Kuht muhta facluh fuhkah ac “fihliac nuh sahyac ma luhn facluh se inge”?

Mwet Tuhma Lutlut Ma El Tuh Sulaclah, sel Casey Childs

Leum El fahk, “Kowos enenuh in fihliac nuh sahyac ma luhn facluh se inge, ac suk ma ac wo liki” (Doctrine and Covenants 25:10). Tiac kalmac pa kuht in pihlesruh ma luhn facluh ac mwe enenuh lasr uh, tuhsruhk kalmac pa kuht in tiac sang insiacsr nuh ke mwe kahsruhp, kuh, wal, kuh ma facluh lwelah. Pa inge kuhtuh akwuck kuht lutiyuck ke moul fin facluh uh.

Fihliac ma luhngse luhn God met. “A kowos in nunku meet ma nu ke Tokosrai lun God ac ma lungse lal” ( Matthew 6:33). Ke insiacsr ac moul lasr, masap luhn God ac wuhlweacng lasr yohrohl pa ma yohk se oemet sesr uh.

Suk etwaccack. “Ke kom lutlut ke facluh se raunikomlac uh, lutlut pac ke Mwet Lahngo. … Wiwina luhpan ma kom lotwelah, wiwina kuhiyom in muhsahi tohkohsrahi luhn God ac ekuhllah facluh ke wo (Nuh ke Kuh luhn Mwet Fuhsr: Inkacnek nuh ke Orek Sulaclah Wowo [2022], 31, 32).

Orekma. “Orekma el akwuck yohk sripac ke wosasuc. El kahsruh ahkkapye ac muhsahikuhtyak. … Leum El tiac luhngse kuht in kahsruh muhkwena sucu lasr uh tuhsruhk in arulacna kahfofo ke ohiac wo [Doctrine and Covenants 58:27] Orekma, Topics and Questions, Gospel Library).