როგორ გვეხმარება სულიწმინდა?

როგორც გიჩვენეთ ჩემი ბავშვობის მაგალითზე, სულიწმინდა წინასწარ გაფრთხილებთ ფიზიკური ან სულიერი საფრთხის შესახებ. მე კვლავ ვისწავლე სულიწმინდის მნიშვნელოვანი გამაფრთხილებელი როლის შესახებ, როცა იაპონიაში, ოლქის პრეზიდენტობაში, ვმსახურობდი.

იმ დროს მე იაპონიის სენდაის მისიის პრეზიდენტთან ერთად ვმუშაობდი. ერთხელ, პრეზიდენტმა ტატეოკამ დაგეგმა მისიის სამხრეთი ნაწილის მისიონერთა ლიდერების შეხვედრა. ეს მისიის განრიგის ჩვეულებრივი ნაწილი იყო. შეხვედრამდე რამდენიმე დღის წინ პრეზიდენტ ტატეოკას გულში დაეუფლა გრძნობა, რომ იმის ნაცვლად, რომ დაეპატიჯებინა გარკვეული მცირე რაოდენობის დები და უხუცესები, მოეწვია ხელმძღვანელობის შეკრებაზე ყველა მისიონერი იმ ოლქიდან.

როცა მან თავისი გადაწყეტილება გაახმოვანა, მას შეახსენეს, რომ ეს შეხვედრა იყო განკუთვნილი მხოლოდ მისიის ლიდერებისთვის და არა ყველა მისიონერისთვის. მიუხედავად ამისა, მან არჩია, ემოქმედა არა გეგმის მიხედვით, არამედ, მიღებული შთაგონებით და დაეპატიჟებინა შეხვედრაზე ყველა მისიომერი, რომელიც რამდენიმე სანაპირო ქალაქში მსახურობდა, ფუკუსიმას ჩათვლით. დანიშნულ დღეს, 2011 წ. 11 მარტს, მისიონერები ერთად შეიკრიბნენ გაფართოებულ მისიონერულ შეხვედრაზე ზღვიდან მოშორებულ ქ.კორიამაში.

ამ შეხვედრის დროს, იაპონიის სენდაის მისიის რეგიონს 9 ბალიანი მიწისძვრა და ცუნამი დაატყდა თავს. სამწუხაროდ, მრავალი სანაპირო ქალაქი, მათ ჩათვლით, საიდანაც ეს მისიონერები მოკრიბეს, ტრაგედიის მსხვერპლი გახდა. ქ. ფუკუსიმა კი შემდგომში რადიაციის მსხვერპლად იქცა.

მიუხედავად იმისა, რომ სამლოცველო, სადაც იმ დღეს მისიონერები იმყოფებოდნენ, მიწისძვრის შედეგად დაზიანდა, სულიწმინდის კარნახის მეშვეობით პრეზიდენტი და და ტატეოკა, ასევე ყველა მისიონერი, უსაფრთხოდ იყვნენ. ისინი ცუნამისა და რადიაციისგან შორს იმყოფებოდნენ.

როცა გესმით სულიწმინდის კარნახი (ეს მეტ წილად ჩუმი და წყნარი შთაგონებაა) შესაძლოა თქვენგან გაუცნობიერებლად აგარიდონ სულიერი ან ფიზიკური საფრთხე.

დებო და ძმებო, სულიწმინდა დაგეხმარებათ გაფრთხლილების სახით, როგორც ეს მამაჩემისა და პრეზიდენტ ტატეოკას შემთხვევაში იყო.

პასუხად კითხვაზე „როგორ გვეხმარება სულიწმინდა“? მოდით გამოვიკვლიოთ მისი ნუგეშისმცემლის როლი. მოულოდნელი მოვლენები ჩვენს ცხოვრებაში ქმნიან სევდას, ტკივილსა და გულის ტკენას. თუმცა, ამ განცდების დროს სულიწმინდა გვემსახურება ერთ-ერთ თავის მნიშვნელოვან ნუგეშისმცემლის როლში, რომელიც ფაქტიურად მისი ერთ-ერთი სახელია. იესო ქრისტეს ეს მშვიდი, დამაჯერებელი სიტყვები აღწერს მის წმინდა როლს: „მე მამას შევევედრები და ის სხვა ნუგეშისმცემელს მოგივლენთ, რათა თქვენთან იყოს საუკუნოდ.“

იმისთვის, რომ ეს უფრო კარგად გაჩვენოთ, მე მოგიყვებით ერთი ოჯახის ამბავს. მათი ხუთი ვაჟიშვილი წლების წინ ლოს ანჯელესიდან, კალიფორნიდან, უფრო პატარა ადგილას გადავიდა საცხოვრებლად. ორი უფროსი ვაჟი მაღალ კლასებში სპორტზე შევიდა და დაიწყეს ურთიერთობა მეგობრებთან, ხელმძღვანელებთან და მწვრთნელებთან, რომლებიც მეტწილად ეკლესიის ერთგული წევრები იყვნენ. ამ ურთიერთობებმა უფროსი ვაჟი, ფერნანდო, და მისი უმცროსი ძმა ნათლობამდე მიიყვანეს.

