ကျွန်ုပ်တို့၏ပသခါပွဲ—ပွဲတော်မင်္ဂလာ

ပသခါပွဲ၊ ခုနစ်ရက်အကြာ၊ ဣ​သ​ရေ​လ​လူမျိုး​များသည် တ​ဆေး​မ​ပါ​သော​မုန့်ကို စားခဲ့ကြပါသည် (၎င်းသည် ပြုလုပ်ရန်မြန်ဆန်ပြီး ပုပ်ပျက်ဆွေးမြေ့မှုလည်း နည်းပါးပါသည်)။

နောက်ဆုံးညစာစားပွဲ၊ ယေရှုခရစ်တော်သည် ပသခါပွဲ၏တ​ဆေး​မ​ပါ​သော​မုန့်ကို ကောင်းချီးပေးပြီးချိုးဖဲ့ခဲ့ပါသည်၊ ပြီးနောက် သူသည် တပည့်တော်များကို ပေးခဲ့ပါသည်။ ကိုယ်တော်က သူ၏ကိုယ်ခန္ဓာကို အောက်​မေ့​ဖို့​ရာ ၎င်းကိုသုံးဆောင်ရန် သူတို့ကိုမိန့်တော်မူခဲ့ပါသည်။ သူ၏ကိုယ်ခန္ဓာသည် မကြာမီ ချိုးဖဲ့ခံရပြီး သေဆုံးလိမ့်မည်၊ သို့သော် တဖန်ထမြောက်တော်မူမည်ကို ကိုယ်တော်သိတော်မူခဲ့ပါသည်။

ပွဲတော်မင်္ဂလာ၊ ကျွန်တော်တို့သည် ယေရှုခရစ်တော်၏ကိုယ်ခန္ဓာကို အောက်​မေ့​ဖို့​ရာ မုန့်ကိုသုံးဆောင်ကြပါသည်။

ယေရှုခရစ်တော်သည် အ​သက်​မုန့်​ဖြစ်ပါသည်။ ကိုယ်တော်၏ရှင်ပြန်ထမြောက်ခြင်းအားဖြင့်၊ ကျွန်တော်တို့အားလုံး စုံလင်သော၊ မပျက်စီးနိုင်သော၊ သေခြင်းမရှိသောကိုယ်ခန္ဓာများဖြင့် ထမြောက်ကြမည်ဖြစ်ပါသည်။ ကိုယ်တော်သည် ကျွန်တော်တို့ကို သေခြင်းမှကယ်လွှတ်တော်မူပါသည်။

ပသခါပွဲ၊ ပသခါသိုးသငယ်သည် အ​ပြစ်​မ​ပါ၊ အ​ခါ​လည်​သော သိုး​ထီး​ဖြစ်​ခဲ့ပါသည်။ ၎င်းကိုသတ်ပြီး၊ ၎င်း၏အသွေးကို ခွက်တစ်ခုထဲတွင် စုဆောင်းခဲ့ပါသည်။ ဟုဿုပ်​ပင်​ညွန့်​ (ဆေးဖက်ဝင် အပင်တစ်မျိုး)ကို ခွက်ထဲ​နှစ်​ပြီး​လျှင်၊ အိမ်၏အပြင်ဘက်တံ​ခါး​ဘောင်​တစ်ဝိုက်တွင် အသွေးကို သုတ်​လိမ်းရန် အသုံးပြုခဲ့ကြ​ပါသည်။ ဤသည်မှာ ဖျက်​ဆီး​သော​တမန်သည် ကိုယ်တော်ရှင်၏ပဋိညာဉ်ခံလူများအား လွန်သွားဖို့ ခွဲခြားရန်အတွက် အပြင်ပန်းသင်္ကေတဖြစ်ပါသည်။ ထိုမှသာ သူတို့ကို အဲ​ဂု​တ္တု​ပြည်တွင် ကျွန်ခံခြင်းမှ ကယ်လွှတ်နိုင်မည်ဖြစ်ပါသည်။

နောက်ဆုံးညစာစားပွဲ၊ ယေရှုခရစ်တော်သည် သူ၏အသွေးတော်ကို ကိုယ်စားပြုရန် စပျစ်ရည်ကိုအသုံးပြုခဲ့ပါသည်။ ကိုယ်တော်က သူ၏အသွေးတော်ကို အောက်မေ့ဖို့ရာ ၎င်းကိုသောက်သုံးရန် သူ၏တပည့်တော်များကို မိန့်တော်မူခဲ့ပါသည်။ ထိုအသွေးတော်ကို အပြစ်များမှလွှတ်ခြင်းအတွက်နှင့် ပဋိညာဉ်သစ်၏တစ်စိတ်တစ်ပိုင်းအဖြစ် သူတို့အတွက် သွန်းတော်မူမည် ဖြစ်ပါသည်။

ပွဲတော်မင်္ဂလာ၊ ကျွန်တော်တို့သည် ယေရှုခရစ်တော်၏အသွေးတော်ကို အောက်မေ့ဖို့ရာ ရေကိုသောက်သုံးကြပါသည်။

ယေရှုခရစ်တော်သည် ဘုရားသခင်၏သိုးသငယ်ဖြစ်ပါသည်။ ကျွန်တော်တို့၏အပြစ်များနှင့် အားနည်းချက်များအတွက် ကိုယ်တော်သည် ဒုက္ခဝေဒနာခံစားခဲ့စဉ် သူ၏အသွေးတော်ကို သွန်းခဲ့ပါသည်။ သူ၏အသွေးတော်—သူ၏စွန့်လွှတ်မှု—သည် ကျွန်တော်တို့ကို သန့်စင်စေပါသည်။ သူသည် ကျွန်တော်တို့ကို အပြစ်မှ ကယ်လွှတ်ပါသည်။