पिता

भौतिक जीवन पूर्वको जीवनको संसारमा, हामी स्वर्गका मातापिताका आत्मिक सन्तानका रुपमा जन्मेका थियौँ र उहाँहरुसँग एक परिवारका रुपमा बसेका थियौँ । उहाँहरुले हामीलाई चिन्नुहुन्थ्यो, हामीलाई सिकाउनुभयो र हामीलाई माया गर्नुभयो ।हामि एकदम स्वर्गमा रहनुहुने पिता जस्तै बन्न चाहेका थियौँ । तथापि, त्यसो गर्न, हामीले थाहा पायौं कि हामीले निम्न कुराहरु गर्नुपर्छ :

1. महिमित, अमर भौतिक शरीर प्राप्त गर्नुपर्छ;

2. पादरित्वको बाँधने शक्तिद्वारा विवाह गरी परिवारको निर्माण गर्ने; र

3. सबै ज्ञान, शक्ति र दैवी गुणहरु हासिल गर्ने।

फलस्वरूप, पिताले एक योजना बनाउनुभयो जसले केही सर्तहरुमा, हामीलाई पुनरुत्थानमा अमर र महिमित हुने भौतिक शरीर प्राप्त गर्न सहयोग गर्छ; यो भौतिक जीवनमा विवाह र परिवारको निर्माण गर्न वा त्यो अवसर नपाउने आस्थावानहरुले यो मरन्सिल जीवन पछि; निपूर्ण तर्फ प्रगति गर्न; अन्तमा स्वर्गका मातापिताकहाँ फर्कने र उहाँहरु र हाम्रा परिवारहरुसँग मुक्ति र अनन्त खुसिको अवस्थामा बस्न दिन्छ ।

धर्मशास्त्रहरुले यसलाई मुक्तिको योजना भन्छ । हामी यो योजनाका लागि धेरै कृतज्ञ छौँ कि जब हामीलाई यो प्रस्तुत गरियो, हामी खुसीले उफ्रियौँ । हामी हरेकले हामीलाई दैवी गुणहरु विकास गर्न सहयोग गर्ने मरणशील जीवनका चुनौतीहरु र अनुभवहरु लगायत त्यो योजनाका सर्तहरु स्विकार्यौं ।

यो मरणशील जीवनमा, स्वोर्गका पिताले उहाँको योजना भित्र रहेर प्रगति गर्न हामीलाई चाहिने सर्तहरु दिनुहुन्छ । पिताले येशू ख्रिष्टलाई भौतिक जीवनमा ल्याउनुभयो र उहाँको मरणशील जीवनको उद्देश्य पूरा गर्न दैवी सहायता प्रधान गर्नुभयो । यदी हामीले पनि उहाँका आज्ञाहरु पालना गर्न प्रयास गर्यौं भने त्यसरी नै स्वर्गमा रहनुहुने पिताले हामी हरेकलाई सहयोग गर्नुहुन्छ । पिताले हामीलाई छनौटको अधिकार दिनुहुन्छ । हाम्रो जीवन उहाँको हातमा छ र हाम्रा दिनहरु “गिन्ती गरिएका छन्” र “ कम गनिने छैन ।” र उहाँले यो निश्चित गर्नुहुन्छ कि अन्ततः सबै कुराहरु उहाँलाई माया गर्नेहरुका लागि राम्रो हुनेछ ।

हाम्रो दैनिक भोजनस्वर्गमा रहनुहुने पिताले दिनुहुन्छ, जसमा हामीले खाने खाना र उहाँका आज्ञाहरु पालना गर्न हामीलाई चाहिने शक्ति दुवै हुन्छ । पिताले राम्रा उपहारहरु दिनुहुन्छ । उहाँले हाम्रा प्रार्थनहरु सुन्नुहुन्छ र उत्तर दिनुहुन्छ । स्वोर्गका पिताले हामीलाई सैतानबाट मुक्ति दिलाउनुहुन्छ यदी हामीले उहाँलाई गर्न दियौं भने । हामी दुखमा पर्दा हाम्रा लागि रुनुहुन्छ । अन्ततः, हाम्रा सबै आशिषहरु हाम्रा पिताबाट आउँछ ।

स्वर्गमा रहनुहुने पिताले हामीलाई निर्देशन गर्नुहुन्छ र हाम्रा सबल पक्षहरु, कम्जोरीहरु र छनौटहरुका आधारमा हामीलाई चाहिने अनुभवहरु दिनुहुन्छ ताकी हामीले राम्रो फल दिन सकौँ । पिताले हामीलाई आवस्यक अनुसार अनुशासीत गर्नुहुन्छ किनभने उहाँले हामीलाई माया गर्नुहुन्छ । उहाँ “सल्लाह दिने व्यक्ति हो” जसले यदी हामीले सोध्यौं भने हामीसँग सल्लाह गर्नुहुन्छ ।

