Te Tetere ni Bwakantaain te Kaonobong
Ni Boutokakiia te Roro ae Rikirake
Te Rongorongo ae Kaeweaki
E na kakabwaiaaki man kakorakoraaki te uoote ae bwanin ngkana membwa a boutokaa te roro ae rikirake. …
Ana reiakina bannan te kaotioti ngkana a ikarekebai ma ngaira n waakin kakaean ao mwakurian taian wirikiriki ni beku ibukiia tabeman. Ngkana a katan nakon te Uea kairake ibukin kairakiia mai ieta, reitakiia ma Ngaia ao Onimakinana e na kakorakoraaki.
Ti kaota nanora n onimaki irouia kairake man anganakiia ara boutoka ao kairan kawaia ao man aki tautaekaniia. Ngkana ti keerikaki man kariaia bwa kairake a na bon reiakinna rinanon te reitaki n marooro i marenaia, rinean kawaia ae kairaki mai ieta, ao kammwakuran aia kainibaire, a na karekea te kimwareirei ni koaua ao te rikirake. …
A kamiira kairake n ninikoriaia, aia onimaki, ao rabakauiia. Ngkana a rineia bwa a na riki bwa ana reirei Iesu Kristo n ae bwanin, Ana euangkerio e na mwakoro inanoia. Iriirana e na riki bwa mwakoron kinaakiia, ao tiaki ti n te bwai ae a karaoia. …
Kairake ni boong aikai a warekaki ibuakoia tamnei aika a kakannato. Ngaiia bon taan nanomatoa ni kamanoa te koaua ma te inaomata n rinerine ni maiu i mwain te maiu n rabwata. A bungiiaki n boong aikai bwa a na ikoikota Iteraera rinanon ana kakoaua aika a korakora iroun te Uea Iesu Kristo. E kinaira n tatabemaniira ao e ataa korakoran ara konabwai. E taotaonakinnano i nanon rikirakeia. E na kabooi maiuia ao n kawakiniia. E na kamaiuia ao ni kairiia.