Kalpasan Daytoy a Biag

Ti espiritu ket maysa a kita ti banag, “ngem napimpino wenno natartarnaw” (Doktrina ken Katulagan 131:7). Dagiti bagi ti espiritu ket kasla kadagiti nataengan a bagi ti tao.

Ditoy, iti amin nga aglawlawtayo.

Mainayon kadagiti dadduma pay a banag, dagiti espiritu a nangawat iti ebanghelio ket naorganisar a mangikasaba iti ebanghelio kadagiti espiritu a saan a nangawat iti ebanghelio. Mabalin a pilien dagita nga espiritu nga awaten wenno laksiden daytoy.

Saan a mabalin a matay dagiti napagungar a bagi, lasag ken tulangda, ken perpektoda. Nadayag ken napintasda. “Awanen ti napimpintas pay a kitaen ngem ti maysa a nagungar a lalaki wenno babai.”

Dagidiay adda iti kangatuan a tukad ti celestial a pagarian agbalinda a kas iti Nailangitan nga Amatayo ken mapadasanda ti naan-anay a rag-o. Maawatda ti amin nga adda iti Ama. Makiramanda iti aramidna ken iti dayagna. Nailantipda iti agnanayon a kallaysa ket agnanaedda itan kadagiti agnanayon a pamilia, nga addaanda kadagiti agnanayon nga espiritu nga annakda.

Ti Nailangitan nga Amatayo ket naan-anay a nalinteg ken manangngaasi. “Inkari ti Apo nga iti agnanayon awanto ti bendision a maiparit kadagiti annakna a lallaki ken babbai a mangtungtungpal kadagiti bilin, napudno kadagiti katulaganda, ken agtarigagay iti umiso.”

Mabalin a “naipasngayka iti katulagan” (kayatna a sawen, naipasngayka kalpasan a nailantip dagiti nagannakmo iti templo), wenno mabalin a nailantipka kadagiti nagannakmo iti templo kalpasan a nailantipda iti maysa ken maysa. Iti aniaman a kasasaad, agtalinaed latta ti bendisionmo uray no pilien dagiti nagannakmo ti agdiborsio ken makanselar ti pannakailantipda.

Saan nga apektaran dagiti pili dagiti nagannakmo ti bendisionmo. Ti napateg ket agtalinaedka a napudno ken sapulem a mismo dagiti bendision ti templo. No maipapan kadagiti relasionyo iti pamiliayo, rumbeng nga “agtalekkayo iti Apo ken sapulenyo ti liwliwa nga ipaayna,” nga ammoyo a “ti Nailangitan nga Ama siguraduenna nga awaten ti tunggal tao ti amin a bendision nga ipalubos dagiti tarigagay ken pilina.”

Ditayo ammo no ania ti mapasamak kadagiti tao a matay gapu iti panagpakamatay, ken ditayo mabalin a kedngan ida (kas met laeng iti amin a tattao, iti kamaudiananna). “Iti baet dagiti kasayaatan a panagkagumaan dagiti ay-ayaten, lider, ken propesional, saan a kanayon a malapdan ti panagpakamatay. …

“Saan nga umno a gudasen ti maysa a tao ti bukodna a biag. Nupay kasta, ti laeng Dios ti makabael a mangukom kadagiti kapanunotan, aramid, ken lebel ti kaadda ti sungsungbatan ti tao (kitaen iti 1 Samuel 16:7; Doktrina ken Katulagan 137:9). …

“Dagiti napukawan iti ay-ayaten gapu iti panagpakamatay ket makasarakda iti namnama ken pannakaagas ken ni Jesucristo ken iti Pannubbotna.”