?Wanem nao yu save abaot ol man blong lukaotem sipsip long fas Krismes?

Ol man blong lukaot long sipsip, i kam long Brian Call

Yumi save smol samting abaot ol man blong lukaot long sipsip long fas Krismes.

Oli stap kolosap long Betlehem. Ol man blong lukaot long sipsip oli stap “long semmak ples” we Jisas i bon long hem (Luk 2:8). Mo oli save wokbaot nomo kasem Betlehem taem Hem i stap yet long ples ia (luk long Luk 2:15–16).

Oli stap mekem wok blong olgeta. Ol man blong lukaot long sipsip ia “oli stap lukaot long ol sipsip blong olgeta, long naet” (Luk 2:8) Oli ol gudfala mo fetful man blong lukaot long sipsip, semmak olsem Sevya—Gudfala Man Blong Lukaot Long Sipsip (luk long Jon 10:11, 14).

Oli save profesi ia we i abaot Mesaea. Oli save stret wanem we enjel i stap talem long olgeta taem hem i talemaot se “Mesaea ya we i Masta blong yumi” i bon i kam long wol (Luk 2:11), Mesaea ia we i stap long ol profesi blong bifo.

Oli fulap wetem paoa. Taem enjel i talem long olgeta abaot “pikinini ya … oli kavremap gud hem long kaliko, nao oli putum hem i stap slip long wan bokis we oltaem ol man oli stap putum gras long hem, blong ol anamol oli kakae” (Luk 2:12), oli “hareap oli go” blong luk Hem (Luk 2:16).

Stap serem gud nius. Oli “talemaot nius long ol man” abaot wanem oli harem mo luk folem toktok blong enjel abaot Kraes we i bon i kam long wol (Luk 2:17).

Oli talem tangkyu mo presem God. Afta long evri samting ia, oli “oli gobak, mo oli stap leftemap nem blong God, oli stap presem hem from olgeta samting ya we oli harem, mo we oli luk, from we olgeta samting ya i stret nomo long ol tok ya we enjel i talem long olgeta” (Luk 2:20).