उहाँ स्वर्गमा रहनुहुने पिता नै हुनुहुन्छ जसले हाम्रो जीवनमा पवित्र आत्माको उपहार र प्रभाव दुवै दिनुहुन्छ । पबित्र आत्माको उपहारद्वारा पिताको महिमा वा ज्ञान, प्रकाश र शक्ति हामीमा बास गर्न सक्छ । यदी हामीले हाम्रो आँखा परमेश्वरको महिमामा एकत्रित नहुन्जेल प्रकाश र सत्यमा बृद्दी गर्न प्रयास गर्यौं भने हामीलाई अनन्त जीवनमा बाँध्न र उहाँको अनुहार प्रकट गर्न स्वर्गमा रहनुहुने पिताले प्रतिज्ञाको पवित्र आत्मा पठाउनुहुनेछ - यो जीवनमा वा आउने जीवनमा ।

मरणशील जीवन पश्चातको आत्मिक संसारमा, स्वोर्गका पिताले पबित्र आत्मा पठाउन निरन्तरता दिनुहुन्छ र सुसमाचारको आवस्यक हुनेलाई सुसमाचार प्रचारकहरु पठाउनुहुन्छ । उहाँले प्रार्थनाहरुको उत्तर दिनुहुन्छ र नहुनेहरुलाई प्रतिनिधिक मुक्तिका बिधिहरु प्राप्त गर्न सहयोग गर्नुहुन्छ ।

पिताले येशू ख्रिष्टलाई हुर्काउनुभयो र पुनरुत्थान ल्याउन उहाँलाई शक्ति दिनुभयो, जसद्वारा हामीले अमर शरीर प्राप्त गर्न सक्छौँ । मुक्तिदाताको उद्दार र पुनरुत्थानले हामीलाई पिताको उपस्थितिमा फिर्ता ल्याउछ जहाँ हामीलाई येशू ख्रिष्टले न्याय गर्नुहुनेछ ।

जो “पबित्र मसिहको गुणहरु, दया र करुणामा” भर पर्छन्, उनीहरुले पिता जस्तै महिमित शरीरहरू प्राप्त गर्नेछन् र उहाँसँग “कहिलेपनि अन्त नहुने खुसीको” अवस्थामा बस्नेछन् ।त्यहाँ पिताले हाम्रा सबै आँशुहरु पुछिदिनुहुनेछ र उहाँ जस्तै बन्ने हाम्रो यात्रामा हामीलाई सहयोग गर्नुहुनेछ ।

तपाइले देख्न सक्नुहुन्छ, स्वर्गमा रहनुहुने पिता सधै हाम्रोलागि हुनुहुन्छ ।

पिता जस्तै बन्न, हामीले उहाँका चारित्रिक विशेषताहरुको बिकाश गर्ने पर्छ । स्वर्गमा रहनुहुने पिता सतगुणहरु र विशेषताहरु निम्नुसारका छन्:

• पिता “अन्तहिन र अनन्त हुनुहुन्छ।”

• उहाँ पूर्ण रुपले न्यायिक, दयालु, सहिष्णु र हाम्र लागि राम्रो मात्र चाहनुहुन्छ ।

• स्वर्गमा रहनुहुने पिता को माया हुनुहुन्छ ।

• उहाँले आफ्ना करारहरु राख्नुहुन्छ ।

• उहाँ परिवर्तन हुनुहुन्न ।

• उहाँले झुटो बोल्न सक्नुहुन्न ।

• पिता कुनै व्यक्तिको पक्षपाती हुनुहुन्न ।

• उहाँलाई सबै कुरा थाहा छ – भुत, वर्तमान र भविष्य – सुरुदेखिनै ।

• स्वर्गमा रहनुहुने पिता हामी सबै भन्दा धेरै ज्ञानी हुनुहुन्छ ।

• पितासँग सबै शक्ति छ र आफ्नो मनमा लागेका सबै गर्नुहुन्छ ।

दाजुभाई तथा दिदीबहिनीहरु, हामीले पितालाई विश्वास गर्न र उहाँमा भर पर्न सक्छौँ । उहाँसँग अनन्त दृष्टिकोण भएकाले, स्वर्गमा रहनुहुने पिता हामीले नदेखेका कुराहरु देख्नुहुन्छ । उहाँको खुसी, कार्य र महिमा अमरत्व र मुक्ति ल्याउने हो । उहाँले गर्ने सबै कुरा हाम्रो फाइदाका लागि हो । उहाँले “ हामीले भन्दा बढी हाम्रो अनन्त खुसि चाहनुहुन्छ।” र उहाँले हाम्रो वा हामीले माया गर्नेहरुको फाइदाका लागि नितान्त आवस्यक भन्दा एक क्षणपनि हामीलाई समस्या अनुभव गर्न दिनुहुन्न । फलस्वरूप, उहाँले हाम्रो ठिकबेठिक खोज्ने र निन्दा नगरी हाम्रो प्रगतिमा ध्यान केन्द्रित गर्नुहुन्छ ।

