Ano ang aton nahibal-an parte sa mga manugpahalab sa primero nga Paskwa?

Mga Manugpahalab, ni Brian Call

May pila ka bagay kita nga nahibal-an parte sa mga manugpahalab sa primero nga Paskwa.

Malapit sila sa Betlehem. Ang mga manugpahalab “ara sa amo man nga pungsod” sa diin natawo si Cristo (Lucas 2:8). Kag nakalab-ot sila sa Betlehem nga nagalakat samtang didto pa Sia (tan-awa sa Lucas 2:15–16).

Ginahimo nila ang ila mga obligasyon. Ining mga manugpahalab “nagapagab-i sa latagon, nagapulaw sa kagab-ihon sa ila panong” (Lucas 2:8). Mga maayo kag matinuohon sila nga mga manugpahalab, pareho sa Manluluwas—ang Maayong Manugpahalab (tan-awa sa Juan 10:11, 14).

Kabalo sila sang mga propesiya parte sa Mesias. Maathag nga nahibal-an nila kon ano ang ginahambal sang anghel sang ginpahibalo niya ang pagkatawo ni “Cristo nga Ginuo” (Lucas 2:11), ang Mesias nga gintagna sang una.

Dako ang ila kaisog. Sang ginsugiran sila sang anghel parte sa “lapsag… nagahigda sa isa ka pasungan” (Lucas 2:12), naglakat sila “nga nagadalidali” agud makita Sia (Lucas 2:16).

Ginpanugid nila ang maayong balita. “Ginpanugid” nila ang ila nabatian kag nakita parte sa mensahe sang anghel parte sa pagkatawo ni Cristo (Lucas 2:17).

Ginpasalamatan kag gindayaw nila ang Dios. Pagkatapos sini tanan, “nagbalik nga nagakanta sang mga pagdayaw sa Dios tungod sang tanan nga ila nabatian kag nakit-an” (Lucas 2:20).