რატომ აქვს უფალს ეკლესია?

ქრისტეს ეკლესიის მიზანია „საშუალება მისცეს ინდივიდებსა და ოჯახებს, ჩაერთონ ღვთის ხსნისა და ამაღლების საქმის შესრულებაში“. უკანასკნელ დღეთა წმინდანთა იესო ქრისტეს ეკლესია ეხმარება „[ღვთის] შვილებს, მოემზადონ დიდების უმაღლესი ხარისხისთვის, რაც არის ამაღლება ან მარადიული სიცოცხლე“.

„მხსნელმა … [ეკლესიას] დაავალა თავისი მიზნების შესრულება - მისი სახარების ქადაგება, მისი წეს-ჩვეულებებისა და აღთქმების შეთავაზება და შესაძლებლობის უზრუნველყოფა, რომ მისი ძალით ჩვენ გავმართლდეთ და განვიწმინდოთ“.

ეკლესიის წევრებს აქვთ წვდომა იესო ქრისტეს ძალასა და კურთხევებზე მღვდლობის უფლებამოსილებისა და გასაღებების, აღთქმებისა და წეს-ჩვეულებების, წინასწარმეტყველური მითითებების, წმინდა წერილებისა და წმინდანთა თემის საშუალებით.

ეკლესიის მიმართ ასევე არსებობს ბრძანება: „წამოდექით და გაბრწყინდით, რათა ერებისთვის თქვენი სინათლე იყოს ალამი“ (მოძღვრება და აღთქმები 115:5).

ეკლესიის წევრები ცდილობენ, „გაბრწყინდნენ“ სახარების მიხედვით ცხოვრებით, სახარების მიღებისკენ ყველას მოწვევით, ოჯახების სამარადისოდ გაერთიანებით და ღარიბებსა და გაჭირვებულებზე ზრუნვით. ეს არის ხსნისა და ამაღლების ღვთის საქმე.