Vinisone Naite

(1804–42)

Sa soifua a’e Vinisone Naite i Norwich, Massachusetts, i le 1804. Na faaipoipo atu i a Martha McBride i le 1826. I le tautotogo o le 1834, na papatiso ai Naite i le Ekalesia a Iesu Keriso o le Au Paia o Aso e Gata Ai. O le tausaga na sosoo ai, na siitia atu ai i Katelani, Ohaio, lea na faauuina ai o se toeaina ma o se faitaulaga sili. I Katelani na auauna ai o se fesoasoani i a Epikopo Neueli K. Whitney ma sa avea ma se umia oloa i le Sosaiete o le Saogalemu o Katelani. I le 1837 na siitia atu ai Naite i Sisifo Mamao, Misuri. O le tausaga na sosoo ai, na tofia ai o ia o se sui epikopo i Atamu-o-nai-Amani, Misuri. I le mavae ai ona tutuliese mai Misuri faatasi ma isi Aupaia o Aso e Gata Ai, na fesoasoani ai Naite i le faatauina o le sefuluvalu eka o fanua mo le Ekalesia i le Teritori o Iowa. Ona faamautu ai lea i Komesi, Ilinoi, lea na toe faaigoa mulimuli ane o Navu, lea sa tofia ai o le epikopo o le Uarota i Lalo ma sa auauna atu i le tele o tulaga faalenuu. I a Ianuari 1841, na faatonuina ai Naite i se faaaliga e faatau oloa mo le fausia o le Fale o Navu ma “pulefaamalumalu i luga o le au epikopo” (Mataupu Faavae ma Feagaiga 124:74, 141). Na maliu o ia i le tausaga na sosoo ai i Navu.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 124