Uw rogon nrayag ni ngan par u fayleng min “pag e tin nu fayleng banʼen”?

Pi Gachalpen nike Mel’eg, ke yib rok’ Casey Childs

Somoel e ke ga’ar, “Pag e tin nu biney e fayleng nge gay e tin nu falyeng nib fel’” (Doctrine and Covenants 25:10). Biney e dar yipfan ni ngad fekyathin niged e pin’en nib tu’uf rodaed u fayleng, machane be yipfan ni dabda chogow niged e fla’ab, gelngiy nib gel, liiw, fa tin ni ba’adag e fayleng ban’en. Ba’aray boech e yalen nikan machib nagdaed ko mornga’agen e par u fayleng:

Mu tay tirok’ Got ban’en ni’ir e somm’on. “Ere ngam m’oneged u wun’med e gagiyeg rok Got, nge tin nib m’agan’ ngay” (Matthew 6:33). Ulan gum’ircha’endaed nge yafos rodaed, fapi motochiyel rok’ Got nge fapi m’ag rodaed Ngak e ir e bin th’abi ga’fan e muruwel rodaed.

Gayed e Nangfan. “Nanap ni gara fil mornga’agen fare fayleng nib yilegnem, ma kagra fil mornga’agen fare Tathapeg. … Urngin ban’en ni gara fil, e arram gelngin ngrayag ni ngam un i toey tofen gul’ilngun Got ma aram ni gabe ayuweg e fayleng ni nge fel’” (For the Strength of Youth: A Guide for Making Choices [2022], 31, 32).

Muruwel. “Muruwel e ir reb fapi yalen e gospel ni rib ga’fan. Ra ayuwegdaed nge mon’og nagdaed. … Gathi kemus ni ba’adag Somoel ni ngad ayuweged e tabinaew rodaed machane thingar da ‘uned ko muruwel nib fel’ [Doctrine and Covenants 58:27]” (“Employment,” Topics and Questions, Gospel Library).