Gafaliy e Saf, Saf rok Got

Pi walageg ni pumo’on nge ppin, bay boech e rran nib momaw’ rogon ni ngam mol mag par ngam the’eg e saf? Nap’an nibe tim’og fapi saf nga barba’ ko fare yiror, mag the’eg: 1, 2, 3, … 245, 246, … 657, 658 …¹

I gag e, gura the’eg e saf ma darma yib e chuchuw ngog. Ya be langban’ug ngay ni ri malboch reb, ma dabiyag ni ngu mol.

Facha’ nima gafaliyeg e saf nimang pilung rodad, kad ga’ar gaed:

“I Somol e be gafaliyeg ni bod ba tagafaliy e saf; dakuriy ban’en ngabang ni nge yag ngog.

“Ma pi’ e toffan ngog u daken e ted nib galunglung e pan riy: mma pow’iyeg nga yungi tan nib machalbog ma ba mocha’.

“Ma fulweg gelnging ngog.”²

Biney e Easter, gadad be madnom nag fare cha’ nima Gafaliy e Saf, ni’ir fare Saf rok Got. Aram urnging fithngam, ma dariy rib ni aram fana rib gel e murnguy riy. Kad filed mornga’agen fare Tathapeg ni yima pining ni’ir facha’ nima Gafaliy e Saf ma kad filed ko mich rok’ fapi profet ni’ir fare saf rok Got. Pi muruwel nge ya’an e pin’ey e ba gel gelngin—mini’ e rayag rok’ ngak fare cha’ nima Gafaliy e Saf nib fel’, ma mini’ e rayag ni nge mang e cha’en nima Gafaliy fare saf nib fel’ rok Got?

Ya Got e rin t’uf e girdi’ nu fayleng rok, ma aram me pi’ Fak ni kari maagarag rok nge yib, ni fan e nge urngin e pi’in ni michan’rad ngak e aram e dab kurm’ad ya keyag e yafos ndariy n’umngin nap’an ngorad.³ Ni micheg Yesus, “I gag fa’anem ni bfel’ rogon ni gu ma gafaliy e saf: En nma gafaliy e saf ni bfel’ rogon e dabisiyeg ni nge yim’ ni fan ko fapi saf.”⁴ Yesus e bay mat’won ni ra pi’ e pogofan Rok’ ma bay mat’won ni ra fulweg.⁵ Ni nge sul bayay ngak e Chitamangin, Thathapeg rodaed e ke tawa’ath nagdad, ni’ir e bfel’ rogon ni ma Gafaliy e Saf ma ki’ir e Saf rok Got.

Nap’an nra pong fa’anem ni bfel’ rogon ni ma Gafaliy e Saf, Yesus Kristus e be pining fapi saf Rok’ u dakaen fithngan nge Laman. Ma sap nagdad me kunuydad nga ta’abang. Me fil ngodad rogon ni ngam pigpig u fthik e t’ufeg. Tafney niged ere dalipi n’ey, tabab ko bin ba’aray nibe pong nga Laman nibe pining fithngandad.

Bin somm’on, fa’anem ni bfel’ rogon ni ma Gafaliy e Saf “e pining fithingan e saf rok ntata’reb. … Yad manang laman.”⁶ Arragon, “ma dakean fithingan e be piningmed riy, ni ireram fithingan ni Kristus.”⁷ Nap’an ni gadad ra a’dag ni ngad laked Yesus Kristus, thogthog e ra yib ni ngad rin’ed e tin nib mangil, ma ngan t’ufeg Got, min pigpig Ngak’.⁸ Nap’an gadad ra fil, min lemnag, min meybil; ma gadad be fek fare sacrament ma gadad be fol ko fapi motochiyel ko temple; ma gadad be pining e gidii’ ni urngin ni nge yib Ngak’ ko fare gospel rok nge yalen, ma aram ni gadad be motoyil nga laman.

Rran rodad e chiney, President Russell M. Nelson e ke yog ni ngad pinnged fare Galasia ni kan sulweg biyay ni woed rogon ni dag Yesus Kristus—Fare Galasia ku Yesus Kristus ni fan ko gidii’en Got ko Tin Tomur e Rran⁹ Fare Somol e ga’ar, “Ere, demutrug e re nʼen ni gimed ra rinʼ, ma ngam rinʼed u fithingag; ;ere ngam pininged fare galasia u fithingag;ma gimed meybil ngakʼ e en Chitamangiy u fithingagni nge tawaʼath nag fare galasia ni fan ngog.”¹⁰ U ga’ngin yang u dakan e fayleng, ulan gum’ircha’dad nge ulan e tabinaew rodad, gadad ma pining e Chitamangdad u dakan fithngan Yesus Kristus. Gadad be pining e magar ngak ko fapi taw’ath ulan e tabinaew rodad, liyoer ni ke dugiliy ko Galasia, tin ni yibe fil ni mornga’agen fare gospel, nge tin nu tabinaew ban’en.