მოგვიანებით ფერნანდომ სახლი დატოვა, გააგრძელა განათლება და კოლეჯში ფეხბურთს თამაშობდა. მან თავისი კლასელი, საყვარელი ბეილი, ტაძარში ცოლად შეირთო. როცა ფერნანდომ და ბეილიმ დაამთავრეს სწავლა, ისინი მოუთმენლად ელოდნენ პირველი შვილის გაჩენას - გოგონას. მაგრამ იმ დროს, როცა ოჯახის წევრები ეხმარებოდნენ ფერნანდოს და ბეილის სახლში დაბრუნებაში, ბეილი და მისი და საშინელი ავარიის მსხვერპლი გახდნენ. მათ ავტოსტრადაზე რამდენიმე მანქანა დაეჯახათ. ბეილი და მისი მუცლად მყოფი შვილი ამ ავარიაში დაიღუპნენ.

მიუხედავად იმისა, რაოდენ ღრმა იყო ფერნანდოსა და ბეილის მშობლების და დედმამიშვილების ტკივილი, მისი საპირისპირო გრძნობა - სიმშვიდე და ნუგეში თითქმის უმალვე დაეუფლა მათ. სულიწმინდა თავის ნუგეშისმცემლის როლში ჭეშმარიტად მხარს უჭერდა ფერნანდოს მის გაუგებარ ტანჯვაში. სულიწმინდამ გადასცა ფერნანდოს მუდმივი სიმშვიდე, რომელმაც განაწყო იგი პატიებისა და სიყვარულის ტალღაზე ყველას მიმართ, ვინც იმ ტრაგიკული ავარიის მონაწილე იყო.

ბეილის მშობლებმა დაურეკეს მის ძმას, რომელიც იმ ავარიის დროს მისიაში მსახურობდა. მან წერილში აღწერა თავისი გრძნობები, როცა საყვარელი დის შესახებ შეიტყო: „საკვირველი იყო თქვენი ჩუმი ხმების გაგონება ქარიშხლის შუაგულში. არ ვიცოდი, რა მეთქვა. … ერთადერთი, რაც ვიფიქრე, იყო ის, რომ სახლში დაბრუნებისას ჩემი და იქ არ დამხვდებოდა. … მე დამამშვიდა თქვენმა უდავო დამოწმებებმა მხსნელისა და მისი გეგმის შესახებ. იმავე ტკბილმა სულმა, რომელსაც ცრემლებამდე მივყავარ, როცა ვსწავლობ და ვასწავლი, გული ამივსო. ამის შემდეგ დავმშვიდდი და გავიხსენე ის, რაც ვიცოდი“.

სულიწმინდა დაგეხმარებათ იმით, რომ დაგამშვიდებთ, როგორც მან ეს ფერნანდოს და ბეილის ოჯახის შემთხვევაში მოახდინა.

სულიწმინდა ასევე მოწმობს მამისა და ძის და ყოველი ჭეშმარიტების შესახებ. უფალმა, თავის მოწაფეებს რომ ესაუბრებოდა, თქვა: „როცა მოვა ნუგეშისმცემელი, რომელსაც მე მოგივლენთ მამისგან …ის დაამოწმებს ჩემზე.“

იმისთვის, რომ ავხსნათ სულიწმინდის დამმოწმებლის მნიშვნელოვანი როლი, მე გავაგრძელებ ფერნადოსა და ბეილის ისტორიას. თუ გახსოვთ, გითხარით, რომ ფერნანდო და მისი ძმა მოინათლნენ, მაგრამ მისი მშობლები და სამი ახალგაზრდა ძმა არა. მიუხედავად უამრავი მოწვევებისა, ისინი წლების განმავლობაში უარს ამბობდნენ მისიონერებთან შეხვედრაზე.

ბეილისა და მისი არ დაბადებული შვილის მტკივნეული დანაკარგის გამო ფერნანდოს ოჯახი ნუგეშს ვერ პოულობდა. ფერნანდოსა და ბეილის ოჯახისგან განსხვავებით, მათ ვერ იპოვეს ვერც სიმშვიდე, ვერც ნუგეში. მათ არ ესმოდათ, როგორ შეეძლო მათ საკუთარ შვილს და ბეილის ოჯახს ამ მძიმე ტვირთის ტარება.

საბოლოო ჯამში მათ დაასკვნეს, რომ იყო ერთადერთი რამ, რაც ჰქონდა მათ ვაჟიშვილს და არ ჰქონდათ მათ - იესო ქრისტეს აღდგენილი სახარება და ეს უნდა ყოფილიყო მათი სიმშვიდისა და ნუგეშის წყარო. ამის გააზრების შემდეგ ოჯახმა მისიონერები მოიპატიჟა, რათა სახარება მოესმინათ. ამის შედეგად, მათ მიიღეს საკუთარი მოწმობა ბედნიერების დიდი გეგმის შესახებ, რამაც მათ სიმშვიდე და ნუგეში მოჰგვარათ, ის, რასაც ისინი ასე სასოწარკვეთილნი ეძიებდნენ.

ბეილისა და მისი არ დაბადებული შვილის დაკარგვის შემდეგ ფერნანდოს მშობლები და ორი უმცროსი ძმა მოინათლენენ, დამტკიცდნენ წევრად და მიიღეს სულიწმინდის ძღვენი. ფერნანდოს უმცროსი ძმა, მოუთმენლად ელის თავის ნათლობას რვა წლის ასაკში. ისინი ყველანი მოწმობენ, რომ სულიწმინდამ დაუმოწმა მათ სახარების ჭეშმარიტება და მიიყვანა ისინი ნათლობის სურვილამდე და სულიწმინდის მიღებამდე.

დებო და ძმებო, სულიწმინდა დაგეხმარებათ დამოწმებით, როგორც ეს ფერნანდოს ოჯახის შემთხვევაში მოხდა.