.

Ang pipila ka mga tinubdan nga dili mahigalaon nagamit aron masulat kining volume ug gikutlo diha sa mubo nga mga sulat. Kini nga mga tinubdan una sa tanan gigamit sa pag-ila sa sayo nga oposisyon sa Simbahan. Bisan sa kasagaran masupilon ngadto ni Joseph Smith ug sa Simbahan, kini nga mga dokumento usahay naglakip sa mga detalye nga wala narekord bisan asa. Pipila niining mga detalye gigamit sa dihang nakumpirmar sa ubang mga rekord ang katukma niini. Ang mga kamatuoran nga naggikan niining mga rekord nga dili mahigalaon gigamit sa walay pagsagop sa ilang masupilon nga mga panglantaw.

Isip usa ka sugilanon sa kasaysayan nga gisulat alang sa kinatibuk-ang audience, kini nga volume nagpresentar og usa ka sukaranang kasaysayan sa Simbahan nga naa sa masabut, ma-access nga format. Samtang nagamit sa mga teknik sa popular nga pag-istorya, wala kini molapas sa impormasyon nga makita diha sa makasaysayanong mga tinubdan. Kon ang mga teksto gilakipan gani og ginagmayng mga detalye, sama sa mga paghulagway sa hitsura o mga kahimtang sa panahon, tungod kay kini ang mga detalye nga nakit-an o resonable nga gibana-bana gikan sa makasaysayanon nga rekord.

Aron mapatunhay ang pagbasa sa saysay, ang volume panagsa kaayo nga nagpatumong og mga hagit diha o ngadto sa makasaysayanon nga rekord sa teksto mismo. Kondili, nagbalhin kini sa maong tinubdan base sa mga diskusyon ngadto sa mga essay sa mga hilisgutan diha sa https://MgaSantos.ChurchofJesusChrist.org. Ang mga magbabasa giawhag sa pagkonsulta niining mga essay samtang sila magtuon sa kasaysayan sa Simbahan.