Bin la’agruw, fa’anem ni bfel’ rogon ni ma Gafaliy e Saf e ma fekdad nga ta’areb ulung. Ba fith“Susun e aray rogon ma bay bigimed ni bay ra’ay i saf ni fak me yan reb ngabang-ere mang e ra rin’? Ra pag fa mereb i ragag nge mereb nem ko gin’en ni yad be kay a pan riy me yan ni be changarnag fare saf ni ke yaen ngabang, nge mada’ ko ngiyal’ ni fin ra pir’eg riy?”¹¹

Fare Tathepeg e ayuweg fa bin ta’areb nge fa bin ni merebi ragag-nge-mereb, ni t’abayay. Nap’an ni gadad ra pigpig, ma gadad be ayuweg fare merebi ragag-nge-mereb ni ngar mon’og gaed, ni ku woed rogon ni gadad be ayuweg fare binem nike palog nga orel. Somol rodad e ba sap ngodad nge ayuwegdad u gubin ban’en,¹² u lan fa aningeg raba’ i fayleng.¹³ Be kunuy dad u dakan fare m’ag nib thothup nge dakan fare rcha’ ko bayul Rok’.¹⁴

Yesus Kristus e pining fare Galasia ni ngar motoyil gad Nga laman¹⁸ miyad fol ko fapi motochiyel Rok’. Fare m’ag rok Kristus e ba mu’un fare tawfe ngay ko raen nge fare tawfe ko nifiy nge fare Kan ni Thothup.¹⁹ Yog Yesus ni boch fapi saf rok e yadra rung’aged Laman.¹⁷ Ba tawa’ath nibay ko fare Babyoren ku Mormon ni’r reb e m’ag nibe micheg laman Yesus Kristus!

Yesus Kristus e pining fare Galasia ni ngar motoyil gad Nga laman¹⁸ miyad fol ko fapi motochiyel Rok’. Fare m’ag rok Kristus e ba mu’un fare tawfe ngay ko raen nge fare tawfe ko nifiy nge fare Kan ni Thothup.¹⁹ Fith Nephi, “Ere chiney, faʼanra fare Saaf rokʼ Got, niʼir e ba thothup, mab tʼuf ni ngan tawfe nag ko raen, ni nge muguʼuliy gubin e tin nib matʼaw, O ere, aram fini rib tʼuf rodaed, e piʼin ni daed thothup gaed, ni ngan tawfe nagdaed, arragon, tawfe ko raen!”²⁰

Daba’ n’en ba’dag fare Thathapeg ni gadad be rin’ nge ngad manged e ra fek me pining e gidii’, ni nge yib Ngak’. Moy ngam pir’eg e t’ufeg, min fosag nem, min fulwegnem, ko fare m’ag Ngak’, nib mu’un fare temple rok Got ngay, ni gin nibay fapi m’ag ko thapeg nge tawa’ath nifan ngak gubin e chongin ko tabinaew, ma yibe kunuy pi u Isreal ko fagli veil.²¹

Bin dalip, ni woed “Tagafaliy e saf nu Isreal,”²² Yesus Kristus e dag rogon i tagafaliy e saf nu Isreal ba pigpig u fithik e t’ufeg. Nap’an ni fith Somol ni fa’an kab gel fanag t’uf rom, ni woed rogon ni fith ngak Simon Peter, ni ga’ar: “Mu gafaliy e tin ni kab bitir e saf rog. … Mu gafaliy e saf rog. … Fare Somol e micheg ni nap’an nra fa’anem nima gafaliy e saf Rok’, tin ni kubay u charen “e dab kur tamdag gad ara ur rus gad, ma gag e dab kug gechig nagrad bayay.”²³ Fare Somol e micheg ni nap’an nra fa’anem nima gafaliy e saf Rok’, tin ni kubay u charen “e dab kur tamdag gad ara ur rus gad, ma gag e dab kug gechig nagrad bayay.”²⁴

Fa’anem nima gafaliy e saf u Isreal e rdabi math mit,²⁵ fa dabi dabra wereged yad i yan,²⁶ ma be rin’ e n’en ni ba’adag ma be gaweg e tin nge yagyag ngak.²⁷ Fa’anem nima gafaliy e saf nib mangil e ma pi’ gelnginrad, me fosagrad, me gol nag e tin nike ma’ad’ad, me sapnag e tin nike palog, me gayrad nge fulweg e tin nike malboch.²⁸

