2010–2019
Pahpah Se
Ohktohpa 2018
10:18

Pahpah se

Sel Brian K. Ashton

Mwet in Kahsruh Ahkluo ke Prestuhnsi Luhlahp luhn Sacnri Skul

Kais sie sesr oasr kuh la in eklac oacna Pahpah. In oruh ohinge, kuht enenuh in alu nuh sin Pahpah ke inen Wen.

Ke moul lal nohfohn, muhtwacn kiyuck, Melinda, el srihke ke insiyacl nohfohn in sie mwet tuhma lutlut luhlahlfongi luhn Jisus Kraist. Ohinge, muhtwacwackiyacn fuhsr lal, el puhla tiac wo ke luhngse ac mwe insewowo luhn Pahpah Lucng mweyen el tiac kahlwem ke ohiyac Lal. Wo ohiyac, Melinda el kalweni na in sruokyac masap finne ke suhpwacr el puhla. Yac ekahsr somlah ah, oasr puhlah na wo ma kahsrwel wo in etuh ke ohiyac luhn God, wi luhngse Lal nuh sin tuhlihk Nahtuhl ac srui Lal ke kuhiyacsr finne tiac na arlac wo in oruh orekma Lal.

El ahkuhtweyac lah ma se inge ahkkweyacl fuhkah: “Nga ingena puhla na pwacye lah plwacn luhn Pahpah el orekma, lah El sifacna kahsruh ke kapwack lasr, ac lah El acse nuh sesr ke mwe luti ac srihkasrak kuht enenuh in fohlohk in fohlohk nuh Yohrohl. Nga liyeyuc sifacna ac mwet sahyac yohk oacna God el liye kuht. Nga kuh in pahpah ninac, luti, ac kuhlwacnsap ke luhngse yohk, ac srihklac sahngweng. Nga puhlah mihs ac fal sahyacn na suhpwacr ac tiac sef. Sahyacn puhla nuhnuhnkweyuck, Nga puhla karihngihnyuck. Luhlahlfongi luhk el kahlwemi na upac. Nga puhla luhngse luhn Pahpah yohkwaclihk ac loalacna.”1

Eis: “sie nuhnak pwacye ke ohiyac, ma wolacna, ac kuh luhn [Pahpah Lucng]” el yohk srihpac in srihke luhlahlfongi fal in eis kampare.2 Sie etuh pwacye ke ohiyac luhn Pahpah Lucng kuh in ekuhlah ma kuht liye kacsr ac mwet sahyac ac kahsrwe kuht in etuh luhngse yohk luhn God nuh sin tuhlihk Nahtuhl ac kena yohk Lal in kahsrwe kuht in eklac oacna El. Sie nuhnak tiac pwacye ke ohiyac lal kuh in oruh oacna in kuht koflah in fohlohk nuh Yohrohl.

Mwe finsrak luhk mihsenge pa in luti ma yohk srihpac ke point luhn ma suhmuhslah ke Pahpah ma fah lwelah nuh sin kais sie sesr, tuh yohk srihpac nuh sin el suc nuhnkuh lah oacna God el luhngse elos, in etuh na pwacye ohiyac pwacye Lal ac in srihke ke luhlahlfongi yohk in El, Wen Nahtuhl, ac plwacn Lal nuh sesr.

Moul in Nguhn

Ke facl sin nguhn, kuht isuslac oacna nguhn nuh sin Pahpah Ninac Inkuhsrao ac muhta Yohrohlos oacna sie sucu.3 Elos etwekuht, luti kuht, ac luhngse kuht.4 Kuht ke na pwacye in oacna Pahpah Lucng. Ne ohinge, in oruh, kuht ac enenuh in:

