Ɔfiɔŋ-ke-ɔfiɔŋ Etop emi Abaŋade Nsɔŋɔnda eke Iwaad , Ɔyɔhɔ Ɔfiɔŋ Itiaba 2025
Ke Uwem Emi Ebede
Mme Ibɔrɔ Enɔde Ndusuk Mbume
Uduak Ete eke Heaven ɔnɔ nyin ifiɔk ye emem abaŋa uwem ke owo amakakpa.
Edinam-aŋwaŋa otode Thomas Arnaud
Nso isitibe ke nnyin ima ikpaŋa?
Ndusuk emi edi mbume odude ke ofuri edu-ukpɔnɔ. Mme ibɔrɔ emi nnyin inyenede ito Jesus Christ ye ikɔ Abasi Esie enyene odudu eti-eti. Uwem emi idighe utit-ŋkpɔ. Koro Jesus Christ ama eset ke mkpa, spirit nnyin eyefiak adiana ye ikpɔkidem nnyin, ndien kpukpru nnyin iyeset ke usen kiet.
Nte ededi, odu mme ifiɔk efen abaŋade uwem ke owo amakakpa emi nnyin ibɔde oto ke eriyarade eke eyo emi emi ekemede ndibɔrɔ mme mbume efen emi nnyin ikpinyenede. Emi edi esisit oruk mbume oro, asaŋade ye ndusuk mbio-mbio ibɔrɔ.
Ikpɔkidem eke spirit etie didie?
Spirit etie nte ŋkpɔ, kpɔt edi ke “mmɔ etim efɔn mme etim esana” (Doctrine ye Covenants 131:7). Ikpɔkidem spirit etie nte idem akamba owo.
Ererimbot eke spirit odu ke mmɔŋ?
Nso ika iso ke ererimbot eke spirit?
Kotu mme ŋkpɔ efen, edɔŋ mme spirit emi ekenyimede ikɔ-Abasi eka ekekwɔrɔ ikɔ-Abasi enɔ mme spirit emi mmiyimike ikɔ-Abasi. Mme spirit oro ekeme ndimek ndinyime mme ndisin ikɔ-Abasi oro.
Ikpɔkidem ekesetde ke mkpa etie didie?
Ikpɔkidem ekesetde ke mkpa ikemeke ndikpa aba, edi obuk ye ɔkpɔ, onyuŋ ɔfɔn-ama. Mmɔ eyɔhɔ ye ubɔŋ enyuŋ eye. “Iduhe ŋkpɔ emi eyede akan ndise ŋwan mme eren emi ekesetde ke mkpa.”
Nso ŋkpɔ itibe ke obio-ubɔŋ celestial?
Mbon emi edude ke ŋkoŋ-nkan ndaha ke obio-ubɔŋ celestial ekabade etie nte Ete Heaven nnyin enyuŋ enyene ɔyɔhɔ idara. Mmɔ ebɔ kpukpru ŋkpɔ se Ete enyenede. Mmɔ ebuana ke utom ye uboŋ Esie. Ema edian mmɔ ke ndɔ ke nsinsi ndien idahaemi mmɔ eduŋ ke nsinsi ufɔkemana, enyene nditɔ spirit eke mmɔ.
Nso itibe ye mbon emi akananam mi-dɔhɔ ndɔ ke uwem emi?
Ete Heaven otim ɔfɔn-ama onyuŋ enyene mbɔm. “Jehovah ama ɔŋwɔŋɔ ete ke nsinsi iduhe edidiɔŋ ndomokiet emi editabade nditɔ iren mme nditɔ iban esie emi enimde ibet, eke anamde akpanikɔ ke ediomi mmɔ, enyuŋ eyomde sifɔn.”
Ema edian ete ye eka mi ndɔ ke temple, edi idahaemi mmɔ ema ewɔrɔ-ndɔ. Edi-dian mi ye anie?
Ekeme ndidi “ekeman fi ke ediomi” (oro edi, ekeman fi ke ini ete ye eka fo ema ekediana ndɔ ke temple ema), mme ekedadian fi ye ete ye eka fo ke temple ke ema ekedian mmɔ ye kiet eken ema. Ke ndaha kiet mme eken, edidiɔŋ fo eyesuk odu ekpededi ete ye eka fo emek ndiwɔrɔ-ndɔ enyuŋ ebiat edidian mmɔ efep.
Mbumek ete ye eka fo ifinake fi. Akpan ŋkpɔ edi afo ndinam akpanikɔ nyuŋ nyom mme edidiɔŋ eke temple ke idem fo. Ke ebehede ebuana eke ufɔkemana fo, ana afo “ɔbuɔtidem ke Jehovah onyuŋ oyom ndɔŋesit Esie,” ke ɔfiɔkde ete ke “Ete Heaven eyenɔ owo kiet kiet edidiɔŋ emi udɔŋ ye mbumek esie ayakde enye ɔbɔ.”
Nso isitibe ye mbon emi ewotde idem mmɔ?
Nnyin ifiɔkke se isitibede inɔ mbon emi ewotde idem mmɔ, nnyin inyuŋ ikemeke ndikpe ikpe mmɔ (kpa nte edide ye kpukpru owo, ofuri ofuri). “Kesioho ata nti-ukeme eke mbon ima mmɔ, mme adausuŋ, ye mme nta-ifiɔk, owo isikemeke ndikpan uwotidem kpukpru ini. …
“Inenke owo ndida uwem esie Nte ededi, Abasi ikpɔŋ ekeme ndikpe ikpe eke ekikere, edinam ye utɔ ndaha unɔ-ibat eke owo oro (se 1 Samuel 16:7; Doctrine ye Covenants 137:9). …
“Mbon emi enanade owo emi mmɔ emade oto ke uwotidem ekeme ndikut idorenyin ye erikɔk ke Jesus Christ ye Erisio-isop Esie.”
© 2025 eketode Intellectual Reserve, Inc. Ekpan kpukpru unen ndimiŋ ŋwed emi. Ekemiŋ ke USA. Enyime ndikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Abaŋade Nsɔŋɔnda eke Iwaad, Ɔyɔhɔ Ɔfiɔŋ Itiaba 2025. Efik. 19618 553