දෙවියන්වහන්සේ කව්රුන් නොවේද

උන්වහන්සේ අපගේ පියාණන්වහන්සේය, ඔබට සිතාගත හැකි පොළොවේ හොඳම පියාටත් වඩා අපූරු යි. අපට උන්වහන්සේ සමඟ අපගේ පෙර ආත්මික ජීවිතය මතක නැති වූවත්, උන්වහන්සේ අපව තනි තනිව සහ හොඳින් දන්නවා. උන්වහන්සේට මාංශ හා අස්ථි වලින් සමන්විත පරිපූර්ණ ශරීරයක් ඇති අතර, අපි උන්වහන්සේගේ ස්වරූපයෙන් සිටිනවා.

දෙවියන්වහන්සේ මොන වගේද කියලා ඔබට සිතාගත නොහැකි නම්, ඔබට කදිම උදාහරණයක් තිබෙනවා: ඒ තමයි උන්වහන්සේගේ පුත්‍රයාණන් වන යේසුස් ක්‍රිස්තුස්වහන්සේ. ක්‍රිස්තුස්වහන්සේ මෙහෙම කිව්වා: “මාර්ගයද සැබෑවද ජීවනයද මමය. මා කරණකොටගෙන මිස කිසිවෙක් පියාණන්වහන්සේ වෙතට පැමිණෙන්නේ නැත.” නුඹලා මා ඇඳිනගත්තා නම් මාගේ පියාණන්වහන්සෙත් අඳුනනවා ඇත” (යොහන් 14:6–7). වෙනත් වචන වලින් කියනවා නම්, අපට ස්වර්ගික පියාණන්වහන්සේ මොන වගේද කියලා දැන ගැනීමට අවශ්‍ය නම්, අපට යේසුස් ක්‍රිස්තුස්වහන්සේ මොන වගේද කියලා ඉගෙන ගන්න පුළුවන්! ඔවුන් අරමුණින් පරිපූර්ණ ලෙස එක්සත් වී සිටිනවා

ඇත්ත වශයෙන්ම, උන්වහන්සේගේ කාර්යය සහ උන්වහන්සේගේ මහිමය තමයි ඔබට සදාකාල ජීවනය ලබා ගැනීමට උපකාර කිරීම. ඔබ උන්වහන්සේගේ #1 අවධානයයි! උන්වහන්සේ අපි වගේ කාලයට බැඳිලා නැහැ. ඕනෑම වේලාවක යාච්ඤාවෙන් උන්වහන්සේ වෙත ළඟා වෙන්න. ඉන්පසු උන්වහන්සේ පිළිතුරු දෙන බොහෝ ආකාරයන් වලට සවන් දෙන්න.

දොළොස්දෙනාගේ ගණපූරණයේ වැඩිහිටි ඩේල් ජී. රෙන්ලන්ඩ් වරක් මෙසේ ඉගැන්වූවා, “පියෙකු ලෙස අපගේ ස්වර්ගික පියාණන්වහන්සේගේ ඉලක්කය වන්නේ උන්වහන්සේගේ දරුවන්ට හරි දේ කිරීමට සැලැස්වීම නොවේ; උන්වහන්සේගේ දරුවන් හරි දේ කිරීමට තෝරාගෙන අවසානයේ උන්වහන්සේ හා සමාන වීමට සැලැස්වීමයි.” උන්වහන්සේ ඔබට ආරාධනා කර, ඔබට උපදෙස් දී, සත්‍යය ඔබට උගන්වනවා, නමුත් උන්වහන්සේව අනුගමනය කිරීමට ඔබට බල කිරීමෙන් උන්වහන්සේ ඔබේ නිදහස ඉවත් කරන්නේ නෑ.

ඒ වෙනුවට, දොළොස්දෙනාගේ ගණපූරණයේ වැඩිහිටි පැට්‍රික් කේරොන් පැවසූ පරිදි, “දෙවියන්වහන්සේ නොනවතින ලෙස ඔබ පසුපස හඹා යමින් සිටී,” එයින් අදහස් කරන්නේ උන්වහන්සේ වෙත නැවත පැමිණීමට ඔබට උපකාර කිරීමට උත්සාහ කිරීම උන්වහන්සේ කිසි විටෙකත් අත් නොහරින බවයි. අපි වැරදි කරන විට ස්වභාවිකවම අපි සියලු දෙනාටම දුෂ්කර දේවලට මුහුණ දීමට සිදුවන බව උන්වහන්සේ දන්නවා. උන්වහන්සේගේ පුත්‍රයාණන්ගේ වන්දිගෙවීම තුළින් අපට පාපයෙන් පවිත්‍ර වීමට සහ ශක්තිය ලබා ගැනීමට මාර්ගයක් උන්වහන්සේ සපයනවා.

උන්වහන්සේ ඔබ කෙරෙහි දක්වන ප්‍රේමය අපරිමිත යි. ඔබ කොතරම්ම අසම්පූර්ණ වුවත්, උන්වහන්සේ ඔබට දැන් ප්‍රේම කරනවා! දොළොස්දෙනාගේ ගණපූරණයේ වැඩබලන සභාපති, සභාපති ජෙෆ්රි ආර්. හොලන්ඩ්, මෙම සත්‍යය පිළිබඳව බලවත් පැහැදිලි කිරීමක් ලබා දෙනවා: “‘ඔබ සිටින ආකාරයටම එන්න’ කියා ප්‍රේමණීය පියෙක් අප සෑම කෙනෙකුටම පවසන නමුත්, ‘ඔබ සිටින ආකාරයටම සිටීමට සැලසුම් නොකරන්න’ කියා ඔහු තවදුරටත් පවසනවා. අපි සිනාසෙමින් අපට සිතුවාට වඩා වැඩි ආකාරයකින් අපව නිර්මාණය කිරීමට දෙවියන්වහන්සේ අධිෂ්ඨාන කරගෙන සිටින බව මතක තබා ගනිමු.” පියවරෙන් පියවර, පරිපූර්ණ ප්‍රේමයෙන් හා දිරිගැන්වීමෙන්, ස්වර්ගික පියාණන්වහන්සේ උත්සාහ කරන්නේ ඔබට උන්වහන්සේ මෙන් වීමට සහ උන්වහන්සේ සතු සියල්ල ලබා ගැනීමට උපකාර කිරීමටයි.

ඔබේ ස්වර්ගික පියාණන්වහන්සේ දැන හඳුනා ගැනීමට ඇති හොඳම ක්‍රමය තමයි උන්වහන්සේ සමඟ නොකඩවා අත්දැකීම් ලබා ගැනීම. ඒ කෙසේද? ජීවමාන අනාගතවක්තෘවරුන්ගේ ශුද්ධලියවිලි සහ වචන වලින් උන්වහන්සේ සහ උන්වහන්සේගේ පුත්‍රයාණන් ගැන ඉගෙන ගන්න. උන්වහන්සේට යාච්ඤා කරන්න. උන්වහන්සේගේ ආඥා පිළිපදින්න. සභාවේදී, දේවමාළිගාවේ සහ අනෙකුත් ශුද්ධ ස්ථානවල උන්වහන්සේට නමස්කාර කිරීමට නිහඬ, පෞද්ගලික කාලයක් ගත කරන්න. උන්වහන්සේ සමඟ ගිවිසුම් ඇති කරගෙන ඒවා පිළිපදින්න. උන්වහන්සේ කවුද සහ උන්වහන්සේට ඔබ ගැන හැඟෙන ආකාරය දැනගැනීමට උන්වහන්සේ ඔබට උපකාර කරයි.