  1. Eis ahkfuhlwact, moul in nguhn, ac mahno;5

  2. Macruhtlac ac oraclah sucu ke kuh luhn seal luhn pristut;6 ac

  3. Eis kwewa etuh, kuh, ac ohiyac wolacna.7

Ke srihpen kuht enenuh in oruh ma inge kwewa, Pahpah el orwaclah plwacn se ma lwelah nuh sesr fin ohiyac fal,8 in eis mahno ma kuh in eis nguhn ac ahkfuhlwact ke Sifil Fohlohk; macruht ac akiyac sucu ke moul ma pahtpaht kuh, mwet luhlahlfongi suc ma tiac oasr pacl wo se inge la, tukun moul in ikoac;9 kihluck nuh ke suwohswohs; ac sana fohlohk nuh yurin Pahpah Ninac Inkuhsrao ac muhta Yohrohlos ac sucu lasr ke kampare ac engan wacngihn sahflahiyac.10

Ma suhmuhslah se inge pahngpahng plwacn in mowelah.11 Kuht tarilac ke plwacn se inge lah ke utuckuh nuh sesr, kuht kahskahs ke engan.12 Kais sie sesr lwelah ke ohiyac luhn plwacn sacn, wi puhla ac mwe srihkasrak ke moul in ikoac ma fah kahsrwekuht ahkkapye ohiyac wolacna.13

Moul in Ikoac

Ke pacl luhn moul in ikoac, Pahpah Lucng el use nuh sesr ma kuht enenuh in orwaclah ke plwacn Lal. Pahpah el orwaclah Jisus Kraist in luhmahl,14 ac sang nuh Sel kahsruh wolacna in ahksahfye orekma in mahno Lal. Pahpah Lucng el fah oacyacpac kahsruh kais sie sesr fin kuht ac kampare in liyacacng masap Lal.15 Pahpah el use nuh sesr kuh.16 Ac moul lasr an in Pahol, ac “lwen lasr etweyuck” ac tiac puhs.”17 Ac El ahkkahlwemye lah tok ma nuh kwewa orekma nuh ke ma wo nuh selos suc luhngse El.18

Pahpah Lucng pa use nuh sesr mongo nwacsr lwen nuhkwewa,19 suc oasr kwewa mongo kuht kang ac fokoko kuht enenuh in sruokyac masap nuhkwewa.20 Pahpah el use nuh sesr mwe sang.21 El lohng ac topuk pruhe lasr.22 Pahpah Lucng El kol kuht lac liki ma koluk ke kuht lwelah Nuhsel uh.23 El kahsrwe kuht ke kuht kweok.24 Ne ohinge, mwe kihte wo nuhkwewa lasr tuhkuh sin Pahpah.25

Pahpah Lucng El kol kuht ac use mwe srihkasrak kuht enenuh fal nuhke kuh, muhnahs, ac sulwaclah lasr tuh kuht in kuh in isus fahko wo.26 Pahpah el kai kuht ke pacl enenuh mweyen El luhngse kuht.27 El sie “Mwet in Kahsruh,”28 suc ac fah use kahsruh nuh sesr fin kuht siyuck.29

Pahpah Lucng pa suhpwacma kwewana kuh ac mwe sang luhn Nguhn Muhtahl nuh ke moul lasr.30 Ke mwe sang luhn Nguhn Muhtahl, kaksak—kuh lahlmwetmwet, kahlwem, ac kuh—luhn Pahpah kuh in muhta in kuht.31 Fin kuht ac kampare in ahkkapye ke kahlwem ac pwacye neke muhtahsr liye mwe kaksak luhn God, Pahpah Lucng el fah suhpwacma Olwelah luhn Nguhn Muhtahl sealikuhti nuh ke moul ma pahtpaht ac ahkkahlwemye Muhtahl nuh sesr—oacna sie ke moul se inge kuh tok uh.32

Moul tukun Misac

Ke moul ke facl sin Nguhn, Pahpah Lucng El muhtwacwacack in sang Nguhn Muhtahl ac suhpwaclah misineri nuh selos suc enenuh wosasuc. El topuk pruhe ac kahsrwelos suc srihklac eisyacn akwuck in molwelah uh.33

Pahpah el ahkmoulyelwack Jisus Kraist ac sang kuh nuh Sel in kuhtanglah misac,34 suc pa ohiyac se ma kuht eis mahno kaul uh. Molwelah ac Sifil moulyak luhn Mwet Lahngo fohlohkihnkuhtme nuh yurin Pahpah, acn suc kuht ac fah nuhnuhnkweyuck sin Jisus Kraist we.35

