Yebesi dɛn atsena wiadze no mu na “yɛdze wiadze yi mu ndzɛmba ato nkyɛn“?

The Disciples Whom He Had Chosen, Casey Childs yɛɛ nsaano mfonyin no

Ewuradze akã dɛ “Fa wiadze ndzɛmba to nkyɛn, na per hwehwɛ ndzɛmba a ofir bea pa”.(Nkyerɛkyerɛ na Ahyɛmudzi 25:10). Iyi nnkyerɛ dɛ yembu enyiwa ngu hɛn honandua mu na ndzɛmba ehiadze do, mbom ɔkyerɛ dɛ yɛnnkɛma hɛn akoma etsim wɔ ahonyadze, tum, dzibew, anaa wiadze ne mpendo do. Fapem horow a wɔakyerɛkyerɛ hɛn fa eretsena wiadze no mu bi nye yi:

Fa Nyankopɔn Ne ndzɛmba dzi kan. “Hom ndzi kan nhwehwɛ n’ahenman nye ne tsenenee” (Matthew 6:33). Hɛn akoma na hɛn abrabɔ mu no, Nyankopɔn ne mbrasɛm na hɛn ahyɛmu horow a yɛnye No edzi na ohia hɛn tsitsir.

Hom mper nsũa. “Ber a isũa fa wiadze a etwa wo ho ehyia no, sũa so fa Agyenkwa no ho. … Mpɛn dodow a isũa no, mpɛn dodow a ibotum aboa ma wɔakyekyer Nyankopɔn n’ahenman no na enya nhyɛdo pa wɔ wiadze do” (Ma Mbabun Enya Ahoɔdzen: Akwankyerɛ ma Nsanmuyi [2022], 31, 32).

Edwuma “Edwuma yɛ asɛmpa fapem a ohia. Ɔboa hɛn ma yenyin na yenya mpontu. … Ewuradze mmpɛ dɛ yɛhwɛ hɛn ebusua ebusua nko mbom dɛ ‘yɛper yɛ adzepa’ [Nkyerɛkyerɛ na Ahyɛmudzi 58:27]” (“Edwumayɛ,” Asɛngyinado na Nsɛmbisa, Asɛmpa Nwoma Korabea).