Paano ko mahibaloan nga naghinulsol na matuod ako kag napatawad?

Coming Full Circle [Pagbalik sa Umpisa], ni Jenedy Page

Ang Ginuo nagsiling: “Sia nga naghinulsol sang iya mga sala, ang amo man ginapatawad, kag ako, nga Ginuo, wala na nagadumdum sang ila mga sala.

“Paagi sini mahibaloan ninyo kon nagahinulsol ang tawo sang iya mga sala—tan-awa, ikumpisar niya ang mga ini kag talikdan ang mga ini” (Doktrina kag mga Kasugtanan 58:42–43).

Paagi sa sinsero nga paghinulsol, sarang kita makabaton sang kapatawaran. “Kon mabatyagan mo ang pagpasulhay halin sa Espiritu, mahibal-an mo nga ang nagabayad-sala nga gahum sang Manluluwas nagahikot sa imo kabuhi.” Kag kon makasala kita liwat, pwede liwat kita maghinulsol, mapatawad, kag padayon nga magtinguha.

Dugang pa, gintudlo ni Elder Dieter F. Uchtdorf sang Korum sang Dose ka Apostoles: “Tilawan ni Satanas nga papatihon kita nga ang aton mga sala wala mapatawad tungod madumduman naton gihapon ini. Butigon si Satanas. .… Wala nagpromisa ang Dios nga indi naton malimtan ang aton mga sala. Ang pagdumdom makabulig sa aton nga malikawan ang paghimo sang amo man gihapon nga mga sala. Pero kon magpabilin kita nga matuod kag tampad, ang pagdumdum sang aton mga sala magahaganhagan sa kadugayan.”