Kasano a maammuak a pudno a nakapagbabawiak ken napakawanak?

Coming Full Circle, ni Jenedy Page

Kinuna ti Apo: “Isu a nangibabawi iti basbasolna, isu ti mapakawan, ket siak, ti Apo, diakto idan malagip.

“Babaen daytoy mammuanyo no agbabawi ti tao iti basbasolna—adtoy, ipudnona ida ken tallikudanna ida” (Doktrina ken Katulagan 58:42–43).

Babaen ti napasnek a panagbabawi, maawattayo ti pammakawan. “No mariknayo ti pannakaliwliwa manipud iti Espiritu, maammuanyo a ti pannubbot a bileg ti Mangisalakan ket maiparparangarang iti biagyo.” Ket no agkamalitayo manen, mabalintayo manen ti agbabawi, mapakawan, ken agtultuloy a mangikagumaan.

Mainayon pay, insuro ni Elder Dieter F. Uchtdorf iti Korum dagiti Sangapulo-ket-dua nga Apostol: “Ikagumaanto ni Satanas a patientayo a saan a mapakawan dagiti basoltayo gapu ta malagiptayo ida. Ulbod ni Satanas. … Saan nga inkari ti Dios a ditayto malagip dagiti basoltayo. Ti pananglagip ket makatulong kadatayo a mangliklik iti panangaramid manen kadagiti isu met laeng a biddut . ”Ngem no agtalinaedtayo a napudno ken matalek, ti pakalaglagipan dagiti basoltayo mapalag-anto iti panaglabas ti panawen.”