Elos suc luhlahlfongi ke “ohiyac wo, ac pahkotwen, ac luhng kuhlwacng luhn Nguhn luhn Messiah”36 fah eis ahkfuhlwact luhn mahno oacna Pahpah37 ac muhta Yohrohl “ke acn engan wacngihn sahflahiyac.”38 We, Pahpah El fah elac sronin muhtahsr39 ac kahsrwe kuht in muhtwacwacack ke fuhfahsryucsr lasr in tuhkuh oacna El.

Kahlwem lah, Pahpah Lucng el oasr pacl nuhkwewa in kahsrwe kuht.40

ohiyac luhn Pahpah Lucng

In tuhkuh oacna Pahpah, kuht enenuh in ahkkapye akucl ke ohiyac Lal. Ma wo ac kuh luhn Pahpah Lucng ac oasr ma inge kac:

  • Pahpah el “Wacngihn sahflahiyac ac Ma pahtpaht.”41

  • El wo, kuhlwacng, pahkotwen, tiac sa in malat, ac kena ma wo muhkwena nuh sesr.42

  • Pahpah Lucng el Luhngse.43

  • El sruokyac olwelah lal.44

  • El tiacna ekyek.45

  • El tiac na kikiacp.46

  • God El tiac oru mwet nukewa oana sie.47

  • El etuh ma nuh kwewa—ma somlah, ingena, ac pacl fahsruh—ekenamuhtwacwackiyac ah.48

  • Pahpah Lucng el lahlmwetmwet49 yohk liki kuht nohfohn.50

  • Oasr sin Pahpah kuh nuhkwewa51 ac oruh kwewa ma El kuh in sang nuh insiyacl in oruh.52

Tamuhlwel ac tahmtahel, kuht kuh in luhlahlfongi kac ac luhlahlfongi Pahpah. Mweyen oasr ohiyac wo ma pahtpaht lal, Pahpah Lucng el kuh in liye ma kuht tiac kuh. Engan orekma, ac kaksaklal pa in acse in pahselah moul in nguhn ac kampare.53 Ma nuh kwewa El oruh ma nuh ke ma wo lasr. El “kena engan ma pahtpaht[lasr] yohk liki na ma [kuht] oruh.”54 Ac El “fah tiac lwelah nuh [sesr] in puhla sie puhluhn pacl upac liki na in enenwe [kuht] na pwacye kuh ke elos [kuht] luhngse.”55 Ke ma sikyak an, El lohacng in kahsrwe kuht in kihluckyak, tiac nuhnuhnkuh ac ahkkolukye kuht.56

Eklac Oacna Pahpah Tuhmasr

Oacna tuhlihk mukul ac muhtwacn nguhn nuhtin God kais sie sesr oasr kuh la in eklac oacna Pahpah. In oruh kac kuht enenuh in ahkfuhlwactye Pahpah ke inen Wen.57 Kuht oruh ma inge ke kampare in ahkos tuh luhngse luhn Pahpah oacna Mwet Lahngo,58 ac kalweni in auliyak.59 Ke kuht oruh ma inge, kuht “eis kuhlwacng nuh ke kuhlwacng ” ne ke kuht eis ma fohnlah60 luhn Pahpah ac ahkkweyeyuck ke “ohiyac, wo, ac kuh lal.”61

Nuhnkuh ke ma tena oacna sie inmahsrlosr ke moul in mahno ac Pahpah Lucng el fuhkah, tiac mwe lut se lah kuhtuh puhla ke eklac oacna Pahpah el tiac fihsrwacsr. Ne ohinge, ma suhmuhslah el kahlwem. Fin kuht fungyang na nuh ke luhlahlfongi ke Kraist, auliyak, ac suk kuhlwacng luhn God ke ahkos, tok kuht fah tuhkuh oacna Pahpah. Nga eis moniyuck wo ke ma pwacye ma elos suc kampare in ahkos fah “eiskuhlwacng nuh ke kuhlwacng” ac sana “eis fohnlah lal uh.”62 Ke kahs sahyac an, kuht tiac kuh in eklac oacna Pahpah ke kuh lom sifacna.63 Tuhsruhk, ac fah tuhkuh ke mwe sang luhn kuhlwacng, kuhtuh yohk tuh inkaiyac an srihk, ma muhsaheack kais sie mwet nekena kuht eis fohnlah kac uh. Tuhsruhk, tamuhlwel ac tahmtahel, ac fah tuhkuh!

