Shoko reMwedzi Woga Woga reFor the Strength of Youth (ZveRusimbiso rweVechidiki), Kurume 2026
Eksodo 16
Paseka Yedu—Sakaramende
Pane fanano pakati pePaseka yekare nesakaramende yedu yevhiki nevhiki.
Mufananidzo naAlyssa Tallent
VaIsraeri vekare vasati vakwanisa kubuda muutapwa hwavo muEgipita, vakakumbirwa kuti vateerere mirairidzo chaiyo yakabva kuna Ishe kuitira kuti ngirozi inoparadza isazovaparadze, kana kuti ivapfuure (ona Eksodo 12). Mushure mekunge vabuda muEgipita, vaIsraeri vaiita mabiko gore rega rega, aidaidzwa kunzi Paseka, kurangarira masununguriro akaita Ishe vanhu Vavo vechibvumirano.
Munguva yevhiki rekupedzisira reupenyu Hwake hwepanyika, Jesu Kristu aiva pakudya kwePaseka. Iyezvino tavakudaidza kudya ikoko kuti Chirairo Chokupedzisira. Muponesi akashandisa chiitiko ichocho kusuma chisungo chesakaramende, icho chatiri kutora chinhanho machiri vhiki roga roga. (Onawo Mateo 26:26–28; Ruka 22:19–20; Dzidziso neZvibvumirano 20:77, 79.)
Hedzino fanano mbiri dziri pakati pePaseka yekutanga, Chirairo Chokupedzisira chaIshe, nesakaramende yanhasi dzinokwanisa kutibatsira kurangarira rusunungurwo rwedu kuburikidza neMuponesi.
Chingwa
Paseka: Kwemazuva manomwe, vaIsraeri vakadya chingwa chisina mbiriso (icho zvose chinokurumidza kugadzirwa uye chisingaiti chakuvhe uyekuora nyore).
Chirairo Chokupedzisira: Jesu Kristu akaropafadza uye akamedura chingwa chisina mbiriso chePaseka, uye akachipa kuvadzidzi vake. Akavaudza kuti vadye mukurangarira muviri Wake, uyo waAiziva kuti waizotyorwa nenguva pfupi yaitevera uye waizofa asi waizomuka zvakare.
Sakaramende: Tinodya chingwa mukurangarira muviri waJesu Kristu.
Jesu Kristu ndiye Chingwa Choupenyu. Kuburikidza neKumuka Kwake Kuvakafa, tose tinozomutswa kuvakafa nemiviri yakarurama, isingaori, isingafi. Anotisunungura kubva kurufu.
Ropa reGwayana
Paseka: Gwayana rePaseka raiva gwayana gono risina vanga kana vara, rine gore rimwechete. Raiurayiwa, uye ropa rayo rounganidzwa mumbiya. Hisopi (chikwenzi) chainyikwa mumbiya uye chaishandiswa kuparadzira ropa richitenderedza gwatidziro resuwo rekunze remba. Ichi chaiva chiratidzo chekunze chairatidza vanhu vechibvurano vaIshe vaizopfuurwa nengirozi inoparadza kuitira kuti vasunungurwe kubva muuranda muEgipita.
Chirairo Chokupedzisira: Jesu Kristu akashandisa waini kumiririra ropa Rake. Akaudza vadzidzi Vake kuti vainwe mukurangarira ropa Rake, iro raizodururwa nokuda kwavo kuitira ruregerero rwezvivi uye sechikamu chechibvumirano chitsva.
Sakaramende: Tinonwa mvura mukurangarira ropa raJesu Kristu.
Jesu Kristu ndiye Gwayana raMwari. Ropa rake rakadeurwa paAkatambura nekuda kwezvivi zvedu uye urema hwedu. Ropa Rake—kuzvipira Kwake—zvinotichenesa. Anotisunungura kubva kuzvivi.
© 2025 neIntellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly For the Strength of Youth Message, March 2025. Shona. 19936 731