A Dios ng diak el Uangerang

Ngii a Demad, el ngaruchei er a kot el ungil chedam er a chutem el kau mtebengar. Ng uaisei el diak dodengelii sel klengar kid ruchei er a chutem Lobengkel, ng di Ngii a kmal ungil medengelii a dersta me a dersta er kid. Ng cherrungel a bedengel er a tech me a iiuis, e kid a bleob el di uai Ngii.

A lsekum ng meringel er kau el mtebengar a teletelel a Dios, e tiakid a ungil lokesiul: Ngelekel, el Jesus Kristo. A Kristo dilu el kmo, “Ngak a rael, e klemerang, e klengar: ng diak a chad el mo er a Chedam, a lak lokiu ngak. “Omko ko mle medengelkak, e kom dirrek el mlo medengelii a Chedam” (John 14:6–7). Ng belkul a kmo, a lsekum eng soad el mo medengleii a Chedam er a Babeluades, eng sebeched el subii el kmo a Jesus Kristo ng uangerang! Te dmak loba tal moktek.

A mera er ngii, a Urerel me a Klebkellel a mo meskau a diak a ulebengelel klengar. Kau a kot el moktek er ngii! Ng diak lak a temel el uai kid. Mongedecheduch el mo er Ngii er a ngii di el taem. A morrenges a betok el rolel e Ngii onger kau.

A Elder Dale G. Renlund er a Chelchad er a teruich me a teru el Apostol a mle tal lolisechakl kmo, “A moktek er a Demad er a Babeluades el kirel a klaungalek a diak er a Rengelekel el mo meruul a llemalt; ng bai mechiteterir a Rengelekel me te melilt el mo meruul er a llemalt meng sebechir el mo uai Ngii.” Ngii a siotai er kau, mellach er kau, olisechakl er kau a klemrang, eng di Ngii a kmal diak el ngebetii sel lemeltem e lorrimel er kau el mo oltirkal er Ngii.

Ng bai, el ua ikel osischeklel a Elder Patrick Kearon er a Chelechad er a teruich me a teru el Apostol el kmo, “A Dios a diak el meterob losiik er kau,” ng belkul a kmo Ngii a diak el kimer el melasm lolngeseu er kau el muut el mo er Ngii. Ngii a medengei el kmo kid el rokui a mo chemau a meringel tekoi sel doruul a mekngit. Meng kudmeklii a rael el sebeched el mo beches er a kngtid e metik olisiich lokiu a Tngakireng er a Ngelekel Sechal.

A beltkil a rengul kirem a cherrungel. Ngii a betik a rengul er kau er chelechang, kau el diak mklikiid el chad! A President Jeffrey R. Holland, el Acting President er a Chelechad er a teruich me a teru el Apostol, a meskid a bleketakl lomesodel tial klemrang: “‘Mei er sel klechad el kau a ngarngii,’ a oubeltikelreng el Chedam a melekoi er kid, e sola Ngii a dochelii el kmo, ‘Lak momdasou a di melemolem er tiaikid el klechad el mngarngii.’ Kede mo klikmechur sel dolatk el kmo a Dios a blak a rengul meruul er kid el mo er sel klechad el dulemdasou el kmo ng diak el sebeched.” Ngokiu a cherrungel beltikelreng me a olisiich, e a Chedam er a Babeluades a melasm el ngosukau el mo uai Ngii e ngmai a rokiu Lolab, el ta er a tal taem.

A kot el bedochel rolel e kemo medengelii a Demam er a Babeluades a sel molemolem el kmeed er Ngii. El mekerang? Mosuub el Kirel me a Ngelekel lokiu chedaol llechukl me a tekingir a re ngar el profet. Moluluuch el mo er Ngii. Moltirakl a Llechul. Mchoit a temem, el ngara omengull el mo er Ngii er a Ikelesia, me a templo, me a bebil er a chedaol basio. Moruul e moltirakl a telbiil Lobengkel. Ngii a mo ngosukau el mo medengei el kmo Ngii ng techang e ngera ngomelchesiu el kirem.