Nga suli kom in luhlahlfongi lah Pahpah Lucng el etuh lah ac kihluckihn kom fuhkah, suk ahkkweye ke kahsruh lwen nuh kwewa Lal ac ahkwot nuh met ke luhlahlfongi ke Kraist finne ke pacl kom tiac kuh in puhla luhngse luhn God.

Puhs ma kuht tiac kahlwem ke in eklac oacna Pahpah uh.64 Tuh nga kuh in fahkwack ke kahlwem lah kampare in tuhkuh oacna Pahpah el oasr srihpac ke kihsac nuh kwewa. 65 Kihsac kuht oruh ke moul in mahno inge, finne fuhkah wo kac, el tiacna kuh in luhmweyuck nuh ke engan, pwacr, ac luhngse kuht fah puhla yurin God uh.66 Fin kom puhla elyah in puhla ma wo ke kihsaclah kom siyuck in oruh uh, Mwet Lahngo Elac pahngon kom, fahk, “Elos suc soenna etuh lah fuhkah woiyacn mwe insewowo Pahpah el…ahkolah nuh sum…elos tiac kuh in eis mwe insewowo nuh kwewa ingena; tuh, engan, ke Nga fah kol kowos.”67

Nga fahkwack lah Pahpah Lucng tomom El luhngse kom ac kena kom in sifil moul Yohrohl. Ke inen Jisus Kraist, amen

Mwe Kahsruh

  1. Mwe kahsruh in ma luhn mwet suhmuhslah; liye pac D. Melinda Ashton, “The Holy Ghost: Direction, Correction, and Warning” (Brigham Young University Women’s Conference, Apr. 28, 2016), byutv.org.

  2. Lectures on Faith (1985), 38.

  3. See “The Family: A Proclamation to the World,” Liahona, May 2017, 145; “Mother in Heaven,” Gospel Topics, topics.lds.org.

  4. Mwet Pahluh Paul el ahkkahlwemye lah kuht etuh Pahpah wo lah moul lasr kena in pahng lolAbba, suc kalmac pa “Papa,” kalmac se ma akiyucki luhn Pahpah nuh selos suc yohk akihlenyac kacl.(liyeRomans 8:15).

  5. Liye Doctrine and Covenants 130:22.

  6. Liye Doctrine and Covenants 132:19–20.

  7. Liye Matthew 5:48; liye pac 2 Peter 1:3–8.

  8. Ohiyac inge oasr ke karihngihnyacnacn yohk lasr (liye Abraham 3:26) ac na ke orekmakihn luhlahlfongi ke moul in mahno ke Jisus Kraist ac Iwaclah Lal, auliyak, pacptaislac ke tili otyak sin elos suc sruok kuh luhn God ke pristut, eis nguhn luhn Nguhn Muhtahl, ac kampare nuh ke sahflah (liye 3 Nephi 27:16–20).

  9. Prestuhn Dallin  H. Oaks el luti: “Kuhtuh selos suc lohng pweng se inge fah fahk, ‘Ac nga?’ Kuht etuh lah mwet nwacsnwacs puhs ac kahto luhn Mwet Luhlahlfongi ke Lwen-Sahflah soenna sun ma wo ac ma enenweyuck nuh ke kihluckyak lalos. Mwet soenna pahyuck, tuhlihk srihsrihk, mwet misac, ac mwet fahsrwelihk kosrwaclah luhlahlfongi ac fosyackuhnlah fohnlah ke olwelah luhn mwe insewowo. … Tuh kosrwaclah se inge tiac na ma ne tok. Leum el olwelah lah ke sahflahiyac wacngihn mwe insewowo fah srwelah wen ac acn nahtuhl suc sruokyac ma sap, ma pwacye nuh ke olwelah lalos, ac kena in oruh ma pwacye” (“The Great Plan of Happiness,”Ensign, Nov. 1993, 75).

