இளைஞரின் பெலனுக்காக மாதாந்திர செய்தி, செப்டம்பர் 2024

மனந்திரும்ப பயமா?

ஜெசிகா ஜோயி ஸ்ட்ராங்

சபை பத்திரிக்கைகள்

தலைவர் ரசல் எம் நெல்சன் சொன்னதற்கிணங்க, நீங்கள் ஏன் பயப்படக்கூடாது என்பதன் விளக்கம் இதோ.

எதைக்கண்டு நீங்கள்பயப்படுகிறீர்கள்? ரோலர்கோஸ்டர்களா? கணித வகுப்பா? ஏசாயாவைப் புரிந்துகொள்ள முயற்சிக்கிறீர்களா?

மனந்திரும்புதலை பற்றியதா? மனந்திரும்ப வேண்டும் என்ற எண்ணம் உங்களை போர்வைக்குள் மூடிமறைய செய்கிறதா அல்லது அதிகமாக சாக்லேட் சாப்பிடத் தூண்டுகிறதா என்றால் இந்தக் கட்டுரை உங்களுக்கானதுதான்.

“தயவுசெய்து பயப்படாதீர்கள் அல்லது மனந்திரும்புவதை தாமதப்படுத்தாதீர்கள்.” என்று தலைவர் ரசல் எம். நெல்சன் கூறினார். மற்றும் நல்ல காரணத்துடன். தலைவர் நெல்சன் கூறியதற்கிணங்க, மனந்திரும்புதல் மற்றும் அதல்லாத சில காரியங்கள் இங்கே உள்ளன.

மனந்திரும்புதல் என்பது அனைவருக்கும் ஆகும்.

மனந்திரும்புதல் என்பது”கெட்டவர்களுக்கு” மட்டுமானதல்ல.

”‘நாம் அனைவரும் மனந்திரும்புவது அவசியமா?’ பதில் ஆம் என்பதே.”

நித்திய மகிமையை விரும்பும் ஒவ்வொரு பொறுப்புள்ள நபருக்கும் மனந்திரும்புதல் தேவைப்படுகிறது. விதிவிலக்குகள் இல்லை. … மனந்திரும்புவது முன்னேற்றத்திற்கான திறவுகோல் ஆகும்.

மனந்திரும்புதல் என்பது ஒவ்வொருநாளும் முன்னேறி செல்ல ஒரு வழியாகும்.

மனந்திரும்புதல் : “பெரிய” பாவங்களுக்கு மட்டுமே நடக்கும் ஒரு அரிய நிகழ்வு அல்ல

“ஒவ்வொரு நாளும் சிறிது சிறப்பாக இருத்தலை, செய்தலை—அன்றாட மனந்திரும்புதலின் வல்லமையை பெலப்படுத்துதலை, அனுபவியுங்கள்.

“மனந்திரும்ப நாம் தேர்ந்தெடுக்கும்போது, மாறுவதற்கு நாம் தேர்ந்தெடுக்கிறோம்! நமக்குள்ள சிறந்த மாதிரிக்குள் நம்மை மாற்ற, இரட்சகரை நாம் அனுமதிக்கிறோம்.

“… நமது நித்திய முன்னேற்றத்தின் இந்த நிலையில் முழுநிறைவை கர்த்தர் நம்மிடமிருந்து எதிர்பார்க்கவில்லை. ஆனால், அதிகமாக தூய்மையாக மாற அவர் நம்மை எதிர்பார்க்கிறார்.”

சிறுவனும் சிறுமியும் மகிழ்ச்சியில் குதித்தல்

மனந்திரும்புதல் என்பது சமாதானம் மற்றும் மகிழ்ச்சியை உணர ஒரு வழியாகும்.

மனந்திரும்புதல் நீங்கள் அவமானத்தையும் பயத்தையும் உணரச் செய்வது அல்ல.

மனந்திரும்புதல்…சந்தோஷத்திற்கும் மனசமாதானத்திற்கும் ஆன திறவுகோல்.

“நாம் மனந்திரும்புதலைத் தேர்ந்தெடுக்கும்போது, … ஆவிக்குரிய விதத்தில் வளரவும் மகிழ்ச்சியைப் பெறவும் தேர்ந்தெடுக்கிறோம் - [இயேசு கிறிஸ்துவில்] மீட்பின் மகிழ்ச்சி.” (ஆல்மா 36:17-23 ஐயும் பார்க்கவும்).

