Ebɛnadze ntsi na Ewuradze wɔ Asɔr?

Christ N’Asɔr no botae nye "dɛ ɔbɛma ankorankor na ebusua ebusua tum ma wɔdze aboa ahyɛ Nyankopɔn No nkwagye na nkwagye ntowdo edwuma no mã." Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo no boa "ma [Nyankopɔn ne] mba fata enyimnyam ntwerba a ɔkrɔn koraa no, a ɔyɛ nkwagye ntowdo anaa onnyiewiei nkwa."

"Agyenkwa no … buei [Asɔr no] ma Ne nsa akã No botae horow—wɔrobɔ N’asɛmpa dawur, wɔrema N’ayɛdze na ahyɛmudzi horow, na wɔreyɛ ma No tum no ebu hɛn bem na wɔatsew hɛn ho."

Ɔnam asɔfodzi tumdzi na nsaafee do, ahyɛmudzi na ayɛdze horow do, nkɔnhyɛsɛm akwankyerɛ, kyerɛwsɛm, na Ahotseweefo fɛkuwbɔ do no, Asɔrmba wɔ Jesus Christ no tum na nhyira horow ho kwan.

Wɔahyɛ Asɔr no mbra so dɛ: "Hom nsoɛr na hom nhyerɛn, ama hom kan no aayɛ fasusu ama aman" (Nkyerɛkyerɛ na Ahyɛmudzi 115:5).

Asɔrmba bɔ mbɔdzen dɛ "[wɔbɛ]hyerɛn" ber a wɔdze asɛmpa no bɔ bra, wɔto nsa frɛ obiara dɛ ɔngye asɛmpa no, wɔkã ebusua ebusua bɔ mu ma mfesantsen, na wɔhwɛ abɔbɔfo na ehiafo. Iyi yɛ Nyankopɔn no nkwagye na nkwagye ntowdo edwuma.