Fare Somol e ta’amagaran e gidii’ nima chuw’iy e saf, ni gidii’ ni “dariy amthun fapi saf u wan’,”²⁹ nge “pi profet ni deriyul’, ni bay ra baed ngomed ni boed bunu’en e saaf wuru’ i dowraed, machane nge fithi’ i dowraed e boed e pi wolf ni ma k’aad.”³⁰

Fa’anem nima gafaliy e saf nib mangil e ma falfalen’ ngay nap’an ni gadad ra mel’eg ni fa’an mgaran’ u wun’dad ngay u fithik e mich. Pi cha’ney e yad ma og nag e magar ngak fare Tathapeg ko fare Bayul ni tay ni fan ngorad. Kad micheged ni ngad laked Ir, gathi ngan towasoriy, fa dan nang ko mang, fa “woed fapi saf,” machane thingar a’daged u lan gum’ircha’dad nge tafney rodad ni ngad t’ufeged Got nge buguli yiror rodad, min ayuwegdad magdad falfalen’ u ta’abang …

Pi walageg, Yesus Kristus e ir fare cha’ nima gafaliy e saf nib tha’bi mangil. Ni bachan e ke yim’ nifan ngak fapi saf, Yesus Kristus e ir fare Saf rok Got ni gubin rok mab fel’.³¹

Fare Saf rok Got ni yib nge yim’ ni fan ngodad e kab ban’en nin nog nra buch. Fare angel e yog ngak Adam fare maligach rok “ni woed fare maligach rok fare Fak ni kari mus rok fare Chitamangin,” ni be pining dad ni ngad “kalngan’ min pining Got u dakan fithngan fare Fak ni manemus.”³²

Abraham ni’ir e matam, ni fal’eg fapi tawa’ath ko motochiyel nifen gubin fapi naam nu fayleng, ni mnang ko mang e be yip’fan ni nge pi’ fak ni maligach.

“Me ga’ar Isak ngak Abraham ni chitaman, me ga’ar, Chitamag: me fulweg ni ga’ar, fakag, be mang. Me ga’ar, kug guy ni bay e kol nge l’ud: machane bu’uw e saf …?

“Me fulweg Abraham ni ga’ar, Fakag, i Got e bayi pi’ e saf.”³³

Fapi Apostles nge profet e kar guyed nga m’on ma kar nangfaned fare murwel rok fare Saf rok Got. John nibay ulan fa bin kakrom e fayleng nge Nephi nibay ulan fabin be’ech e fayleng e ra michegew ko “fare Saf rok Got,”³⁴arragon, … ni’ir fare Tir ni Fak facha’ ni Chitamangiy ni Gubinfen[,] … fare Tabayul ko fayleng.”³⁵

Abinadi e micheg fare bayul ko maligech rok Yesus Kristus: “Gadaed gubin, ni boed e saaf, ni yaen ngab yang; ni ra bagdaed me yaen ko gin nibe lemnag; ma fare Somoel e ri gafgow ni bachan e pi denen rodaed ni gadaed gubin.”³⁶ Alma e yog ni fare maligach rok fare Fak Got ni’ir “ta’areb ni’ir e th’abi ga’fan gaed u fithik’ ni gubin.” Alma e pi’ e athamgil, “Michaen’med ko fare Saaf ku Got”; “baed ma dab mu rus gaed.”³⁷

Bay reb e fagar rog ni yog rogon ni yog ngak fare mich u dakan fare Bayul rok Yesus Kristus. . Me wenig ngak Got ni nge nangfan e n’agfan. Ke meybil nifan ko nagfan ni nge nang rogon Yesus Kristus e rayag ni nge n’ag fan rok e pi ta denen, rogon e murnguy nrayag ni nge ta’areb nag e justice.

Boran riy min fulweg tobongin e meybil rok ko ban’en ni buch rok. Bay ba pagal ni be yib u kantin nibe mil nibay l’agruw i brif u pa’ nibay e ggan nike iring riy. Me mil nga kanawo’ nib sug e karo riy, nibe lol’og e en nib ga’ ko fare kantin, mayow tbab nag e cham nge tuwthin. Ma dani tahmey ngay ni fare pagal e be’ nibe mororo’, ya fare fagar rog e yib ba thamtham ngak, ba thamtham nib sug ko murnguy nib ga’. . Ere kee ga’ar, “Baygu chuwi’iy e pi ggan nir. Wenig mu pag nge yan. Wenig mu pag ngu chuwi’iy e pi ggan nir.”

