“Kaukauwa Cake Mai na Veitemaki,” Me iSakisaki ni iTabagone, Maji 2024.
Kaukauwa mo Vorata na iValavala Ca
Kaukauwa Cake Mai na Veitemaki
E rawa ni vaqaqacotaki iko na iVakabula ni o segata mo levea na ivalavala ca.
Na veivutuni sa dua na cakamana. A vakavuna o Jisu Karisito me rawa oqo. E marautaka na Tamada Vakalomalagi me vosoti keda ni da digitaka meda veivutuni ka muria na Nona ivakaro. Me vaka ni da gadreva kece me da veivutuni ena noda bula taucoko, e rawa vakacava ni da vorata na ivalavala ca ka digidigi vakavinaka cake?
Oqo eso na ivakasala me rawati kina na kaukauwa mai vei Jisu Karisito me vorata na veitemaki:
-
Wilika na ivolanikalou e veisiga.
-
Masu e veisiga.
-
Lako vakawasoma ki lotu.
Ena so na gauna eda dau vakawalena na isaunitaro raraba, ka matata oqo. Kakua ni lutu ki na dai oqori! Na isaunitaro taumada ka bibi oqo e dau tokaruataki vakawasoma baleta ni ra sa isaunitaro taumada ka bibi! Era na cakacaka.
Cakava na veika oqo, ka o na toro voleka yani vua na nomu iVakabula.