“Bwe Aō Ine Ej Eṃṃan, im Men eo Ij Ineke E Mera—Kōkadudu ko,” N̄an Kōkajoorļo̧k Jodikdik ro, Nob. 2022.
Bwe Aō Ine Ej Eṃṃan, im Men eo Ij Ineke E Mera
M̧ōttan ko rekadu
Elōn̄ kōnono ko kar litok jān ritōl ro an Kabun̄ in kōn iakwe em̧ool, juon wōt, iakwe, jouj, tiriam̧o, jeo̧rļo̧k bōd, im jouj. Ij tōmak Rilo̧mo̧o̧r ej kūr kōj n̄an mour kōn juon wāween eutiejļo̧k, ekwojarjarļo̧k—An wāween iakwe ijo aolep remaron̄ en̄jake ilo m̧ool uwaan im aikuji er.
Kar kakien kōj n̄an iakwe ro jet, jab ekaejete er. Jen joļo̧k eddodo ko; ejjab ad n̄an ineeki. Ijoke, jemaron̄ bōk ine eo an Rilo̧mo̧o̧r kōn iakwe im tūriam̧o. …
…Ro Ekar jibwe er rekar en̄jake iakwe, eo An im bwe iakwe eo ekar kōmour im ukōt er. An iakwe ekar im̧we er n̄an kōņaan ukōt mour ko aer. Mour kōn wāween eo An ekar bōktok m̧ōņōņō im aenōm̧m̧an, im Eaar karuwaineneik ro jet n̄an mour kōn wāween jab eo kōn ettā, jouj, im iakwe. …
…Ilo an ļapļo̧k ad ekkatak n̄an kōm̧m̧ane ta eo Ej kajjitōk ippād—jaab ilo jerbal ak em̧ool kōn kōjeraam̧m̧an ko jemaron̄ būki ak ejjeļo̧k iakwe em̧ool n̄an E im Jemedwōj Ilan̄—An iakwe enaaj lutōktok ilo kōj im kōm̧m̧an bwe aolep men eo Ej kajjitōk eban pidodo ak enaaj lukkuun pidodo im mera im n̄an kōļapļo̧k m̧ōņōņō eo jejjab maron̄ kōtmene. …
…Kajjojo rej aikuj en̄jake bwe rej lukkuun in en̄jake ruwainene im rej aikuji er ilo ānbwin eo an Kraist. Ikdeelel eļap an Setan ej n̄an kōjepelļo̧k ro nejin Anij, im eļap an tōprak, bōtaab ewōr kajoor eļap ilo bōro kuk. Im elmen ad aikuj etetal jibwe pein doon ilo iaļ in eapan̄ ilo mour in!