ፋሲካችን--ቅዱስ ቁርባን

ፋሲካ፤ ለሰባት ቀናት እስራኤላውያን እርሾ የሌለውን ዳቦ ይበላሉ (ይህም ለመስራት ፈጣን የሆነ እና ለሻጋታ እና ለመበላሸት በቀላሉ የማይጋለጥ ነው)።

የጌታ እራት ኢየሱስ ክርስቶስ እርሾ የሌሌውን የፋሲካ ዳቦ ባርኮ እና ቆርሶ ለደቀመዛሙርቱ ሰጣቸው። በቅርቡ እንደሚቆረስ እና እንደሚሞት ነገር ግን ከሞትም እንደሚነሳ ያውቅ ስለነበር አካሉን ለማስታወስ እንዲበሉት ነገራቸው።

ቅዱስ ቁርባን፤ ዳቦውን የምንበላው የኢየሱስ ክርስቶስን አካል ለማስታወስ ነው።

ኢየሱስ ክርስቶስ የህይወት ዳቦ ነው። በእርሱ ትንሳኤ ምክንያት፣ ከሞትን በኋላ ሁላችንም ፍጹም፣ የማይበሰብስ፣ ህያው የሆነ አካል ለብሰን እንነሳለን። እርሱ ከሞት ይታደገናል።

ፋሲካ፤ የፋሲካው በግ እንከን አልባ፣ የአንድ ዓመት ጠቦት ነበር። ይገደል እና ደሙም በጎድጓዳ ሳህን ይቀመጥ ነበር። ሂሶጵ (ቅጠል) በደሙ ውስጥ ይነከር እና በቤቱ የውጪኛው የመቃኑ ክፍል ላይ ለመርጨት ጥቅም ላይ ይውል ነበር። ይህም የቃልኪዳኑ ህዝብ ከአጥፊው የሞት መልአክ ከግብጽ ባርነት ነጻ መውጣት ይችሉ ዘንድ ከጌታ ለመለያነት የተሰጠ ውጫዊ ምልክት ነው።

የጌታ እራት፤ ኢየሱስ ክርስቶስ ደሙን እንዲወክል ወይንን ተጠቅሟል። ለደቀ መዛሙርቱም ለሃጢያት ስርየት እንደሚፈስ እና የአዲስ ኪዳን አካል እንዲሆን ድእሙን ለማስታወስ እንዲጠጡት ነገራቸው።

ቅዱስ ቁርባን፤ ውሃውን የምንጠጣው የኢየሱስ ክርስቶስን ደም ለማስታወስ ነው።

ኢየሱስ ክርስቶስ የእግዚአብሔር በግ ነው። ለሃጢያታችን እና ለህመማችን በተሰቃየ ጊዜ ደሙ ፈሷል። ደሙ—የእርሱ መስዋእትነት—ያነጻናል። እርሱ ከሃጢያት ይታደገናል።