?From wanem Lod i gat wan Jos?

Stamba tingting blong Jos blong Kraes i “blong mekem wanwan man mo famli i save helpem God blong mekem wok blong Hem blong fasin blong sevem man mo fasin blong kam olsem wan god i hapen.” Jos ia blong Jisas Kraes blong ol Lata-dei Sent i help “blong mekem ol pikinini blong [God] oli kwalifae from digri blong glori we i hae olgeta, we i blong kam olsem wan god, o kasem laef we i no save finis.”

“Sevya … i givim raet long [Jos] blong mekem ol stamba tingting blong Hem—blong stap prijim gospel blong Hem, givim ol odinens mo kavenan, mo blong mekem i posibol blong paoa blong Hem i stretem mo mekem yumi kam tabu.”

Ol memba blong Jos oli gat akses long paoa mo ol blesing blong Jisas Kraes tru long atoriti mo ol ki blong prishud, ol kavenan mo ol odinens, daereksen blong ol profet, ol skripja, mo wan komuniti blong ol Sent.

Jos i kasem komanmen tu blong “Girap mo saenaot, blong laet blong yumi i kam wan flag long evri nesen” (luk longOl doktrin mo Kavenan 115:5).

Ol memba blong Jos oli traehad blong “saenaot” taem oli laef folem gospel, invaetem evriwan blong kasem gospel, mekem ol famli i stap tugeta blong taem we i no save finis mo taem oli kea long olgeta we oli pua mo olgeta we oli stap long nid. Hemia i wok blong God long saed blong fasin blong sevem man mo fasin blong kam olsem wan god.