  10. Liye Mosiah 2:41.

  11. Liye Alma 42:5; el oacyacpac pahngpahng plwacn luhn molwelah(liye ke mwe srihkasrak, Jacob 6:8) ac plwacn luhn engan (liye Alma 42:8, 16).

  12. Liye Job 38:4–7.

  13. Liye, mwe srihkasrak, Hebrews 5:8; 12:11; Ether 12:27. Ke ma srihsrihk ke kuhtuh mwe srihke kuht puhlakihn in mahno fah oacna in srihklac etuh lasr kac lah elos fah kosrwekuhtlac liki in eis kuhtuh mwe insewowo ke finsrak yohk lasr. Tuh, ma inge oacna in ma upac nuh sin kais sie sahyac, God El fah acse nuh sesr kwewa mwe insewowo luhn olwelah fin kuht akwucki na in luhlahlfongi.

  14. Liye Luke 1:31–35; John 1:14; 1 Nephi 11:18–21; Guide to the Scriptures, “Jesus Christ,” scriptures.lds.org.

  15. LiyeDoctrine and Covenants 93:4–5, 16–17, 19–20.

  16. Liye Moses 7:32.

  17. Liye Doctrine and Covenants 122:9.

  18. Liye Romans 8:28.

  19. Liye Matthew 6:11.

  20. Liye N. Eldon Tanner, “The Importance of Prayer,” Ensign, May 1974, 50–53.

  21. LiyeLuke 11:10–13; James 1:17.

  22. Liye Luke 11:5–10; Joseph Smith Translation, Luke 11:5–6 (in Luke 11:5, footnote a); 3 Nephi 13:6.

  23. Liye Matthew 6:13.

  24. Liye Moses 7:31–40.

  25. Liye James 1:17.

  26. Liye John 15:1–2; Doctrine and Covenants 122:6–7.

  27. Liye Hebrews 12:5–11; Doctrine and Covenants 95:1.

  28. Moses 7:35.

  29. Liye Alma 37:12, 37.

  30. Liye John 14:26; 2 Nephi 31:12.

  31. Liye John 17:21–23, 26; Doctrine and Covenants 93:36.

  32. Liye Doctrine and Covenants 76:53; 88:67–68.

  33. Liye1 Peter 4:6. Elder Melvin J. Ballard, el sruhmuhn lah efuh mwet se el pacptaiselah welah Alu, fahk, “Oreklac kahlwem nuh sihk lah mwet mahtuh lasr ke facl luhn nguhn lwelah Wosasuc ke yac somlah ah ac pruhe tuh kuhtuh sin mempucr ke sucu fin facluh fah oruh akwuck aholuhlos, ac pruhe lalos ahkfahsryeyuck ac Leum el kol misineri nuh ke sruhngucl luhn mwet se inge” (ke Melvin R. Ballard, Melvin J. Ballard, Crusader for Righteousness [1966], 250).

  34. Liye Mormon 7:5–6; liye pac John 5:21, 26; 1 Corinth 6:14; 2 Nephi 9:11–12; Alma 40:2–3; 3 Nephi 27:14.

  35. Liye John 5:22; Jacob 6:9; Alma 11:44; Helaman 14:15–18. Iwaclah luhn Kraist kuhtanglah kwewa ke puhtatlac lal Adam, kwewana ke ma luhn moul in mahno ac moul in nguhn, suc kwewana enenuh in kuhtanglah in lwelah nuh sesr in fohlohk nuh ye muhtuhn Pahpah Lucng. Tuh, el sucu auliyak ke ma koluk lalos fah muhta yurin Pahpah ac Wen ma pahtpaht. Tuh, elos suc tiac auliyak fah kweok ke misac ahkluo, suc utuckuh ke ma koluk lalos sifacna (liye Helaman 14:15–18).