மனந்திரும்புதல் என்பதுநம்மை நேசிக்கும் பரலோக பிதா மற்றும் இரட்சகரிடமிருந்து கிடைக்கும் ஆசீர்வாதம்.

மனந்திரும்புதல் ஒரு தண்டனை அல்ல.

“மிக மோசமான சூழ்நிலைகளைத் தவிர மனந்திரும்புதலை தண்டனையாக தவிர்க்கப்பட வேண்டிய ஒன்றாக, அநேக மக்கள் கருதுகிறார்கள். ஆனால் தண்டிக்கப்படுவதான இந்த உணர்வு சாத்தானால் உண்டாக்கப்பட்டது. நம்மை குணமாக்கவும், மன்னிக்கவும், சுத்தப்படுத்தவும், பெலப்படுத்தவும், தூய்மைப்படுத்தவும், பரிசுத்தப்படுத்தவும் நம்பிக்கையுடனும் விருப்பத்துடனும் நீட்டிய கரங்களுடன் நின்றுகொண்டிருக்கிற இயேசு கிறிஸ்துவை நோக்குவதிலிருந்து நம்மை தடுக்க அவன் முயற்சிக்கிறான்.”

மக்கள் சபைகூடுமித்தை நோக்கி நடந்து செல்லுதல்

நீங்கள் கர்த்தரின் சபைக்குத் தேவை.

நீங்கள் மனந்திரும்பக்கூடாதபடிக்கு வெகுதொலைவு சென்றுவிடவில்லை.

நீங்கள் உடன்படிக்கையின் பாதையில் இருந்து வழிதவறி வெகுதூரம் அல்லது மிக நீண்ட தூரம் சென்றுவிட்டதாக உணர்ந்தால், நான் உங்களுக்கு உறுதியளிக்கிறேன், அது உண்மையல்ல. இயேசு கிறிஸ்துவின் பாவநிவர்த்தி மூலம் உங்கள் எதிர்காலம் பிரகாசமாக இருக்கும்-மிகவும் ஒளியுள்ளதாக மாறும். உங்கள் பெற்றோர் மற்றும் ஆயர் அல்லது கிளைத் தலைவருடனும் நீங்கள் பேசலாம்.… தயவுகூர்ந்து, உடன்படிக்கைப் பாதையின் மகிழ்ச்சி மற்றும் பாதுகாப்பிற்குள் திரும்பி வாருங்கள். நீங்கள் எங்களுக்குத் தேவை.”

இளஞ்சிறுவன் இயேசு கிறிஸ்துவுடன் நடந்து செல்லுதல்.

தேவனின் சிறந்த பரிசை ஏற்றுக்கொள்ளுங்கள்.

ஆகவே, மனந்திரும்புதல் பற்றிய உங்கள் பயத்திலிருந்து மீண்டுவர இரட்சகரை நம்புவதற்கு நீங்கள் தயாராகிவிட்டீர்களா? நீங்கள் வருத்தப்படப்போவதில்லை.

தலைவர் நெல்சன் கூறுகிறார்: “உலகிற்கு இரட்சிப்பு தேவைப்பட்டதாலும், உங்களுக்கும் எனக்கும் இரட்சிப்பு தேவை என்பதாலும், [பரலோக பிதா] நமக்கு ஒரு இரட்சகரை அனுப்பினார்.

”… தேவனின் முழுமையான மற்றும் மதிப்புமிக்க பரிசை ஏற்றுக்கொள்வோம். நம்முடைய பாரங்களையும் பாவங்களையும் இரட்சகரின் பாதத்தில் வைத்துவிட்டு, மனந்திரும்புதலாலும் மாற்றத்தாலும் வரும் மகிழ்ச்சியை அனுபவிப்போம்.”

© 2024 by Intellectual Reserve, Inc. எல்லா உரிமைகளும் ஒதுக்கப்பட்டுள்ளன. அ.ஐ.நாட்டில் அச்சிடப்பட்டது. ஆங்கில அங்கீகாரம்: 6/19. மொழிபெயர்ப்பு அங்கீகாரம்: 6/19. இளைஞரின் பெலனுக்காக மாதாந்திர செய்தி, செப்டம்பர் 2024 மொழிபெயர்ப்பு. Tamil. 19343 418