Ngera uchul ma Rubak a ou Ikelesia?

A moktek er a Ikelesia ra Kristo a mo “mesterir a techellir a re dertal chad ma telungalk el molengeseu er a Dios el churengelii a Urelel ra olsobel ma ngarbab el klebkall.” A Ikelesia ra Jesus Kristo er a Uriuk-klebesei el Santo a olengeseu “el mo sebechel a rengelekel a [Dios] el morsel kot el ngarbab el dauch ra klebkall, el ngii a ngarbab el klebkall malechub eng diak a ulebengelel klengar.”

“A Osobel … a milkngerchelii [a Ikelesia] me bo lorekui a moktek er Ngii—olisechakl ra ebangkelio er Ngii, odars chedaol Lurelel ma telbiil, e rulii meng sebechel a Klisichel el ngubetid e chemedolid.”

A rechedal a Ikelesia a ngarngii techelir ra klisichel a Jesus Kristo me a klengeltengat lokiu ra klisichel a priesthood ma kiis, telbiil ma chedaol ruoll, ulekrael lulaoch, chedaol llechukl, ma cheldellir a re Santo.

A Ikelesia a dirrek el mla mo durch el mo: Mekiis e lochoterir, me a llemesir le bo lolangch ra bek el beluu ( Doctrine and Covenants 115:5 ).

A rechedal a Ikelesia a melasem el “lolecholt er tir” el ngar el ngara ebangkelio, el siotai ra rokui el chad mel nguu a ebangkelio, loldak ra telungalk el mora diak a ulebengelel, e lomekereu ra re mechebuul ma re ngesool. Tiang a urellel a Dios el olsobel me a ngarbab el klebkall.