Poraus Ren ewe Pochokunen Serafo Iteiten Maram, March 2026
Exodus 12
Ach Passover—ewe Sakrament
Mi wor eu nonno fengen nefinen ewe Passover me nom me ach sakrament iteiten wiik.
Chunga seni Alyssa Tallent
Me mwen ekkewe chon Israel me nom repwe tongeni no seni ar fotek non Egypt, ewe Samon a eisini repwe aneasochisi tichikin ourour pwe ewe chon nangin kiteter epwe angaser, ika feinno senir (nengeni Exodus 12). Mwirin ar no seni Egypt, ekkewe chon Israel ra efisi eu kametip iteiten ier, a iteni ewe Passover, ar repwe chechemeni ifa usun ewe Samon a angasano Noun kewe aramas pwon.
Atun ewe omuchunon wiiken Manauan won fonufan, Jises Kraist a nom ren eu amwongon Passover. Iei sia eita ngeni ena mwongo ewe Omuchunon Faaf. Ewe Chon Amanau a aea ena fansoun an epwe esinei usun ewe angangepinen ewe sakrament, minne iei sia fifiti iteiten wiik. (Nengeni Matthew 26:26–28; Luke 22:19–20; Doctrine and Covenants 20:77, 79.)
Ikkei ru nonno fengen nefinen ewe aewin Passover, an ewe Samon we Omuchunon Faaf, me sakramentin ikenai minne mi tongeni anisi kich sipwe chechemeni ach ngaseno me ren ewe Chon Amanau.
Ewe Pinewa
Passover: Ren fisu ran, ekkewe chon Israel ra mwongo pinewa ese nofit ngeni iis (minne mi mwitir ne for me ese kai an epwe pwotur me ngaseno).
Last Supper: Jises Kraist a efeiochu me kinietiw ewe pinewan ewe Passover ese nofit ngeni iis, me A ngeni noun kewe chon kuno. A urenir pwe repwe ani non achecheman Inisin, minne ekis ngeni chok epwene tatakis me epwe mano nge epwe manau sefan.
Sakrament Sia ani pinewa non achecheman inisin Jises Kraist.
Jises Kraist i ewe Pinewan Manau. Seni An Manausefan, kich meinisin sipwe manausefan ren inis mi unusoch, ese tongeni kiteterino, me ese tongeni mano. A angasa kich seni mano.
Ewe Chan ewe Nam
Passover: Ewe namen Passover emon niemwan nam eu-ier, ese wor terin. A ninnino, me chaan we a ionfengen non eu sepi. Hyssop (eu chon ira) a otuenong non ewe sepi me aea ne tonafetanei won uren ewe asamen ewe imw. Iei ewe esisinen pwarano noun ewe Samon kewe aramas pwon an ewe chon nangin kiteter epwe nuchang senir pwe repwe tongeni ngaseno seni fotek non Egypt.
Omuchunon Faaf: Jiese Kraist a aea wain an epwe esisinata Chaan we. A ureni Noun kewe chon kuno repwe unumi non achecheman Chaan we, minne epwe suputiw fan iter ren omusomusen tipis me epwe kinikinin eu minafon pwon mi pin.
Sacrament: Sia unumi ewe konik non achecheman chaan Jises Kraist.
Jises Kraist mi ewe Appanen Siipwen Kot. Chaan a suputiw nupwen I a riaffou fan iten ach tipis me nipwakingaw. Chaan we—An asor—a nimeti kich. A angasa kich seni tipis.
© 2026 seni Intellectual Reserve, Inc. Meinisin pung mi kawor. Mi katou non USA. Kapunguno non fosun Merika: 6/19. Kapungunon chiakun: 6/19. Chiakun Porous Ren ewe Pochokunen Serafo Iteiten Maram, March 2026.. Chuukese. 19936 901