परमेश्वरका आत्मिक छोराहरु र छोरीहरुका रुपमा, हामी हरेकमा पिता जस्तै बन्ने क्षमता छ । त्यसो गर्न हामीले पुत्रको नाममा पिताको आराधना गर्नुपर्छ । पिताको इच्छा प्रति आज्ञाकारी हुन प्रयास गरेर, जसरी मुक्तिदाता हुनुहुन्थ्यो, र निरन्तर रुपमा पश्चताप गरि हामीले यसो गर्छौँ । जब हामी यी कुराहरु गर्छौँ, हामीले “करुणा माथी करुणा” प्राप्त गर्छौ तबसम्म जबसम्म हामीले पिताको पूर्णता प्राप्त गर्दैनौँ र उहाँका “चरित्र, सतगुणहरु र विशेषताहरुले अशिषित नगरिए सम्म ।”

मरणशील प्राणीका रुपमा हामी जे छौँ र स्वोर्गका पिता जे हुनुभएको छ र त्यो दुरी हेर्दा, यो आश्चर्यको कुरा हैन कि केहिले पिता जस्तै बन्नु असम्भव महसुस गर्छन् । तथापी, धर्मशास्त्रहरु स्पस्ट छन् । यदी हामीले ख्रिष्टप्रतिको आस्थामा अडीक भएमा, पश्चताप गरेमा र आज्ञाकारिताद्वारा परमेश्वरको करुणाको खोजि गरेमा, अन्ततः हामी पिता जस्तै हुनेछौँ । म यो सत्यमा धेरै विवस्त छु कि जो आज्ञाकारी हुन प्रयास गर्नेले “करुणा माथि करुणा प्राप्त”गर्नेछन् र अन्ततः “उहाँको पूर्णता प्राप्तगर्नेछन् ।” अर्को शब्दमा हामी आफैले पिता जस्तो बन्न सक्दैनौं । बरु यो करुणाको उपहारद्वारा आउँछ, केहि ठूलो तर प्रायजसो साना जुन हामीले पूर्णता नपाउन्जेल एकअर्कामा थपिन्छ । तर यो आउँछ !

म तपाईंहरूलाई तपाईंलाई कसरी उन्नयन गराउने, कसरी समर्थन प्रदान गराउने; र तपाईंले परमेश्वरको प्रेमको अनुभूति गर्न नसक्दा पनि ख्रीष्टको आस्थामा कसरी अगाडि बढाउने भनेर स्वर्गमा रहनुहुने पितालाई थाहा छ भनेर विश्वास गर्न आमन्त्रण गर्दछु।

पिता जस्तै बन्ने बारेमा हामीलाई धेरै कुरा थाहा छैन । तर म निश्चितताका साथ गवाही दिन सक्छु कि पिता जस्तै बन्ने प्रयासको हरेक त्याग मुल्यवान छ। हामीले यो जीवनमा गर्ने त्यागहरु जति ठुलो भएतापनि हामीले परमेश्वरको उपस्थितिमा महसुस गर्ने अथाह हर्ष, खुसियाली र मायासँग तुलना गर्नै सकिदैन । तपाइलाई गर्न भनिएका त्यागहरु मुल्यवान छन् भन्ने कुरा तपाइलाई विश्वास गर्न गाह्रो भैरहेकोछ भने, मुक्तिदाताले तपाईलाई यसो भन्नुहुन्छ, “तिमीहरुलाई अझै थाहा छैन कि पिताले कति महान आशिषहरु तिमिहरुका लागि तयार गर्नुभएको छ; तपाइले अहिले सबै कुरा सहन सक्नुहुन्न; तथापी, खुसी रहनुहोस्, किनभने म तिमीहरुलाई निर्देशन गर्नेछु ।”

म गवाही दिन्छ कि तपाइका स्वोर्गका पिताले तपाइलाई माया गर्नुहुन्छ र तपाई फेरी उहाँसँग बसोस भन्ने चाहनुहुन्छ । येशू ख्रिष्टका नाममा, आमिन ।