  36. 2 Nephi 2:8.

  37. Liye Doctrine and Covenants 76:56; 88:28–29.

  38. Mosiah 2:41.

  39. Liye Fwackyuck 7:17.

  40. Liye Moses 7:30. Pahpah Lucng el kalweni in karihngihn ac sang nuh selos ke tohkohsrahi luhn terrestrial ke kuhlwacnsap luhn Jisus Kraist ac moul sahyac luhn celestial (liye Doctrine and Covenants 76:77, 87) ac elos ke tohkohsrahi luhn telestial ke kahsruh luhn Nguhn Muhtahl ac lihpufacn (liye Doctrine and Covenants 76:86, 88).

  41. Moses 7:35; liye pac Psalm 90:2.

  42. Liye Psalm 103:6–8; Luke 6:36; Moses 7:30.

  43. Liye 1 John 4:16.

  44. Liye Doctrine and Covenants 84:40.

  45. Liye James 1:17.

  46. Liye Oekyuck 23:19.

  47. Liye Orekma 10:34–35.

  48. Liye 1 Nephi 9:6; Doctrine and Covenants 130:7.

  49. Dictionary.com fahk kalmacn intelligence oacna “kuhiyac in lotwelah, nuhnkuh, etuh, ac oacna kain nuh ke etuh orekma in nuhnak; sana in sruokyac ma, kuhpahsr, ma pwacye, kalmac, ma sahyac.” ac “kahlwem.”

  50. Liye Abraham 3:19. Jisus Kraist el ahkfuhlwact, mwet wo se oacyacpac enenuh lahlmwetmwet yohk liki kwewa.

  51. Liye Revelation 21:22.

  52. Liye Abraham 3:17.

  53. Liye Moses 1:39.

  54. Richard G. Scott, “Trust in the Lord,” Ensign, Nov. 1995, 17.

  55. Richard G. Scott, “Trust in the Lord,” 17.

  56. Liye John 5:22; Moses 1:39. Satan ac kuht sifacna pa ahkfohkfohkyekuht uh (liye Fwackyuck 12:10; Alma 12:14).

  57. Liye John 4:23; Doctrine and Covenants 18:40; 20:29.

  58. Liye 3 Nephi 11:11; Doctrine and Covenants 93:11–19.

  59. Auliyak pa ohiyac kuht kuh in eklac ohiyacsr kuht in muh kuh in oruh oacna God. Na, kuht enenuh in auliyak ke pacl nuhkwewa, tiacna auliyak ke pacl “kuht oruh ma koluk” muhkwena.

  60. Liye Doctrine and Covenants 93:19–20.

  61. Lectures on Faith, 38; liye pac Moroni 7:48; 10:32–33; Doctrine and Covenants 76:56, 94–95; 84:33–38.

  62. Doctrine and Covenants 93:20; ma yohk srihpac weacng.

  63. Liye Moroni 10:32–33; Doctrine and Covenants 76:69, 94–95.

  64. Efuh tiac kuh kuh God el koflah ahkkahlwemye ma yohk in orek in tuhkuh oacna El? Nga tiacna etuh na pwacye ke srihpac kwewa kac. Tuh oasr ma luo ma nga etuh. Ma se met pa kuhtuh ma uh tena arlacna kuh in ahkuhtweyucki ke facl in mahno lasr (liye Doctrine and Covenants 78:17). Fah kuh in kuhpahsriyuck in srihke ahkuhtweyac ke internet nuh sin mwet sahyac suc muhta ke Middle Ages. Kahsruh ac nuhnak kac tiac na oasr we. Ac ma se ahkluo an pa mwe sang ke kuhlwacng kwacna tuhkuh nuh sesr kahlwem mweyen kuht enenuh in kweok ac elyah ke tiac etuh.

  65. Kihsac se kuh siyuck in oruh fah yohk srihpac in orwaclah ma wo (liye Joseph Smith Translation, Hebrews 11:40 [in Hebrews 11:40, footnote  a]).

  66. Liye Romans 8:18.

  67. Liye Doctrine and Covenants 78:17–18.