Ke thogthog nag fare Kan ni Thothup ma ke thamiy fare t’ufeg ni dariy bi’id ma ke thamiy, me ga’ar e fagar rog, “Karimus ni n’en ni guba’dag ni ngu rin’ e ngu ayuweg fare pagal.” Me yog e fagar rog ni fin aram e ngiyal’ ni tabab i nangfan Yesus Kristus nge fare Bayul Rok—uw rogon nga mangfan ni polo’ i gum’ircha’en e t’ufeg rok Yesus Kristus ni pi’ ir ni maligach ni nga mang fare Tathapeg nge Bayul rok, nge mangfan ni ba’adag ni nge mang Ir.³⁸

Aram fan ni gadad ma yon’ e tang:

Woed e Saf rok Got, Tathapeg rodad e manang nap’an ni gadad be kirban’, fa be yo’or e tafney rodad, fa gadad be rus. Ulan e lik’ay, Nephi e guy gelngin fare Saf ku Got “[ni yibi] aw nga dakean chongin e galasia rok’ fare Saaf, ngo dakean fapi gidii’ rok’ Somoel.” Ni “pi’in ni kar ngara gaed u fayleng, … ni kar longbiyed yaed ko fel’ u gelingin Got u fithik’ e rir.”⁴⁰

Biney e micheg nge athap e kubay rodad e daba’.

Kemus ni gur e gidii’en fare Galasia ulan e tabinaew rom, skul, muruwel, fa binaew rom? Ma fare branch rom e gama thamiy nib achig mab palog ko gubin? Kam man nga bang nib thil, woed bang nib thil e thin riy fa yalen? Ma woed ni ke thil e yafos rom, tin kam lamneg ni dabiyag ma be buch rom e chiney? Tathapeg rodad e micheg ngodad, demtrug ko mang e be buchbuch rodad, demtrug ko gur mini’, ulan e thin rok Isaiah: “Bayi kunuy fapi fak saf nge ta’abang, ngi i fekrad nike dibeyrad, bayi pow’iy e pi chitiningrad nib sof’og.”⁴¹

Pi walagag, facha’ nima Gafaliy e Saf nib Mangil e be pining dad u laman nge fithngan. Me gay, me kunuy, ma yib ngak’ pi gidii’en. U dakan fare profet rok nib fos nge dakan dad, be piningdad ni ngad pir’eged e gapas, fan, fosag, nge falfalen’ u dakan fare gospel Rok’ nikan fulweg nge dakan fare kanawo’ ko motochiyel Rok’. Woed, ke fil ngak pi u Israel ni ngar pigpig gad u fithik e t’ufeg.

Woed e Saf rok Got, Muruwel’ rok Yesus t’uf ni nge rin’ e kab ban’en ni kakrom ban’en ni guy fapi apostles nge profet. Bayul Rok’, n’umngin nap’an ni darmamus, e ir bang fare tanom ko falfalen’ nap’an sunmiy e fayleng. Me thapegdad nge koldad chuchugur ko Gum’ircha’en.

Pi walageg, thingar a’daged ni ngad “sobut’aen’ ni ngar manged gachalpen Got nge fare Saaf,”⁴²ninge boran riy min yoloy fithngandad ngalan e babyor rok fare Saf,⁴³yin’ e tang ko fare Saf,⁴⁴ni kan piningrad ko fare madnom ko mabgol rok fare Saf.⁴⁵

Woed e en nima Gafaliy e Saf nge Saf, nibe pong: moy biyay “ko bin riyul’ e na’ab … ko Tabiyul [rom], … gafliy e saf nib gaa’mab riyul [rom]’.”⁴⁶ Ke micheg ni “u dakean e murnguy rok’ [gadad] rayag ni [ngad] machalbog gaed riy rok’ Kristus.”⁴⁷

Biney e season ko Easter, gadad og nag e sorok Ngak:

“Fare Saf e mil suwon urngin ban’en ngakFare Saf e mil suwon urngin ban’en ngak!”⁴⁸

Biney e season ko Easter, gadad og nag e sorok Ngak: Fare Saf e mil suwon urngin ban’en ngak!”⁴⁹

Gube micheg nifan en, e facha’ nima Gafaliy e Saf nib fel’ rogon, fare Saf rok Got. Nima pinning dad u dakan fithngdad, ulan e Fithingan—nib thothup u dakan fithngan Yesus Kristus—amen.